عنوان الموضوع : بطاطس بالحمه المفرومه...أكله مصريه تحفه لذيذ
مقدم من طرف منتديات نساء الجزائر

بطاطس بالحمه المفرومه...أكله مصريه تحفه




البطاطس باللحمه المفرومه

المقادير
كيلو من البطاطس المتوسطه الحجم ياريت تبقى مستطيله شويا
نصف كيلو لحم مفروم
2 بصله مفرومه
2 فص ثوم
2 ملعقه صلصه طماطم
حبتين طماطم مقطعه مكعبات صغيره
ملح فلفل اسود بهارات شطه

الطريقه
أولا.......
نبدء بتقشير البطاطس وحفرها بحيت نترك الجوانب بسمك 2 سم ((( خلي بالك هنحفرها من حته واحده مش حتتين واحفري بالراحه وخلي بالك انك بنوته رقيقه )))و نقلى البطاطس فى زيت لحد لونها ما يكوندهبي فاتح يعنى بس تدبل من الزيت ونضعها على فوط مطبخ علشان الزيت .
ثانيا......
في حله تانيه نضع البصل المفروم يتشوح ونحركه حتى يصبح شفاف (الى تحب تضيف ملعقتين زيت براحتها ) اناافضل الطبخ بدون دهون لات اللحم فيه ما يكفى من الدهون واحنا مش ناقصين دهون
ثم نضيف الثوم المفروم وبعده اللحم ونحرك مع اضافه البهارات والفلفل والملح
نغطى اللحم حتى يتشرب من السؤائل الى يفرزه اللحم
ثم اضيف اليه معلقتين الصلصه والشطه حسب الرغبه ونتركها تستوى 10 دقايق حتى تجف كل السوائل من اللحمه
بعدها نحشى حبات البطاطس بخليط اللحم المفروم براحه خالص اوك
ثالثا.......
فى صنيه الفرن نضع ملعقتين زيت + بصله جوانج تتشوح ثم نضيف مكعبات الطماطم ونحط قلب البطاطس الى طلعناه لماحفرناها تتقلب شوى ثم نضع لها الملح ونرص فوقها حبات البطاطس المحشيه وندخلها ربع ساعه الفرن أو ممكن نحطلها شويه شربه مش كتير ونحطها على نار هادئه بعد ما نغطيها لمدة ربع ساعه وتقدم مع رز ابيض أو رز بالكركم ايه رايكم فيها يا رب تعجبكم و بالهنا والشفا .

>>>>> ردود الأعضـــــــــــــــــــاء على الموضوع <<<<<
==================================


يم يم يم تسلم ايديك على الصينية الذيذة


__________________________________________________ __________

تسلمى على المرور الحلو


__________________________________________________ __________

اي الحلاوه دي كلها اعملي حسابك لما ترجعي مصر بالسلامه انا معزومه عندك علي الصينيه دي (( رضيتي ام لم ترضي )):icon18:


__________________________________________________ __________

يا جميل بس ارجع وانا اعزمك على خروف مش صنيه بطاطس


__________________________________________________ __________

تسلم الايادى