سفرة بمناسبة نجاحي بالماجستير من مطبخي بالصور -من مطبخي
عنوان الموضوع : سفرة بمناسبة نجاحي بالماجستير من مطبخي بالصور -من مطبخي
مقدم من طرف منتديات نساء الجزائر
سفرة بمناسبة نجاحي بالماجستير من مطبخي بالصور
سفرة عملتها بالامس بمناسبة نجاحي بالماجستير
في الصورة هنا يظهر الحمص + مقالي بالزعتر البري بعجينة العشر دقائق + خبز من مطبخي + توست بجبن السلايس
+ معكرونة بالباشميل على اليمين ورز بالخضار بالباشميل على اليسار + معجنات الزعتر بعجينة العشر دقائق + فطر بالزعتر البري + سلطة الذرة بالمايونيز واللبن + شاورما مدخنة
فطر بالزعتر البري
بتقطعي بصلة في شوية زيت وعليها الفطر المقطع مباشرة بتحطهم على بعض وعليهم رشة زعتر بري اللي هو الزعتر الناشف اللي بنستخدمه في البيتزا ،، وبتتركيهم على نار هادئة عبان ما تسمعيها بدأت تطقطق ،، رح يطقطق الفطر وببدأ يكش انا بحب كمان اخليه بعد الطقطقة كمان شوي بحيث يبدأ يتحمر زيادة بعدين بتشيليه وبتحطي عليها لبن انا بحط بالنص بس عشان احافظ على الشكل ولو حطيت على كل الصحن بتختفي معالمة
ملاحظة ::: دايما مع الزعتر البري ما بستخدم اي نوع بهار عشان الزعتر يحافظ على طعمه
شاورما مدخنة
قطعي فليهات الدجاج طوليا بعدين حطيها في طنجرة رح تدخل الفرن واضيفي التالي نعناع (اخضر او ناشف) ريحان (اخضر او ناشف) عصير ليمونة + خل + ملح + بهارات ماجي + فليفلة مقطعة (هادي اللي رح تعطيها طعم طيب جدا ) + بصلة كبيرة شرايح + ثوم مقطع واتركيها لليلة في الثلاجة وتاني يوم متل ما هي وبدون ما تضيفي مي حطيها على النار بدها يمكن نص ساعة على نار هادئة
بعدين لما تستوي طفي عليها ولعي فحمة وفي و سط الشاورما حطي ورقة قصدير وفيها سمنة وحطي الفحمة المولعة فيها وسكري الطنجرة واتركيها رح تدخن وتعطي طعم المشاوي الحقيقي
لما تحطيها في صحن التقديم على الوجه حطي خلطة مايونيز + لبن ثم الخبز المقلي وصحتين وعافية
هادي معكرونة بالباشميل ووقتها كنت عاملة رز بالخضار بالباشميل (نفس الشكل الخارجي ) رح اكتبلكم الطريقة
رز بالخضار بالباشميل
الطريقة
حلوسي بصلة واضيفيلها اي نوع من انواع الخضرة اللي بتحبييها انا هون اضفت بطاطا + لوبياأو فاصوليا مش عارفة ايش اضفت+ باذنجان + مبشور الجزر وخليهم يستوا على نار هادية
بعدين فلفلي رز عادي
بعدين اعملي البشاميل وفي صينية بتدخل الفرن حطي طبقة باشميل ثم الخضرا ثم الرز واخيرا طبقة باشميل وغطيها بالزبدة وفي الفرن من فوق بس وصحتين وعافية
سلطة الذرة بالمايونيز واللبن
الطريقة
جزر مبشور + خيار + ذرة + ملفوف + شوية ملح وعلى الوجه مخلوط اللبن مع المايونيز ثم تزيين بالسماق وصحتين
>>>>> ردود الأعضـــــــــــــــــــاء على الموضوع <<<<<
==================================
الله يعطيك الف عافيه
__________________________________________________ __________
جوعانه شهيتني ع الاكل
__________________________________________________ __________
ماشاء الله
تسلم الايادي والله يعطيج العافيه
والف مبرووك نجاحك ومنها للاعلى ان شاء الله
__________________________________________________ __________
ما شاء الله مبدعه تسلم يدك يارب
__________________________________________________ __________
مبروك النجاح وسفره هنيئه
رد مع اقتباس
