عنوان الموضوع : للحكيمات ربي يسعدكم -مجابة
مقدم من طرف منتديات نساء الجزائر

للحكيمات ربي يسعدكم






السلام عليكم. والله ماادري من وين ابتدي
انا موظفه ولله الحمد راتبي كويس. زوجي اقل من راتبي بكثير بس له اعمال حره. طبعا انا شايله مصروفي من لبس وفاتوره جوال وراتب الشغاله واساعده بتقسيط سياره من كم شهر. بس مو عاجبه بالاول كان يقول ساعديني ومدري ايش وكنت ارفض لاني اشوف معه فلوس فليش يحط عينه ع راتبي. طبعا هو كريم ببيته واي شي اطلبه مقاضي البيت مايرفض. وقام بولده
بس هوشتنا دايم ليش ماتساعدين وظيفتي نقمه علي

من فتره زادت المشكله. اقوله من واجبك تصرف علي وانا قايمه بصروفي بس مو عاجبه وانتي ماتقدرين ومدري ايش. طبعا هو يطلع من مغرب ل 11 بالليل او اقل بشوي اذا قلت ماتجلس معنا يقول انا اشتغل طبعا تجارته بشكل صريح ماادري عنها. بس دايم من العشا يروح لاصحابه لاني اسمعه اذا كلم يقول ايه جاء فلان وفلان ففهمت انه عندهم
فيه نقطه ثانيه مايمشيني ويطلعني. اذا اغراض ضروريه فيها سين وجيم. اذا قلت خل نطلع يقولي مو فاضي وانا اشتغل ومشغول لو تركت شغلي ووديتك تصرفين انتي؟؟. ماسكني من اليد الي توجعني اقول من حقي تمشيني يقول لا من حقك اكلك وشربك وغيره لا. لو بغيت اطلعك بمزاجي. اقوله طيب عطني من وقتك شوي كل شي تعطيه من وقتك شغلك نومك اصحابك. حامت كبدي وبديت اكرهه مامعي فلوس بتسلف يتكلم ع راسي. طبعا سفر ماسافرت من تزوجت صار لي 4 سنوات

طبعا هو مايستخسر ع نفسه شي جوالات اخر موديل عطورات اغلى شي

عجزت افهمه راتبي لي ومن حقي تصرف علي

>>>>> ردود الأعضـــــــــــــــــــاء على الموضوع <<<<<
==================================


هالمشكله سوت حااااجز كبير بينا وكل مالها تزيد الجفوه بينا

بايش تنصحوني


__________________________________________________ __________

انصحك يااختي انك ما تساعدينه راح يتعود وهذ ي فلوسك انتي والمفروض هو الي يصرف عليكي وماهو يمد يده لكي فاقولك نصيحه اشتري لك ارض وخاليها با اسمك وقولي حتى انا عندي دين وهاكذا خالي شخصيتك قويه مثل باقي هالحريم او خالي صرافتك مع واحد من اخوانك لا تعطينه واجه


__________________________________________________ __________

من واجبه يصرف على البيت ولوازمه وانت راتبك اشتري به حاجياتك ورفهي عن نفسك بكل شيء تحبيه
وخلي كل اللوازم عليه هو وحتى الاكل اذا ما اشترى فما تعملي غدا او عشاء اشتري لنفسك حتى يفهم انه هو المسؤؤل عن البيت واذا ماحاب تخرجوا مع بعض فانت اخرجي مع ابنك لكن بعد ماتطلبي اذنه حتى لا تصير مشاكل بينكم وربي يسخره ليكي


__________________________________________________ __________

اهو من حقه يصرف ع بيته
لاكن انتي مو لازم كل يوم تقولين له اصرف علي ومن حقك
ترى معك راتب يعني احمدي ربك
حاولي تملكين قلب رجلك حاولي تقولين مابيني وبينك فرق
الي بجيبك لي والي بجيبي لك
تساعدي معه وقولي كلنا بنقط انا وانت وننبسط
او قولي انا بهديك تمشيه ع حسابي
ترى حلو التفاهم
اذا رجلك مايقصر معك واذا بغيتي شي جابه لك
هاذا اهم شي معناته ان رجلك عاقل
والتمشيه مو شي اساسي الرجل يجي بالكلام الزين
وساعدي رجلك بامور البيت غيري شي ع حسابك اثاث او غرفه
خليه يحس بوجوده
مايحس ان بخيله او ماتبين تسوين شي
ودي


__________________________________________________ __________

مشكلتك الاولى انك استقليتي باحتياجاتك عنه
الرجل يحب ان يرى زوجته تحتاج اليه وتطلب منه وتعتمد عليه
اذا تثقي في زوجك اعطيه صرافتك لااااااتستقلين عنه ابد
اجلسي معاه جلسة ود وتفاهم فهميه انك دوم تحتاجيه ولا لك غنى عنه ابد
قولي له انك مستعده تعطينه كل شي بس بالمقابل هو يتغير ويبقى معاك ولا ينشغل عن بيته حسسيه بثقتك فيه
المتوظفات اللي اعرفهم وناجحات بحياتهم الزوجية صرافاتهم مع ازواجهم ولاعمرها حسسته بالفرق قبل تتوظف وبعد ماتوظفت وهو بالمقابل يعطيها اي شي تطلبه بدون مايستكثر اي شي عليها
احتويه اكثر واعطيه اكثر وكوني له صديقته قبل زوجته وباذن الله حياتكم تتخذ المسار الافضل لكم ..