عنوان الموضوع : طريقتي في سلق الفراخ
مقدم من طرف منتديات نساء الجزائر

طريقتي في سلق الفراخ



السلام عليكم ورحمة الله وبركاته

المشاركة الأصلية كتبت بواسطة cliopatra





[]

عاوزة اعرفكم النهارده على طريقتى فى سلق الفراخ
شوفوا شكلها الاول









انا هقول لكم على سرى الصغير اللى بيخلى الفراخ ليها احلى طعم ونفس



بسم الله نبدا وعلى الله نتوكل

والطريقه هى

الفراخ طبعا بتتغسل وتتنقع حوالى 1/4ساعه فى ماء وملح وخل وليمون


ونخرط بصله كبيرة بالسكينه قطع صغيرة


ونضع عليها ملح وفلفل اسود وبهارات وجنزبيل وعصير ليمونه


وندعك البصله بالاضافات جيدا


ونحشى الفرخه بيها ونحشى بين الجلد واللحم زى اللى هتتشوى وكتفيها وبس


واسلقيها فى الماء عادى هتبقى احلى شوربة

وهنضيف لماء السلق ورق لورى وحبهان سليم ومفتوح

كده سلقنا الفراخ

عاوزة تاكليها مسلوقه انتى حرة رشى عليها ملح وفلفل اسود وليمون وهى سخنه



اما لو هتحمريها انا هقوللك على طرقى



1-تحمريها فى المقلاة بالزبده والزيت مقطعه او سليمه وترشى عليها ملح وفلفل اسود وليمون وهى سخنه بعد التحمير
او بدل المقلاة الشواية بتبقي زي المشوية


2-تدهنيها صلصه وخل وليمون وزيت وملح وسكر وفلفل وتضعيها على الشوايه او فى الفرن


3-تضربى فى الخلاط حبه طماطم وبعدين تضيفى ليها بصله وملح وفلفل اسود وزبده وزيت وتضربيها بحيث البصله
تبقى خشنه وتحطى الفراخ سليمه او مقطعه فى صينيه وتحطى عليها الخلطه دى وتحمريها في الفرن



4- او تقطعيها وتضيفيها علي وجه اي صينية خضار في الفرن
علي فكرة انا عاملاها المرة دي بطريقة رقم 2
اترككم مع الصور



url=https://www.0zz0.com][/url]










[]يارب يعجبكم موضوعي



>>>>> ردود الأعضـــــــــــــــــــاء على الموضوع <<<<<
==================================


تسلمى اختى شهيتينى

بس للاسف الصور ماظهرتش عندى



على العموم يسلمو ايديكى كفايه الشرح شهانى

امال الصور هتعمل ايه


__________________________________________________ __________

ليه مظهرتش مع انها ظاهرة عندي

عموما حاولي تدخلي مرة تانية يمكن النت بطئ عندك الان

شكرا يا قمر لمرورك


__________________________________________________ __________

اناااااااااااااااا ضهرت عندي الصور وبتجنن الله يعطيك الف عافية


__________________________________________________ __________

طيب كويس يا ام اسلام انها ظاهرة عندك
الحمد لله انها عجبتك
شكرا ياقمر


__________________________________________________ __________

رااائعة جدا وشكلها كتير حلو
انا على فكرة بعمل طرية حشو البصل دى احيانا
عرفتها من حماتى
وطعمها بيطلع جنااااان متل ماقولتى