عنوان الموضوع : وصفتي لجوانح الدجاج بالخضار ممممممممم وبالصور -على طريقتي
مقدم من طرف منتديات نساء الجزائر

وصفتي وتطبيقي لجوانح الدجاج بالخضار ممممممممممممممم وبالصور



السلام عليكم حبيباتي العسولات مبارك عليكم شهر الرحمة والمغفرة

أول يوم رمضان كنت تعبااااااااانة كتير كتير أنا وأمي وما قدرنا نحضر شي للفطار

وبالصدفة كنا جايبين جوانح وغسلتهن بكل صعوبة على قد مو تعبانة
بس خطرلي هالأكلة الطيبة كتير وأتنشطت وحبيت أعملها
وأشارككم فيها
المقادير
15قطعة جوانح
3حبات بندورة
3حبات فليفلة
3حبات جزر
3حبات بصل وسط
كيلو بطاطا
ملعقة دبس بندورة
ملعقة دبس فليفلة
5ملاعق زيت زيتون
ملعقة كزبرة يابسة
ثوم مدقوق حسب الرغبة
بهارات بروستد
شوية ملح
ملعقة صغيرة زنجبيل مطحون
واذا حبتو تخلو اللون أصفر ضيفو شوية كركم
وأهم أهم الشي ملعقة صلصة صويا يلي بتجيب كل الطعم والنكهة الطيبة
ملاحظة :المقادير ممكن تعملوها على ذوقكم حسب ما بتحبوا مو ضروري تتقيدو تماما فيها
خصوصا كمية الخضار

الطريقة
نفرم الخضار حسب رغبتنا بس ما ننعمها
نفرم البطاطا لشرائح وسط
نخلط كل البهارات ودبس الفليفلة والبندورة
ونقسم التتبيلة قسمين
نخلط البطاطا والخضار ونتبلها بأول قسم
بعدين نتبل الجوانح
نحط بالصينية الخضار من تحت والجوانح من فوق و

نغلفها بالسلوفان



هي صورة الصينية

وبصراحة أنا فرني كهربا وطولوا شي ساعتين
ساعة ونص بالسلوفان ونص ساعة بلاه حتى يتحمرواواذا بدكم تحمروا الخضار كمان
شيلو الجوانح شوي على طرف وحطوا الخضار بصينية لحالها شي نص ساعة
انشاء الله تعجبكم
وألف هنا وشفا
وبعد ماطالعتو من الفرن

سفرتي البسيطة جدا جدا


قلتلكم انو ما قدرت أعمل شي تاني


وهي صورة التمر

شايفين أديه معذبة حالي ههههههههه

وكنت عاملة جيليه

بحبكم بالله

لا تنسوني من ردودكم الحلوة

>>>>> ردود الأعضـــــــــــــــــــاء على الموضوع <<<<<
==================================


جاني جوووووووووع ههههههه يعطيك العافيه وانا من محبي الجوانح كثييييييير تحياتي


__________________________________________________ __________

يسلموووووووووووو على طرحك


__________________________________________________ __________

رووووووووووووووعة يسلموو ايديك


__________________________________________________ __________

ما شاء الله سفرة عامرة ... بس كنتيحطيتيها بقسم المائدة الرمضانية وشاركتي بالمسابقة ... اكله طيبة تسلم ايدك وصيام مقبول ان شاء الله


__________________________________________________ __________

مشكورين حبيباتي الله يسعدكم

ويوفقكم ويتقبل منا ومنكم
بس اختي ام رقة والله راح عن بالي قصة المسابقة
الظاهر راحت علي
مرة تانية انشاء الله
بحبكم بالله
لا تآخذوني اذا ما قدرت ارد على مواضيعي
لأنو القصف والقتل والضرب عنا شغال

الله يفرج عنا
دعواتكم حبيباتي