عنوان الموضوع : للمتزوجات فقط -لحياة سعيدة
مقدم من طرف منتديات نساء الجزائر

للمتزوجات فقط






السلام
ما اعرف سياسة المنتدى ولا ادري هل موضوعي مخالف او مكانه مخالف ..
مالي احتكاك في المنتديات لكن عندي موضوع بسيط وماشيه
وياليت مايرد علي الا المتزوجات الفاهمات في هذي الامور

اعتقد موضوعي يتعلق بشكل كبير بالفراغ العاطفي

بسم الله

اخوي متزوج من 6 سنوات تقريبا .. ويحب زوجته وهي بعد تحبه
والحمد لله عندهم بنوته وولد ومرتاحين ماديا
عايشين جنبنا وكأننا عائله وحده
وزوجته تقدر ابوي وامي وشايلتهم فوق راسها


اخوي شوي كتوم ولا يتكلم واجد وانا اقرب اخواتي له واحيانا يجي يفضفض لي ولا يبي احد يعرف بشي،، لكن ماني عارفه كيف افيده
ومن جهه ثانيه بيني وبين زوجته ( سوء تفاهم ) من زمااااان وعلاقتي فيها رسميه جدا جدا


طبعا في اول اشهر زواجهم كان متضايق منها يقول مااسمع منها كلام حلو ولا اي عبارة في الحب و و و
وبعدها بشهوووور جاني يقول تعبتت منها ولا كاني زوجها .. اللهم الفراش يجمعنا ،، ولا ماكأنها زوجتي.. اجلس معها مثل اي اخو وإخت..
وبين فتره وفتره يجيني مكتومم منها وقافله اخلاقه،،
اخوي ماشاء الله اصلا حلو ويقول البس وأكشخ او اجلس بسروال وفانيله عااادي عندها ولا كأني سويت شي .
احلق اتضبط سكسوكه عوارض ديكور ولا اجلس لين يكثر الشعر فوجهي واحيانا تكون لي لحيه عاااادي ولا يهمها .
ويقول والله العظيم احلق واغير ولا تنتبه اني محلق اصلاً
وخوفها علي برضو قليل
مره هي كانت عند اهلها وانا كنت طالع من مكان بعيد يعني يبيلي مشوار ساعه ونص لين اوصل البيت وهي عارفه اني من يومين مانمت مضغوط بشغله مهمه وكلمتها اول ماركبت السياره ومشيت متجه للبيت،،
يعني عااارفه اني تعبان وممكن انام في السياره وانا القياده فهالطريقه خطر..
يعني المفروض ولا يطفي جوالي كل شوي تدق تطمن علي..
لكن والله ولا دقت ولا شي ولا كلمتني الا بكرى العصر !!

يقول مااعتقد احد صار رومنسي مع زوجته كثر ما انا رومنسي معها
لكن بإهمالها وصلت لحد الملل من الزواج كله
ولا مصبرني عليها الا معاملتها الحلوه لاهلي
يقول صرت عصبي واتنرفز من اتفه الاسباب
وصار بيني وبينها مشاكل رغم انها ولا تهاوش ومؤدبه بس كل كلمه تقولها اشوف انا غلط واكبر الموضوع وهو تاافه..
يقول اندم بعد كل مشكله بس ما اطيق اتكلم في الموضوع معها او اعتذر لها

يقول والله لو ما اعرفها زين كان اقول انها تحب احد ثاني بس اعرف مافيه احد بقلبها ولا حبت احد غيري..
وهو صادق انا بعد اعرفها زين بنت خالتي وكنا اصدقاء وادري ماحبت احد ومتدينه شوي ولا تعترف فالعلاقات اللي قبل الزواج ولا فقلبها احد نهاائي

يقول مشكلتها انها قاسيه شوي .
قلت يمكن وده تكون مثل ماتبي بس ماتعرف كيف
قال اشتريت لها كتب عن الغزل والحب والحياة الزوجيه ونزلت فجوالها تطبيقات رومنسيه كثيره وعندي غرفه ماليها شموع وحركات فيها كل شي لكن لاحياة لمن تنادي

كيف اساعد اخوي عشان يغير زوجته وتكون حنونه ورومنسيه ولسانها ينقط عسل !!؟
يجي يشتكيلي وانا ماغير اقول اصبر ولمح لها انها غلطانه وصارحها انها غلطانه ووو وحسسها بحبك واهتم فيها و و و و و … ودي افيده لكن ما اعرف كيف


اتمنى وصلت المسأله

>>>>> ردود الأعضـــــــــــــــــــاء على الموضوع <<<<<
==================================


والله انتو أعرف بالوضع، خليه يكلمها صريح، وإذا ما نفع روحي قولي لها أنه قال لي إخطبي لي لكن أنا ما ودي فغيري تعاملك معه وخليك سنعه لا يتزوج عليك، وذا مره عيت، عاد حرام زجوه جد وش ذنبه يعيش العيشة ذي، بنات الدنيا مليياننين ومستعدين يسوون أي شي عشان يسعدون رجالهم


__________________________________________________ __________

مشكوره لوقتك ghado583


المشاهدات بحدود خمسميه ولا فيه الا رد واحد .. غريبه .

على العموم اللي قرت الموضوع ولا عندها رد ،، لاتحرمهم دعوه فظهر الغيب.

فمان الله،،


__________________________________________________ __________

الله يسخرها له ويهديها


__________________________________________________ __________

هذا طبعها يا اختي صدقيني ممكن تكون ماتعودت على الاهتمام والحنان ببيت اهلها ولا ممكن هي ما يلفت انتباهها الحب والرومانسيه وكل اهتمامها باطفالها و بيتها ، اعرف بنات كثيررر مثلها ، الله يصبر اخوووك ويسخرها له و يلين قلبها وتكون عطوفه وحنونه عليه يارررب


__________________________________________________ __________

استغفرالله وأتوب اليه