عنوان الموضوع : جاكيت حلووو بس مساعدتكم... -للخياطة و الطرز
مقدم من طرف منتديات نساء الجزائر

جاكيت حلووو بس مساعدتكم...



بسم الله الرحمن الرحيم

اخواتي العزيزات ياريت تساعدوني في عمل هالجاكيت



ولكم جزيل الشكر
الصور المرفقة
f4677f479d696f4214.jpg‏ (192.0 كيلوبايت, المشاهدات 29)
042ee52df438.jpg‏ (68.3 كيلوبايت, المشاهدات 19)

>>>>> ردود الأعضـــــــــــــــــــاء على الموضوع <<<<<
==================================


وينكم يابنات؟؟؟؟؟؟؟؟؟؟؟؟؟؟


__________________________________________________ __________

ان شاء الله خبيراتنا و مبدعاتنا
بيساعدوك غلاتي
منورة


__________________________________________________ __________

ده الشرح

اول حاجه اعملى سلسله طويله واهم شىء يكون عدد زوجى

وخدى مقاس الوسط لبنتك لانه حيكون من فوق الهنش او اكبر حجم
وحاولى تعملى المقاس مزبوط وتتاكدى منه عشان لما تشتغلى مش تحسى انه صغر معاكى
وكمان مش تشدى الخيط وانت بتشتغلى ولما تقيسى طول السلسله مش تشديها خليها براحتها

السطر الاول اعملى 3 سلسله ( اول عمود) واعملى عمود تانى

سيبى غرزة واشتغلى فى اللى بعدها غرزتين فى نفس الغرزة

وبعدين سيبى غرزه واشتغلى عمودين فى الغرزة اللى بعدها حتى نهايه السطر ومش تنسى انهى السطر بغرزتين كل غرزة لوحده


السطر التانى

اطلعلى 3 غرز

لفى الشغل فى ايدك


اعملى عمود فوق العمود التانى



وبين الغرزتين اللى مع بعض اعملى غرزتين فوقهم




اعملى بقى عدد من السطور من الوسط لحد تحت الباط ودايما قيسى على بنوتك عشان مش تفكى






عدد الغرز فردى
وزى ما قلت حنشتغل الجاكيت كله مع بعض ناحيتين الصدر والظهر

وبدايه الشغل حنعمل قطعه مستطيله من اول الوسط لحد تحت الباط






وعدد الصفوف حسب طول بنتك




طبعا احنا خلصنا القطعه المستطيله زى ما قلنا
اول حاجه حنعملها بقى اناا نقسمها عشان نطلع وجهتان الصدر والظهر

مثلا عدى الغرز اللى طلعت عندك مثلا طلعوا 60 وحده حنقسمهم على 2 يبقى 30
يبقى الصدر 30 والظهر 30 .. ناخد ال 30 بتاعه الصدر ونقسمها على 2 يبى 15 للصدر اليمين و15 للصدر الشمال



نحط بقى علامه على نهايه ال 15 بتوع الصدرين ونبداء الشغل فى حرده الباط







حرده الباط



طبعا البدايه من الطرف
نشتغل عادى زى ما احنا عارفين لحد ما نوصل للعلامه بتاعه نهايه الصدر بس فى اخر غرزة نعمل عمود واحد بس



وبعدين نطلع 3 غرز ونعمل عمود بين الغرزتين اللى فى السطر اللى تحت وبعدين نكمل عادى لحد الاخر














قبل ما توصلى للكتف بحوالى 5 او 6 سم ابتدى حرده الرقبه
اعملى غرزة منزلقه فوق اول عمود وفى العمود التانى اطلعى 3 غرز




اعملى عمود بين الغرزتين فى السطر السابق وكملى لاخر السطر عادى



السطر اللى بعده ابتدى عادى واعملى عمود بين اخر غرزتين فى السطر



اعملى عمود فوق العمود ى السطر السابق



اطلعى 3 غرز



اعملى عمود بين الغرزيتين فى السطر السابق وكملى باقى السطر



اشتغلى السطر التالى عادى لحد الاخر وفوق العمود اعملى عمود



كملى بقيه السطور على هذا لحد ما توصلى للكتف



وده بعد ما خلصنا الجانبين



بالنسبه لحرده الباط للظهر هى نفس حرده الباط للصدر بس حتبقى رايح جاى
لحد ما توصلوا لاخر سطرين لعمل حرده الرقبه للظهر





حقول دلوقتى حرده الرقبه للظهر

حنعملها اخر سطرين فى الظهر




واهم شىء ان يكون عدد الغرز جهتين الصدر هو نفس عدد الجهتين فى الظهر





ده باترون الجزء السفلى من الجاكيت
امشى عليه واذا حسيتى ان الجاكيت محتاج وسع من تحت زودى عدد الاعمده فى غرزة المروحه يعنى بدل (3ع 2س 3ع)
خليهم (4ع 2س 4ع)












انا طريقتى انى بشتغل الكم مباشره من تحت الباط لانها بتنجز معايا وبتخلص على طول باذن الله

******ملاحظه هامه *******1- يجب ان تكون المسافه بين الغرز متساويه تقريبا
2- عدم الشد او الارتخاء عشان الكم يبقى مظبوط
3- قياس الكم اول باول عشان لو حبنا نضيق شويه من عند الكوع


اول حاجه من منتصف الباط بنبداء الشغل بنعمل 4 غرز سلسله وعمود
نفس الغرزة الاساسيه للجاكيت عمود سلسله عمود
ونراعى المسافه بين كل غرزة والتانيه



نشتغل داير ما يدور الباط ونقفل اول سطر





وهكذا لحد ما نوصل لطول الكم
انا حعمله كله غرزة واحده واللى حابه تعمله زى الجاكيت الاساسى توصل لبعد الكوع بشويه وتبداء غرزة المروحه زى الجاكيت




النهارده حنعمل المرد باذن الله
وهو عباره عن غرزة الحشو فقط وبه عروه عشان الازرار

حنشتغل جهه الشمال للصدر كلها بغرزة الحشو بالغرض اللى انتى تحبيه وتشوفيه مناسب لحجم الازرار




نشتغل جهه اليمين ودى اللى حيكون فيها العراوى


شوفى انت حتركبى كام زرار واعملى عدد العراوى






انا جيبت شرح للعراوى

انا عملت 4 عراوى وعملت بينهم مسافه متساويه

اشتغلت غرزة الحشو عادى لحد ما وصلت لمكان اول عروة وعملت 4 غرز سلسله وشبكتهم فى خامس غرزة حشو من السطر اللى قبلها





وهكذا لحد ما عملت الاربع عراوى



السطور اللى بعد كده غرزة حشو عاديه



دلوقتى نعمل الكول للجاكيت

حنبداء فيه من بعد المرد داير ما يدور حرده الرقبه لحد ما نوصل لبدايه المرد التانى
وبرضه بالغرزة الاساسيه للجاكيت لحد طول مناسب حوالى 8 اسطر


طريقة الزنط
او طريقه ودى اعتقد سهله
انك تعملى قطعه مستطيله طولها يساوى طول حرده الرقبه من اول امرد لحد اخرة
وعرضها يساوى طول الراس للطفل




اما الطريقه التانيه انك تشتغلى علطول من بدايه حرده الرقبه وتطلعى على واسع
لحد ما توصلى للطول المطلوب


__________________________________________________ __________

وعلشان تفهمى اكتر ده شرح بالصور

حمليه من هنا

ط§ظˆظ„ ط**ط§ط¬ظ‡ ط§ط¹ظ…ظ„ظ‰ ط³ظ„ط³ظ„ظ‡ ط·ظˆظٹظ„ظ‡ ظˆط§ظ‡ظ… ط´ظ‰ط، ظٹظƒظˆظ† ط¹ط¯ط¯ ط²ظˆط¬ظ‰.rar


__________________________________________________ __________

يسلمو والله ماقصرتي شرح واااااافي ..الله يبارك فيكي