طاجن السمك لذيذ
عنوان الموضوع : طاجن السمك لذيذ
مقدم من طرف منتديات نساء الجزائر
طاجن السمك
جايبه لكم طريقه تحفه للسمك
الطريقه دي تنفع مع انواع كتير من الاسماك
المقادير:
ك سمك مقطع جزل(بياض-وقار-قاروص-لوت -ثعابين-موسى-
هامور..........
اي سمك حجمو كبير شويه وشوكو مش كتير وكمان الجمبري
والسوبيا و السبيط)
ك بصل مقطع جوانح-كطماطم "نقطع 2 شرائح ونعصر الباقي"
ثوم-ملح-بهار سمك-زيت -مقدار دقيق لتحمير السمك.
-ننظف السمك ونغسله "حسب النوع"يعني لو جمبري يتقشر.
-يتبل السمك ويجهز للقلي بالطريقه العاديه يعني يغطى بالدقيق
ويقلى في الزيت , بالنسبه للجمبري والكاليماري يشوح فقط في معلقه
زيت مع البصل.
-بعد ماتطلع السمك اللي قليناه يترك جانبا ونبدأ بعمل الصلصه
- توضع كميه مناسبه من الزيت ويشوح فيها البصل "الكميه كلها حتى يشقر نضيف معلقه ثوم مفري وقبل ما الثوم يحمر نضيف الطماطم المعصوره الى ان تتسبك نضيف الملح والبهار
-نضع نصف الصلصه في طاجن غويط و نرص عليها السمك وشرائح الطماطم
-نغطي السمك بباقي الصلصه وتدخل الفرن لمده نصف ساعه
وبالهنا والشفا.....
>>>>> ردود الأعضـــــــــــــــــــاء على الموضوع <<<<<
==================================
والله بجد حرااااااااااااااام عليكى جوعتينى والله عاوزة اكل سمك بطريقتك دى دلوقتى حااااااااااالا
انتى باين عليكى طباخة مااااااااااااااااااااهرة اوى اوى
والله هعمل السمك بطريقتك دى لانها جاااااااااااااااااااامدة اوى
تسلم اديكى حبيبتى وفى انتظار جديدك
__________________________________________________ __________
عزيزتي
يعطيك الف عافيه ع الطريقة الشهية جدا
دام لنا تميزك وحضورك الرائع
سلمت وننتظر منك الجديد والمزيد ووفقك الله
لك مني ارق المنى
وخالص التقدير والاحترام
نور الإيمان
__________________________________________________ __________
تسلمولي روما و نور الايمان مش عايزه اقول اعملو واوصلهولكو للبيت لتقولو ده كلام بمبوطي وعم قرموطي بس جربوه وقولولي .....و بالهنا والشفا
__________________________________________________ __________
حبيتى والله صادقة وتعمليها لان الشراقوة اهل الكرم
تسلم اديكى مرة تانية
__________________________________________________ __________
ماشي يا روما اللي بينا اكبر من طاجن سمك....قد البحر وامواجو واسماكو كلها ...بحر احمر وابيض ..لااااا والنيل كمااان
رد مع اقتباس
