هذا الطريقه من موقع اجنبي وهو منقول
نحتاج الى
4 او 5 باذنجان حسب طبختك
كوب كبير بقسماط
زيت زيتون
بصلة مفرومة صغير
جبنة مبشورة
ملعقة من ورق الاوريجانو مفروم صغير
ملح وبهار
2 بندورة مفروم بالخلاط او بالمكينة الكهربائية بس يكون ناعم
2 بيض مسلوق مفروم قطع بالطول
الطريقة
قطعي الباذنجان الى شرائح متل الصورة
ضعي القليل من الزيت في قلاة عميقة واقلي الباذنجان شوي حتى يلين شوفي شكله ولونه كيف بالصورة
بعد الانتهاء من القلي ضعيه على ورق المطبخ حتى يتشرب الزيت
ضعي نصف كمية البقسماط بمقلاة وحمريهم مع ملعقة زيت حتى يصبح لونه ذهبي
بمقلاة تانية ضعي ثلاثة ملاعق زيت واقلي فيها البصل حتى يذبل لا تخليه يحمر
بعدما يذبل البصل ضعي البقسماط فوقه وقلبي جيدا وارفعيهم عن النار
ثم اضيفي الجبنة والاوريجانو والبهار واخلطيهم
اشعلي الفرن على 190 درجة واتركيه يحمى وجيبي صينية بايركس ضعي فيها ملعقة زيت ورشي عليها قليلا من البقسماط المتبقي وهذا يمنع الباذنجان من يلزق بالصينية
ضعي الباذنجان على لوح او صحن كبير وابداي بحشيها بالحشوة اللي عملناها بصل وبقسماط ضعي بكل شريحة ملعقة صغيرة
ضعي فوق كل وحدة قطعة بيض
وضعي ملعقة صغيرة من خليط البندورة المفرومة ناعم
اغلقي الباذنجان واعمليها متل الرول
صفيها بصينية الفرن
ضعي ما تبقى من البندورة والبقسماط واسكبي قليلا من الزيت فوق الشرائح وضعيها بالفرن حوالي 20 دقيقة
ثم اخرجيها وقدميها ساخنة وبالهنا : :206:
رولات الباذنجان -من مطبخي
رد مع اقتباس
