عنوان الموضوع : درس كيف تصنعين سرير طفل او السليبينج باج ( 1) : حياكم @@ -شغل يدوي
مقدم من طرف منتديات نساء الجزائر

درس كيف تصنعين سرير طفل او السليبينج باج ( 1) : حياكم @@



السلام عليكم الغاليات

اشحالكم ان شاء الله بخير ,, حبيت انزل لكم الطريقة اللي كتبتها في هالموضوع حابة تتعلمين معاي شلون تسوين علب التوزيعات .. عيل حياج .. ^_^

اللي حابة تسأل عن اشكال ثانية ممكن تتواصل وياي في الموضوع اللي فوق ,, واي دروس واعمال ثانية احطها في الموضوع بنزلها في مواضيع ثانية منفصلة علشان الكل يشوفها ويعطي رايه ان شاء الله ومثل ما قلت هاي مجرد اجتهادات فقط


المشاركة الأصلية كتبت بواسطة ؏ـــفافـ .!
أختي ام ناصر
أنا أبي باترون هالصوره
أبي أعرف كيف اسوي مثل هالشكل بالورق اذا ممكن




وشاكره لك مقدمااا ..

واذا عندك أفكار لتوزيعات المواليد أفيديني الله يسعدك
لاني ناويه أسوي لكن أبي فكره غريبه وحلوه



السلام عليكم الغالية

اشحالج ان شاء الله بخير

حبيبتي الحين بحط لج طريقة وعقب شوي بحط لج طريقة ثانية وبشوف بعد شو ممكن احصل في المواقع المتخصصة بخصوص توزيعات المواليد وان شاء الله تحصلين اللي تبينه واتمنى اشوف عينة من شغلج في حال الاستفادة ان شاء الله

@@ ادوات العمل @@

ورق مقوى - مسطرة - مسطرة ورقية - قلم - صمغ ابيض - اشياء للتزيين ...

@@ الطريقة @@

لو عندج طباعة طبعي اي شكل بيضاوي ولو ما عندج وما تعرفين ترسمين مو مشكلة تابعي معاي هنيه

1- فتحي برنامج الرسام



2- اختاري فرشاة شكل بيضاوي



3- هاتي ورقة طباعة عادي او دفتر مو مشكلة وشفي الشكل البيضاوي اللي رسمتيه في صفحة الرسام




4- بعد ما نشف الشكل نقصه لانه بيكون الباترون البدائي للعمل ..



5- نقصص عدد اثنين من الشكل البيضاوي على الورق المقوى طبعا ..



6- نقيس محيط الشكل البيضاوي بس بالنسبة لي انا ما اعرف كيف اخذ المحيط الناس الشاطرة في الرياضيات بيعرفون بس انا للاسف جربت وايد بس ما فهمت الموضوع علشان جي سويت لي مسطرة خاصة باشكال المنحنيات مثل الدائرة والاشكال البيضاوية وغيره وقست حوالين الشكل كم قياسه طلع لي 24,5 سم



7- نقص مستطيل طويل عرضه 4سم وطوله 24,5سم ونحدد له الحواف اللي نحطي عليها الصمغ مثل ما هو باين في الصورة



8- نثني طرف المستطيل اللي على الجنب ونقصه مشرشر ونقصه بعدين واحد ايه وواحد لا بها الشكل



9- على الجزء المشرشر الناحية اللي برا نحط الصمغ الابيض نفس الصورة



10 - نلصق المستطيل على الشكل البيضاوي بالشكل التالي ونحاول انها تكون على الشكل بالملي لا طالع شوي ولا داخل شوي ,,



11- وعلشان نخلي شغلنا مرتب نخبي شكل النقظة السابقة نلصق الشكل البيضاوي الثاني اللي قصيناه قبل ,,



12- نرسم دائرة ونقصها قسمين متساويين على ورق عادي وبعدين نرسم بالقسمين عدد 2 نص دائرة ونزيد عليهم شوية قياس 1سم او نص سم ,, ونقصها مشرشر نفس الصورة



13- نلصق النص دوائر بها الطريقة واسفة اني نسيت اصورها بالتفصيل بس ان شاء الله تكون الفكرة مفهومة ^_^





14- نقوم بتزيين الشكل بشريط ذهبي ساتان + ثلاث وردات او بأي طريقة تشوفونها مناسبة



15- وهنيه قصصت خيوط البلاستيك اللي نستخدمها مرات في خياطة الكنفا وحطيت داخل العلبة وحطيت فيها بعد ربع تولة مخلط دهن عود بس ما بين للاسف وايد



16- وهذا هو الشكل النهائي بعد تغليفة بورق الهدايا ,,



********************

وان شاء الله بحاول اسوي بطريقة ثانية اتوقع بتكون اسهل من هالطريقة وبنزلها هنيه مرة ثانية وبدور على طرق من النت يمكن تفيدج اكثر عن الشكل نفسه او اشكال تناسب المناسبة ثانية

والله يوفقج وييسر لج الخير ان شاء الله دنيا واخره

@ اختكم في الله @

ام ناصر

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
ماشالله درس مفيييييييييييد وحلو
بس اظن السرير للهدايا بنفس شكل السرير
خطوات واضحة وان شالله دائما تفيدينا بهذه الدروس


__________________________________________________ __________

وعليكم السلام ورحمة الله وبركاته

هيه الغالية السرير للهدايا اسفة ما ذكرت هالمعلومة في العنوان وان شاء الله تستفيدون من كل شي اقدمه لكم


__________________________________________________ __________

تسلم ايدك فكره حلوه اوييييييييييييييييييييييي[IMG][/IMG]


__________________________________________________ __________

العفووووووووووو اختي والله يوفقج وييسر لج الخير ان شاء الله دنيا واخره

@ اختكم في الله @

ام ناصر


__________________________________________________ __________

ما شاء الله فنانة