عنوان الموضوع : مبتدأه من قطر وحابة اتعلم الكروشيه ،، هل من مساعده..؟ للخياطة و الطرز
مقدم من طرف منتديات نساء الجزائر

مبتدأه من قطر وحابة اتعلم الكروشيه ،، هل من مساعده..؟



ملاحظة: زبدة الكلام باللون الأحمر للي م تحب تقرا << م تبي يهجون من طول الموضوع

السلام عليكم ،، يسعد لي أيامكم

ومبارك عليكم العيد مقدم

والله يتقبل صيامنا وقيامنا

اخيتكم من قطر تولعت بالكروشيه بعد م شفت اشغال البنات هنا تجنن م شاء الله عليهم

حبطوني أهلي يقولون شفتي البنات وبتقلدينهم

منتي بفالحهه بشي وخالتي تطنز علي تقول سوي لي لعيد الأضحى جاكيت

والله ي بنات بخاطري اتعلم لي يومين ادور ف النت ولقيت قناةة وحدةة عربية مسويهه دورةة الله يجزاها خير حالياً تعلمت أدوات الكروشيه (السنارة والخيوط) ورحت اليوم وشريت من دايسو بس للأسف م عندهم الإ حجم 2 و3 و 3.5 بس ابشركم خذتها كلها

الي تعرف من وين أجيب باقي السنارات ،، من قطر

نجي للمهم كثرت بالكلام عشان ترحموني وتعلموني

أول شي ابي كيف اقرا الورقةة الي تجي ملفوفهه ع الخيط يعني كيف اعرف رقم السناره

المناسبةة لآني م خذه الخيوط من محل ياباني ونلحس مخي ،،

ثاني شي انا اللحين عرفت غرزة السلسة و المنزلقة و الحشو والبريد للحين م اتقنتها سؤالي كيف اقفل غرزة السلسلة بمنزلقةة >> شايفته ف درس من الدروس،،

ثالث شي بداياتكم كيف وشلون تعلمتوا من كتاب من معهد من النت وايش افضل الخيوط ،،

ادري اسالتي واجد لكن وش اسوي ولعتوني بفن م اعرفهه وانتوا استحملوا

اهمممممم شي خالتي لانها متحديتني ابي اسوي لها الجاكيت كييييف انا هاويه للفن هذا واتعلم بسرعهه بس ليت القى من يفهمني بعض الأشياء

والله يوفق كل من ترد ويرزقها سعادة الدارين ويوفق صاحبةة القناه الي تعلمت منها

>>>>> ردود الأعضـــــــــــــــــــاء على الموضوع <<<<<
==================================


ياهلا فيك اختي معنا
ولايهمك من احد كلنا ابتدانا من الصفر
شوفي هذا الرابط ان شاء الله يفيدك

تعليم كروشيه بالانجليزي

يلا شدي حيلك ورينا اعمالك ياقمر


__________________________________________________ __________

يعطيك العافيةة تسلمين والله يحرم يدينك عن النار


__________________________________________________ __________

اهلا حبيبتى انا برضو في قطر عايشه وبدى دروس تعليم للكروشيه من منزلي
لو حابه انا ممكن اساعدك


__________________________________________________ __________

مشكوره ي عمري انا الحمدلله خلاص تعلمت بس بسألك أبي محل يبيع أدوات الكروشيه كامله لآني رحت لدايسو لقيت عنده 3 أحجام فقط لسنارات وخيوطه رديئة نوعا ما ، لو سمحتي بغيت محل يبيع خيوط جيده وجميع أحام السنارات ،


__________________________________________________ __________