عنوان الموضوع : بنات طلبتكم لاتردوني
مقدم من طرف منتديات نساء الجزائر

بنات طلبتكم لاتردوني



صبــــــاحكم ورد


كيفكم ياصبايا وياسيدات سيدتي

طلبتكم طلب

انا احب اشغال الكروشيه بس للاسف مافي احد يعلمني للشغل وحاولت اتعلم من اليوتيوب وضبطت كم شغله

بس هالمره ابغى اتعلم شغلات للبيبي وابدا في كيف اصلح الجزم اكرمكم الله للبيبي لانو ابغاها تكون هديه مني لاحلى صاحبه على قلبي


تكفون طلبتكم لاتردوني وهذا البترون للي عارفه تقراها تقولي كيف ابدا خطوه بخطوه




Download جزمة كروشيه jpg

الله يوفقكم ويسعدكم وينولكم مبتغاكم ويجعلكم ان شاءلله من اهل الفردوس الأعلأ في جنته ياارحم الرحمين

>>>>> ردود الأعضـــــــــــــــــــاء على الموضوع <<<<<
==================================


حبيبتي
تقصدين انه تبين تتعلمين اشياء كروشيه انا اقدر اعلمج بس ما اقدر اوريج صورة الشغله اللي بسويها لان انت عندي بطئ شوي لما ابي انزل الصور اخذ وقت كبير بالتنزيل علشان جذي راح تخضعين لذوقي ههههههههه وانشالله ذوقي يعجبج بعد مايخلص الشغل وراح نمشي علي مبدأ(دع القياده لنا وتمتع بالطريق)هههههههه اتغشمر وياج فيج الخير انشالله والبركه بالنسبه للجوتي باترون مو واضح ولا قادره اكبره بس عندي جوتي سهل عليج كمبتدأه ويصلح لعمر من 0الي6شهور هااا تذكري انه بدون صور
عندي سؤال انتي تعرفين الغرز بالعربي او بالانجليزي وبسسسسسسس


__________________________________________________ __________

يسلمو على المرور ويعطيكي الف عافيه

اوك مومشكله قوليلي طريقتك وكتبيها لي وانا وانتي فديتك والله بس راح اتعبك معي هههههههههههههه وان شاءلله اعرف من غير الصور

وااعرف الغرز بالعربي


__________________________________________________ __________

اول شيئ في الخطوه رقم 3 نسوي كل الغرز في الغرزه الاماميه يعني انا عندي السلسله الوحده تتكون من 3 خيوط الخيط اللي فوق والخيط اللي تحت والخيط اللي ورا
احنا في الخطوه 3 راح نشتغل كل الخطوه رقم3 في الخيط اللي تحت


__________________________________________________ __________

نعمل 11 سلسله
1- نعمل نصف عمود في ثالث غرزه- 7نصف عمود فب ال7غرز التاليين- 7نصف عمود في آخر غرز
(الآن نكمل الشغل بالجهه المقابله)

نصف عمود في ال7 غرز التاليين- 5 نصف عمودفيآخر غرزه- نشبك بمنزلقه في اول نصف عمود

2- نرتفع 2 غرزه- نصف عمود في نفس المكان- 2نصف عمود الغرزه التاليه-نصف عمود في ال6 غرز التاليه- عمود في الغرزتين التاليتين-2عمود في ال5 غرز التاليين-عمود في الغرزتين التاليتيين-نصف عمود في ال7 غرز التاليه- 2 نصف عمود في ال3غرز التاليين -نشبك بمنزلقه في اول غرزه من غرز الارتفاع

جوانب الحذاء
3- نرتفع 1 غرزه-حشو في نفس الغرزه -حشو في ال8غرز التاليين-نصف عمود في ال5غرز التاليه- عمود في ال6غرز التاليه-نصف عمود في ال5غرز التاليه- حشو في ال12 غرزه التاليه-نشبك بمنزلقه في اول غرزة حشو

4-نرتفع 1غرزه- حشو في نفس الغرزه -حشو في ال7غرز التاليه- نصف عمودفي ال3غرز التاليه -عمود في الغرزه التاليه -تناقص 2عمود (يكرر 5 مرات)-عمود في الغرزه التاليه- نصف عمود في ال3 غرزه التاليه- حشو في ال11 غرزه التاليه- نشبك في منزلقه في اول غرزة حشو

5- نرتفع 1غرزه-حشو في نفس الغرزه - حشو ال10 غرز التاليه-نصف عمود ال3غرز التاليه-تناقص 2عمود (يكرر 2 مره)- نصف عمود في ال3 غرز التاليه -حشو ال11 غرزه التاليه-نشبك في منزلقه في اول غرزة حشو

6- نرتفع 2 غرزه- نصف عمود في ال10غرز التاليه-تناقص 2عمود(يكرر4 مرات)- نصف عمود في ال9 غرز التاليه-تناقص 2نصف عمود-نشبك بمنزلقه في اول غرزه منال2 غرزة الارتفاع

7- نرتفع 1 غرزه -نلف الشغل ثم نعمل غرزة منزلقه في كل غرزه من الحذاء (23غرزه)





**شرح لكيفية عمل تناقص 2 عمود**


نضع الخيط علي الصناره ثم ندخل الصناره بالعمود الاول ثم نسحب الخيط من خلال العمود (يصبح عندنا 3 خيط فوق الصناره) ثم نضع الخيط فوق الصناره ونسحب الخيط من خلال اول 2خيط ثمنضع الخيط علي الصناره وندخل الصناره في العمود الثاني
ثم نسحب الخبط منخلال العمود (يصبح عندناعلي الصناره4 خيط)
ثم نضع الخيط علي الصناره ونسحب من خلال اول 2 خيط (فيصبح عندنا 3 خيط علي الصناره) ثمنضع الخيط علي الصناره ونسحب منخلال ال3 خيط الباقيه



**شرح لكيفية تناقص 2نصف عمود**

نضع الخيط علي الصناره ثم ندخ ل الصناره في اول نصف عمود ونسحب الخيط (يصبح عندنا 3 خيط فوق الصناره)ثم نضع الخيط علي الصناره وندخل الصناره في نصف العمود التالي ونسحب الخيط (يصبح عندنا علي 5 خيط علي الصناره) نضع الخيط فوق الصناره ونسحب الخيط من خلال ال5 خيط اللي علي االصناره


**لعمل الورده**

نعمل 4سلسله ثم نغلقها بمنزلقه في اول سلسله ليصبح عندنا حلقه

1- نرتفع 1 سلسله -ثم نعمل 5حشو في الحلقه -نغلق بمنزلقه في اول غرزة حشو

2- نرتفع 3 سلسله -منزلقه بغرزة الحشو التاليه(يكرر5 مرات)- نشبك بمنزلقه باول غرزة حشو ثم نخيط الورده في الحذاء
هذي الورده اللي موجوده بباترون الحذاء وهذي الورده اذا بتسوينها سويها بخيط ثخين علشان اذا سويتيها بخيط رفيع تطلع صغيره حيل
انا بصراحه هذي الورده ما تعجبني وما اسويها مع هذا الحذاء بس انا قاعده انقل الباترون كامل يمكن تعجبج
انا انقي اي ورده تعجبني من موديلات الوروود واسويها وما اخيطها يصراحه الزقها بجهاز الشمع اللي عندي
تقدرين بدال الورد تحطين كور وممكن تشترين ورد مناي مكان كلف وتلزقينه يعني موشرط الورده تكون كروشيه وممكن اي شكل ثاني غير الورده تقدرين تحطينه وتسويين وياه طاقيه وطبعا نفس الشئ اللي تلزقينه او تخيطينه مثل ماتحبين بالجوتي تلزقينه بالطاقيه


**ملاحظه مهمه**

تستخدمين صناره رقم 4
تستخدمين خيط متوسط الثخانه لعمر 0ال3 شهور
تستخدمين نفس الصناره لكن تثخنين الخيط اكثر لعمر 6شهور
لكن ممنوع تستخدمين خيط رفيع لالنه راح يفط قلبج بالشغل(طبعا سلاااااااااامةقلبج)وما يبين موديل الجوتي

اذا ماعندج خيط ثخين ادبلي الخيط اللي عندج لكن براح يتعبج بالشغل وانتي توج مبتدأه فراح يكون صعب عليج

وتقدرين تتزينين اطراف الجوتي بلون مختلف وكل مابغيتي موديل الجوتي يكون مختلف غيري تزيين الاطراف والورووود

هاااااااااا اسأليني اذا سويتي الجوتي بنجاح شنو الجايزه؟؟؟؟؟؟؟؟؟؟؟
اقولج الجايزه شرح بالتفصيل الممل موديل طاقيه انجليزيه بترجمها مخصوص لج تمشي مع الجوتي اشرااايج مو عرض مغري
هاااااااااااااااااا
لاتنسيني بالدعاء اللي من القلب


__________________________________________________ __________

** ملاحظه**

تناقص العمود وتناقص النصف عمود لا يمكن نقدر نسوي جوتي من غيرهم
مرات نستخدم بس تناقص العمود علي حسب الموديل احنا بهالموديل عندنا تناقص ب2 عمود وتناقص ب2 نصف عمود في موديلات ثانيه فيها تناقص ب3 او4 يعني الخطوه رقم واحد بالتناقص اللي سويناه نكررهالحد مانوصل للعمود الاخير ونكرر الخطوه الاخيره بالتناقص اللي سويناه
حبيت اوضح هالشئ لانه ممكن يقابلج موديلات فيها تناقص اكثر من 2 عمود