سمك هامور بصلصة الكسبرية لذيذ
عنوان الموضوع : سمك هامور بصلصة الكسبرية لذيذ
مقدم من طرف منتديات نساء الجزائر
سمك هامور بصلصة الكسبرية
السلام عليكم حبيباتى
راح اقول ليكم على طريقة سمك حلوة اوى وتتعمل باى نوع سمك سواء فيلية او غير فيلية( قطع جزل)
اولا السمك نجيبة وننضفة كويس ويتبل
التتبيلة
ليمون وخل و ثوم وقرن فلفل احمر واخضر و ملح وكمون و شطة ويتبل ونشوية فى الفرن لو كان فيلية ويوضع علية شرائح من الليمون
ولو كان جزل نقيلة فى زيت حار ويصفى على ورق كلينكس
راح نحتاج فيها
زيت
بصل
ثوم
فلفل احمر و اخضر
صلصة طماطم بيورية
نص لفة كسبرة خضرا
طريقتها:
يضاف الزيت ويشوح فية البصل ويضاف الثوم والفلفل الاخضر والاحمر والملح والخل والليمون والكمون والشطة يعنى من النهاية حتة تعينوها من تتبيلة السمك
تحطوها مع البصل اول لما تتطلع رائحتها نروح ضايفين الطماطم البيورية
وتترك لما تتسبك مع بعضها وفى الاخر الكسبرة الخضرا دى اختيارى عاوزة تحطيها حطيها مش عاوزة بلاش
انا بحب اكلها من غير الكسبرة الخضرا بتبقى طعمها تحفة
بعد ما السمك يستوى من الفرن نطلعة ونحط علية الصلصة دى
او لو كان جزل نحطة فى طبق التقديم ونحط علية الصلصة برضو
يقدم مع ارز الابيض مزوق باللوز والصنوبر المحمرين
وبالف هنا وشفا عليكم يا رب
>>>>> ردود الأعضـــــــــــــــــــاء على الموضوع <<<<<
==================================
تسلم يدك من الاذى....... 
__________________________________________________ __________
الله يسلمك يا جميل
شرفنى مرورك لصفحتى حبيبتى
__________________________________________________ __________
ما شاء الله تباااااااااااااارك
الله يعطيكي العافيه
خالص بس اخوي يصتاد سمك رح اجرب طريقتكي
جزاكي الله خير
واسال الله ان يرزقكي الزوج الصالح عاجل غير اجل
__________________________________________________ __________
تسلم ايديكي
__________________________________________________ __________
حبيبة قلبى قلب زوجها ربنا يخليكى لية يا رب ومش يحرمنى منك ابدا
انا اعمل السمك دة ليكى واوصلهولك لغاية البيت حبيبتى
وربنا يجزيكى كل الخير ويحقق ليكى ال فى بالك ان شاء الله قريب
ويا رب حبيبتى يتقبل منك دعوتك لية عاجل غير اجل
ياااااااااااااااااااااااااااااااااااااااااارب
ونورتنى لدخولك لصفحتى يا روح قلب روما
رد مع اقتباس
