عنوان الموضوع : طريقه روعه وسهله لعمل فطاير اللحمه
مقدم من طرف منتديات نساء الجزائر

طريقه روعه وسهله لعمل فطاير اللحمه



بسم الله الرحمن الرحيم


حبيت اكتبلكم طريقتي بعمل فطاير اللحمه وبتمنى تعجبكم واكيد
في ناس كتير بعملوها متلي






المقادير للعجينه

2 كيلو طحين
ملعقتين ملح
كاْس زيت او زبده
خميره فوريه ملعقه
حليب للعجن او ماء بس بالحليب السائل اطيب
3 بيضات وضروري البيض

نضع كل المواد على الطيحن ما عدا الحليب الساءل لانو رح نعجين فيه العجينه شوي شوي
ونبداْ باْضافة الحليب السائل على الطحين والمواد الي حطيناها شوي شوي مع العجن المستمر حتى تصبح العجينه متماسكه تماما ثم نضع العجينه في مكان دافئ ولا ننسى تغطية العجينه جيدا بالقماشونتركها حتى تختمر وثم نقطعها الى 4 قطع كبيره ونغطيها كي ترتاح او ازا بتحبو تكون العجينه مقرمشه وقت الاكل ممكن نبلش فيها على طول بدن ما نتركها ترتاح


اما بالنسبه لمقادير الحشوه
وهي
لحمه مفرومه
بصله كبيره
ثوم
بهارات +فلفل اسود مطحون +ملح
مكعب ماجي
قليل من رب البندوره ممكن ملعقه
حبتين او حبه بندوره مفرومه ومقشره
علبة ذره حسب الرغبه
علبة فطر وضروري الفطر لانو هو الي بزكيها
وفي خلطه اسمها ايفر ما بعرف ازا متواجده ببلادنا العربيه او او يمكن الها اسم تاني عندكم غير هاد الاسم هي بتكون متل الشطه مخلوطه مع رب البندوره والثوم وشغلات تانيه ازا اندليتو علها ممكن نحط منها ملعقه كبيره او ملعقتين كتير بيصير طيب معها
وزيت للطبخ


الطريقه
نضع الزيت في طنجره وبنحط عليه البصل بعد تقضيره وفرمه فرم ناعم كتير وبنذبل البصل تذبيل مو اكتر وبعدين بنحط اللحمه وكل المواد الي ذكرناها فوق مع بعض وبنحط شوية مية ونغطي عليه حتى يستوي
وبعدين بنحطو بصينيه حتى يبرد تماما وضروري يبرد لحتى العجينه ما تسوخ من الحم
وبعدين بنرق العجينه بالشوبك منيح وممكن لحتى تطلع معنا الحبه صغيره ومرتبه ممكن نجيب شغله مدوره صغيره يعني مثل غطاية بريق الشاي بكون مدوره وصغيره وحاده تقطع العجينه بسهوله ونقطع فيها العجين
وبنحط الحشوه على العجينه وبنسكرها يا ريتني صورت الخطوات كان ممكن اسهل علي من الشرح ههههههههههه
يلا المره الجاي رح اصورها انشاء الله وانزلها الكم
وبعدين بنحطها بالصينه على طول وبندهن الوجه بالبيض باستخدام الفرشايه الخاصه للحلويات وبنحمرها بالفرن والنتيجه شفتوها فوق
وصحتين وعافيه لا تحرمونا من ردودكم
سلامي للجميع

>>>>> ردود الأعضـــــــــــــــــــاء على الموضوع <<<<<
==================================


يسلمو حبيبتى
ريتو صحة وعافية يارب
ياريتك نزلتى المراحل كلياتها
كن استفدنا اكثر
سلمت يداك
وبنتظارجديدك
دمتى بود


__________________________________________________ __________

تسلم أناملك ويعطيك العافية


__________________________________________________ __________

يعطيك العافية
شكرا لك


__________________________________________________ __________

واوشهيتيني يعطيك العافيه


__________________________________________________ __________

ممممممممم
يسلموا يا غصون شو هاد
شكلي رح آجي عندك لحتى آكل منهم يلا حضري حالك
انا جاي بالطياره طيار ههههه
وان شاء الله رح اطلطل على الشات بس المشكله لما ادخل ما بكون في حدا خخخخخ
يعطيكي العافيه