عنوان الموضوع : المفتول الفلسطيني ... من تحت ايدين الماما من مطبخي
مقدم من طرف منتديات نساء الجزائر

المفتول الفلسطيني ... من تحت ايدين الماما






صباح / مسا الخير صبايا


هاد اول موضوع الي بالقسم وبتمنى يعجبكم


ومو من صنعي من صنع امي

بس انا اللي صورت واستفسرت عن المقادير والطريقة


والمفتول اكلة فلسطينية طيبة كتير

وهو اصلا هو عبارة عن برغل وطحين بينعملو بطريقة معينة مع بعض

وبيمتاز المفتول بانو اكلة بتنطبخ عالبخار

المهم نفوت بالموضوع


المقادير ::


2 كيلو مفتول

2 دجاجة

3 بصلات كبار

2 كوب حمص مسلوق

1 كيلو بندورة

بهارات خاصة بالمفتول ( كراويا ، عين جرادة )






الطريقة ::


بنسلق الجاج مع بصل وورق غار





ولما يبدا يغلي بنجيب المفتول وبنحطه بمصفاية كبيرة وبنحط المصفاية اللي فيها المفتول فوق طنجرة الجاج المسلوق

( ملاحظة : فيه ناس بيحطو عجين بين الطنجرة والمصفاية لحتى البخار ما يطلع لبرا )





بنخلي الجاج ينسلق والمفتول فوقه وبتغطيه وبتقلبيه كل 10 دقايق لمدة ساعة ونص تقريبا مبدئيا


بعدين بتجيبي بصلتين بتقطعيهم جوانح وبتفرمي البندورة ناعم بالماكنة وبتحطي جزر وفلفل اخضر حسب الرغبة وبتحطي عليهم الحمص المسلوق وبتحطيهم عالنار وبتخليهم يغلو لحالهم بدون ماي ولا شي




بعدين بتجيبي مية الجاج وبتحطيها فوق اليخنة بعد ما تغلي وبتخلي النار هادية تحتهم وبتردي تحطي المفتول فوق طنجرة اليخنة مرة تانية وبتخلي اليخنة تغلي والمفتول فوقهم لمدة ساعة ونص تقريبا وبتحطي عليه البهارات اللي ذكرناها وبتجيبي بصلة بتفرميها ناعم وبتحطيها مع المفتول كمان

ولا تنسي طبعا الملح والفلفل


بعد ما تمر المدة وتحسي انو استوا بتقيميه وبتحطي الجاج فوق اليخنة وبتخليهم يغلو مع بعض شوي






بعدين بتحطيهم بطبق التقديم وصحة وعافية








بس للاسف الصور مش واضحة لانو الكاميرا الديجيتال خربانة واضطريت اصور بالموبايل


يللا صبايا تعبت عالموضوع بدي اشوف احلى ردود




>>>>> ردود الأعضـــــــــــــــــــاء على الموضوع <<<<<
==================================


رائع بنوته

بس عايزه اسال ايه المفتول اصلا انا مصريه ولا اعرفه زى ايه عندنا

تسلم ايديكى


__________________________________________________ __________

ماشاء الله تبارك الله
تسلم ايدين الوالده
عسى الله لايحرمك منها ياارب

يستحق التثبيت

ولاتنسين تصورين لنا كم طبق بعد وتنزلينه


__________________________________________________ __________

يمي يمي تسلم ايدين الماما شكلها لذيذ

والله يعطيكي العافية عالتصوير

وبعتقد المفتول عندنا بسوريا بقولوا عنو الفريكة

مابعرف بس متل ماشفتو بالصور بيشبه الفريكة

على كل حال يسلمو ايديكي عالموضوع اللذيذ

دمتي بكل الود يــــــــــالغلا


__________________________________________________ __________

يسلموووووو على مروركم العطر وردودكم الرائعة


ويسلمووو هايدي يا عسل عالتثبيت


اما بالنسبة للمفتول فهو مو نفسه الفريكة

المفتول عبارة عن برغل بيحطو عليه طحين خصوصي بطريقة معينة ما بعرف كيف بيصير متل الكرات الصغيرة

انا بتوقع انو معروف بسوريا

اما بمصر يمكن ما بتعرفوه


وعلى ما اتوقع هيك بيعملوه


__________________________________________________ __________

تسلمى بنوته على التوضيح الفريك فعلا مشهور جدا عندنا بمصر بس انا مكنت اعرف انه اسمه مفتول


تسلم ايديكى