عنوان الموضوع : تزوجت ولكن .. ادخلوا اقرو قصتي وعطوني رأيكم 😢💔 حياة زوجية
مقدم من طرف منتديات نساء الجزائر

تزوجت ولكن .. ادخلوا اقرو قصتي وعطوني رأيكم 😢💔






السلام عليكم
بقولكم قصتي بدون مقدمات ويعلم الله مآ تكلمت إلا أني ابي الراحه ويمكن أحد مر فيها من قبل ويساعدني بحل ...

انا موظفه وعمري 25 وعلى قدر كبير من الجمال والأخلاق والدين الحمدالله ومااقول كذا مدح بنفسي بس ابي أوضح لكم الموضوع من كل النواحي. ..

المهم زوجي أقل مني تعليم وراتب .. تقدم لي وقبلت فيه وهو من برا العائله واستمرت خطوبتنا 3 سنوات تقريباً وكنت على تواصل معاه قبل الزواج ب 9 أشهر المهم كنا خلال التواصل متفاهمين لاابعد حد وراضين ببعض وأرسلت له صوري علشان يشوفني طبعا أخذ صوري عن طريق اخوي وكان طاير وينتظر اليوم اللي نتزوج فيه ... جاء اليوم الموعود وتزوجنا انصدمت فيه يوم الزواج ماكان مهتم ب مظهره كعريس حتى سيارته اللي انزفيت فيها قديمه بنات انا بنت شايفه خير عمري ماركبت مثل سيارته ومع ذلك ماهمني المظاهر أهم شى عنده هو وكيف بعيش معاه ...
تزوجنا و سافرنا انصدمت من بروده معاي كان مايجامعني الا مره كل 3 أيام أو 4 أيام طبعا انا كنت احسب الوضع عادي مع اني اسمع المتزوجين الجدد الجماع يكون بشكل يومي ..
بنات جلست معاه تقريبا شهرين وكنت ماشيه مع وضعي انا وياه بالجماع كذا واستحي منه مع اني كنت البس بس مآ ياثر فيه وكان يقول ليش تستحين وليش مآ تجيني وتطلبين مني الجماع طيب انا توني مالي معك شهرين صعب أكون جريئه بهالسرعه ...
المهم مره كان يحاول يجامعني ولاحظ إفرازات الشهوه ولااول مره اتحمس معاه وقام من عندي قالي انا متقزز !!!!! ليش الافرازات موجوده فهمته أنها طبيعيه مو راضي يفهم .. جرحني كلامه وحركته وشلتها ب صدري
تخيلوا بعدها باايام جامعني يعني المتقزز بيرجع للشى مرة ثانيه المهم انه عقدني يقول ليش تجي معك الافرازات هذي مع أنه مآ شأفها إلا مرتين ويقول أنها نفرتني منك وقالي روحي بيت أهلك وتعالجي تخيلوا تخلى عني علشان أسباب تافهه .. رحت لااهلي ورحت لطبيبه قالت اني طبيعيه بعد التحاليل طبعاً .. جاء رمضان ولافكر يجي حتى وتركني عند أهلي لبعد العيد كنت كل مآ اكلمه يصد وماكانه زوجي يتكلم رسمي معاي .. جاء ثاني العيد قلت له تعال أخذني على الموعد اللي اتفقنا عليه رفض يجيني وقال دامك رحتي معاهم خل يجيبونك للرياض ..لما تناقشت معاه رضيت بالأمر علشاني متمسكه فيه وماقلت لااهلي الموضوع ابد من البدايه مع استغرابهم لعدم جيته طول هالفتره وقلت بجي معاهم ويتحمل .. تفاجات انه يكلمني بعدها ويقول أنو رافض الجماع بيني وبينه لما سألته عن السبب قالي ردة فعل ماابي هالشى بينا هالفتره ..علشان الافرازات قلت بيني وبين نفسي خل أكمل واشوف وش نهايته واعطي نفسي فرصه واعطيه ..جيت الرياض ولاجاء ياخذني إلا بعد 3 أيام تخيلوا استقباله لي ب السياره ينافخ ويقول لآ تطلبين مني جماع تراه مرفوض بيني وبينك .. بنات نزلني بالبيت ومشى وخلاني على أساس أنه مداوم .. جلست أسبوع معاه بس نايم أو مداوم ويجلس يومين مآ اشوفه على أساس أنه مداوم وانا طول الوقت لوحدي واذا جاء الصباح كل كلمه يقولها انا يتزوج عليك وانا أحلى منك وانتي مو مريحتني مع أنه ماجربني مآ عشت معه مده طويله ولاجامعني بعد مارجعت يعني يتكلم من رأسه !؟..
مره قالي انا وانتي مثل الإخوان وأنك انتي مثل اختي فلانه وانا مثل اخوك فلان .. وإذا ماعجبك الوضع تدلين بيت أهلك .. ولما جاء بينام قالي نامي ولاتفكرين بالكلام انا وصلت حدي جلست طول اليوم اصلي لحد مآ وصلت لقراري اني امشي واخليه..لما صحى قلت ابي أهلي وانا ماني قابله بالوضع بينا قالي وش غيرك أهلك خربوا حياتك مع أنه ماعرف أهلي وطول فترة زواجنا وخطوبتنا يتهرب ويتعذر من عزوماتهم له يجي سريع ويروح.. حاقد على أهلي وهو ماعرفهم ..المهم قال أنا جماع بيني وبينك مرفوض واذا مو عاجبك جمعي اغراضك جمعت اغراضي وداني أهلي وانا طلبت منه الطلاق ...

طولت عليكم بمشكلتي بس وربي كأني بحلم مآ ودي أكون مطلقه بالعمر هذا ؟
بنات شايفين بتصرفاته معاي انو انسان طبيعي ؟
تتوقعون أن عنده مشكله جنسيه وحط كل العيوب فيني علشان يغطي هالشى ؟
وش تنصحوني فيه وش المفروض اسوي مع اني متفشله اقول لآ أبوي انه رافض الجماع وانه معتبرني أخته !؟

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله
الله يرزقك باللي احسن منه
اللي سويته افضل ومصيره بيدم
او يمكن يكون بينكم عمل او احد حاسدك وانقلبت عليك انتي وزوجك والله اعلم
تصرفاته ماهي طبيعيه بالمره احتسبي واصبري والله يعوضك يارب


__________________________________________________ __________

المشاركة الأصلية كتبت بواسطة شادونه
لاحول ولاقوة الا بالله
الله يرزقك باللي احسن منه
اللي سويته افضل ومصيره بيدم
او يمكن يكون بينكم عمل او احد حاسدك وانقلبت عليك انتي وزوجك والله اعلم
تصرفاته ماهي طبيعيه بالمره احتسبي واصبري والله يعوضك يارب

الله يسعدك ويعيني ويعوضني من عنده ..


__________________________________________________ __________

الله يعينك
ويصلح حال جوزك


__________________________________________________ __________

والله ياغاليه غريب هالشي يمكن ماعنده تجارب سابقه واعتبرها حاله مرضيهحاولي تقنعيه يروح معك للطبيبه وهي بتفهمه احيانا الانسان بيتقزز من امور ماهي غريبه
الحل انك تخبري والدتك باللي صار وهي يتفهم والدك مو انت تخبريه


__________________________________________________ __________

المشاركة الأصلية كتبت بواسطة تفرج ياعراق الاحبه
والله ياغاليه غريب هالشي يمكن ماعنده تجارب سابقه واعتبرها حاله مرضيهحاولي تقنعيه يروح معك للطبيبه وهي بتفهمه احيانا الانسان بيتقزز من امور ماهي غريبه
الحل انك تخبري والدتك باللي صار وهي يتفهم والدك مو انت تخبريه

طلبت منه ورفض يروح يقول ماابيها تكذب علي وتقنعني وكلاهما مراح ينفع معي..
كيف يكون عنده خبرات سابقه وهو توه متزوج !
حسبي الله ونعم الوكيل ..
ومشكوره على ردك