مربى الفريز خطوة خطوة من مطبخ حواء الشام
عنوان الموضوع : مربى الفريز خطوة خطوة من مطبخ حواء الشام
مقدم من طرف منتديات نساء الجزائر
مربى الفريز خطوة خطوة من مطبخ حواء الشام
السلام عليكم أخواتي العزيزات
الحمد لله الذي أطعمنا وسقانا وجعلنا مسلمين
مربى الفريز من ألذ المربيات وهلأ موسم الفريز البلدي
عنا بسورية طعمتو وريحتو غير شكل والمربى رح يكون ألذ
دائما
مع الفطور الصباحي للأولاد مع الزبدة والجبنة قبل مايروحو مدرستهن
وهلأ حواء الشام رح تبدا معكم
حضرت الفريز وهون الكمية اللي شايفينها عبارة عن 10كيلو فتحتاج
9كيلو سكر
ولما مابتعرفي الوزن نصيحتي لكي ضعي الفريز بوعاء معين وبنفس الوعاء ضعي كمية السكر وطبعا عزيزتي جربي بمقادير قليلة
أنا عاملة هون مونة السنة أوكي حبيباتي
وبعد ماحضرنا الفريز نقوم بغسله وقطع القسم الأخضر منه
وبعدين نقطع الفريزة نصفين فقط
وبعدين نحضر كمية السكر
وبعدين نخلطها بالفريز
و(((((نتركها من المساء للصباح )))))) رح تشوفي كيف صار الفريز رخو وصار فيه الصوص اللي كلنا منحبو
وبعدين نشعل الغاز عالقوي ونبقى بجانبه حتى تصير الرغوة وبسرعة بهدي الغاز حتى مايفور الفريز على الغاز ونبدأ بإزالة الرغوة كلها
ومنخلي الغاز على الهادي وكل ماظهرت رغوة نقوم بإزالتها
وهادا الحكي بضل 3ساعات مع الكمية الكبيرة
وآخر خطوة أضع ملعقة صغيرة ملح ليمون وإذا الكمية قليلة انتبهي ماتكتري رشة بتكفي وأضع 2باكيت جيلي أحمر فريز وأحرك بسرعة وبقوي الغاز متل مو شايفين عم يغلو
وبخليهن عشر دقائق حتى يتماسكو شوية والمربى بس يبرد بتلاقيه تماسك أكتر
ولما يبردوا على الآخر أضعهم في مطربنات زجاج
وأنا بحتفظ بمطربنات النسكافيه
وهي النتيجة
وصحتين وهنا
>>>>> ردود الأعضـــــــــــــــــــاء على الموضوع <<<<<
==================================
ما شاء الله عليكي اختي حواء الشام
مبدعة
الله يعطيك الف عافية
وهاتيلك مرطبان
__________________________________________________ __________
ماشاء الله عليكي حواء........
مربى ولا اروع....انا كتير بحب مربى الفريز...
والجلي كمان فكرة حلوة........
تسلم ايدك
أحلى شعار تثبيت وتقييم ** تستاهليه ياقمر
__________________________________________________ __________
تسلم ايدك حبيبتى احلى مربى هى الفراوله فعلا
وطريقتك روعه
تستاهلى التقييم والتثبيت والشعار بجداره
تحياتى لكى
__________________________________________________ __________
ماشاء الله
رووعة
هى مختلفة شوية عن طريقتى
بس ان شاء الله أجرب طريقتك المرة الجاية
لأن النتيجة شكلها حقيقى حلوة
تستحقى التثبيت والتقييم والنجوم عن جدارة
__________________________________________________ __________
الحمد لله الحمد لله
والله فرحتي لا توصف لما شفت الموضوع مثبت
لإني شعرت بأن الله لايضيع أجر من أتقن عمله سبحان الله
أشكركم أشكركم من كل قلبي على التشجيع
وبالشامي تأبروا قلبي ما أحلاكم ويارب ماانحرم من مروركم العطر دائما على مواضيعي
أشكرك حبيبة قلبي رنيم الغربة
أشكرك حبيبة قلبي طائر الوئام
أشكرك حبيبة قلبي لؤلؤة وردية
أشكرك حبيبة قلبي ميمي
وعلى حسابكم المطربنات كلها مابينعز عليكم شيء حبيباتي
رد مع اقتباس
