شوفوا دجاجاتي ربيتهم ...وبس كبروا ..سويت عليهم............مسخن -طبق رئيسي
عنوان الموضوع : شوفوا دجاجاتي ربيتهم ...وبس كبروا ..سويت عليهم............مسخن -طبق رئيسي
مقدم من طرف منتديات نساء الجزائر
شوفوا دجاجاتي ربيتهم ...وبس كبروا ..سويت عليهم............مسخن
كيفكم صبايا ...اسعد الله اوقاتكم..
اليوم عازمه اخت زوجي ..وزوجها..
وبدي اطبخ لكم طبخه ...اكيد بتعرفوها ومش غريبه...
بس الغريب فيها انه الدجاجات ..احنا ربينهم ..جابهم ابني
صيصان صغار من شهرين ..وزوج بنت حماي رباهم
واهتم فيهم ...وطعماهم اكل صحي ...ودبحهم امس ..وجابولي
اياهم اطبخهم ...وبدي اطبخ اليوم عليهم ...مسخن..ان شاءالله
اكيد مكونات المسخن كلكم تعرفوها...
دجاج....بصل...زيت زيتون...خبز الطابون..ملح ..حب الهيل
سماق...
طبعا بعد ما نضفنا الدجاج ...سلقناه...وبعد ما شلنا زفرته
ضفناله البصل وحب الهيل....وتركناه يغلى على نار هاديه خفيفه..
وفرمنا البصل شرائح صغيره...وقلبناه بزيت الزيتون...
على نار هاديه...وبعد ما نضج الدجاج صفيته بصينيه
وضفتله بصل مع زيت وسماق...وحطيته في الفرن..
وطبعا زادت مرقة الدجاج...صفيتها ..وعندي ملوخيه بالفريزر
طبخت ملوخيه ..وبجانبها رز بشعيريه....
وعملت جنبهم تبوله...وبنتي سوت سلطه يونانيه....بالجبنه
وبعد ما حمرت الدجاج جيدا ..
جبت البصل وضفت عليه السماق ..وصفتله الدجاج المحمر
وتركته يتشرب طعم البصل والزيت والسماق....جيدا
وبعدين شيلته من البصل والزيت..وجبت خبز الطابون
وصرت انقعه بالزيت والبصل...رغيف رغيف..وصفيته
بصدر..فوق بعض ..ودرت عليه باقي الزيت والبصل
والسماق...وصفيت عليه الدجاج ...وحطيته في الفرن
مدة 5دقائق...وبعد ما طلغته من الفرن...حطيت
عليه مكسرات محمصه...
وجهزت السفره ..وكان الاكل كتير طيب...وانبسطوا فيه
والحمدلله كانت السفره ...حلوه ..وان شاءالله تعجبكم..
شايفين عضام الدجاج ...خليناهم للقطط...
وان شاءالله يعجبكم الطبخ ..وصدقوني الصيصان ..نفس
الدجاجات...اللي بالصور ..ونفس اللي انطبخوا بالمسخن
>>>>> ردود الأعضـــــــــــــــــــاء على الموضوع <<<<<
==================================
يسعدني أني الأولى في مطبخك
هههههههههههه صحتين وهناء
ميسون ممكن تقوليلي شو هي التبولة يعني
كيف تعمليها والله ماشاء الله عليك طباخة وعين الحسود لا تسود
__________________________________________________ __________
ما شاء الله عليك يا ميسون وان شاء الله عما قريب تصيرين شيف سيدتي ...ولكن اياك تطردك سيدتي من القسم الاسلامي هههه.
لك مني كل الحب والتقدير ...وفي انتظار جديدك المميز دوما .
__________________________________________________ __________
يا حرام الصيصان
بس اكل لذيذ يا شيف ميسون
يمممممممممممم تسلم اديكي
__________________________________________________ __________
المشاركة الأصلية كتبت بواسطة ghardaya 
يسعدني أني الأولى في مطبخك
هههههههههههه صحتين وهناء
ميسون ممكن تقوليلي شو هي التبولة يعني
كيف تعمليها والله ماشاء الله عليك طباخة وعين الحسود لا تسود
تسلمي حبيبتي شكرا الك ياعمري كلك زوق
حبيبتي في حدا ما بعرف التبوله
هيه اكله طيبه كتير مكونه من البقدونس..والبرغل
وزيت الزيتون وبندوره ..وخيار..وليمون وملح ...
ونعنع ...وخس..كتير طيبه ومفيده كمان
__________________________________________________ __________
المشاركة الأصلية كتبت بواسطة dr bouchra
ما شاء الله عليك يا ميسون وان شاء الله عما قريب تصيرين شيف سيدتي ...ولكن اياك تطردك سيدتي من القسم الاسلامي هههه.
لك مني كل الحب والتقدير ...وفي انتظار جديدك المميز دوما .
بشبش حبيبتي تسلمي يارب..شكرا الك حبيبتي ..
وهيني رايحه لقسمي ...قبل ما يطردوني.....
رد مع اقتباس
