عنوان الموضوع : نصيحة لوجه الله ..اللي تبي زوجها يتعلق فيها ....!!! حياة اسرية
مقدم من طرف منتديات نساء الجزائر

نصيحة لوجه الله ..اللي تبي زوجها يتعلق فيها ....!!!






مرحبا بنات
انا بصراحة ودي افتح معاكم موضوع
اشوف شكثر بنات يعانون من برود ازواجهم
وعبالهم ان الطريقة الوحيدة اللي تخلين زوجج يحبج فيها هي انج تكشخيله بالليل
اسمحولي عالكلمة بس ترى هالشي يقدر يحصله برا البيت.. ويقدر يحصله لو تزوج
و اذا فكر يتزوج عليج بيقول بلقى وحدة ثانية امارس الجنس معاها
شنو الشي اللي ما يقدر يحصله برا البيت و بيفقدج فيه؟؟
والله يابنات الدلع
ادري بتقولون مو كفو دلع
بس مافيه احد مو كفو مثل زوجي هههههههههههه والله كاتم علي وخانقني داخل البيت
بس يشفعله ان قلبه طيب و يحبني حيل

نصيحة لوجه الله يا بنات
ترى الدلع مو انج تصيرين حليمة بولند ههههههه هني مصاخة لان اغلب البنات صاروا جذي
الدلع انج تدلعينه و تخلينه يا دهينه ما تنكتين


في بنات تهتم بعمرها و تكشخ و تلبيله طلباته الجنسية، و بالنهاية تقول ليش يخوني وانا مهتمة بنفسي و اخدمه
ترى حتى ميري تخدمه ، الشسالفة مو كشختج انتي ، السالفة هل هو يقدر يستغني عنج او لا
انا والله كنت اشوفه بعيونه لما اقوله بنام عند اهلي، ينجن يموت
شوي و يطقني يقول شلون انام منو يمسجني منو يسوي شغلي، ولما اروح كله يتحلطم و احيانا يزعل و يتهاوش معاي

ما اقولكم زواجي كامل، والله عندي مشاكل وصلت لحد الطلاق لولا ان هالامور غفرتلي
اقسم بالله انه قالي اخذي اغراضج و روحي بيت اهلج
يوم بغيت اسويها و انا ابجي قام يبجي معاي و قال ان هالكلام من ورا قلبي، مشكلتي ماقدر استغني عنج
ولما ولدت ، رفض يخليني اقعد عند اهلي 40 يوم، جابني قبل وقتي و كان كل يوم يتحلطم ويقول انا حدي ضايع ومتبهذل، والله كنت اشوف هالشي بعيونه وملاحظة تصرفاته
مع انه والله كلش مو مال دلع وحيل رجل تقليدي ، بس سبحان الله شلون الامور الصغيرة هذي أثرت فيه وبقلبه بالرغم من المشاكل اللي بيني و بينه
اقسم بالله اني مو مهتمة بنفسي 100% بالعكس شكثر عندي شغلات تلوع الجبد ودي اعدلها بس الله العالم بظروفي لان ما عندي خدامة بس بشكل عام اهو سعيد معاي مثل ما انا سعيدة معاه


خل اقولكم جم طريقة

1- المساج ... ضروووووووووووووري كل يوم مساج قبل لا ينام حتى لو انج هلكانة تبين تموتين من قو التعب بس مسجيه و شوفي النتيجة
أول جم شهر ما راح يحس بفرق
بس والله بعدين بيفقدج حيل وما يقدر يسشتغني عن هالشغلة

2- سبحيه لا تخلينه يسبح بروحه دايما
عالاقل مرتين بالاسبوع، و تشفيه جسمه و زهبي هدومه
لا تخلينه يسوي شي بنفسه
تدرون ليش؟ الرجل مثل الطفل، مجرد انج تعودينه على الاتكالية خلاص ما يقدر يستغني عن امه ، و في هالحالة تصيرين انتي امه
في بنات يقولون ما نحب الزوج الاتكالي
صح كلامكم بس الاتكاليه هني حلوة، و مو حلوة اذا اتكل عليج بمصروف البيت و المراجعات برا البيت، لكن اذا الاتكالية بالامور هذي فياااحلوها

3- انتي اللي تسوين الغدا والعشا والقهوة والجاي مو ميري الا بالحالات اللي ما تقدرين عليها
بنات والله مو حلوة كل شي على الخدامة والله عيب
باجر بيقول شنو انتي مسويه فرق، حتى لو ما قالها بلسانه كافي يقولها بعيونه

4- اذا شفتيه كله عاللاب توب او الايباد او الايفون، لا تخلينه بحاله الا اذا كان فعلا مشغول و باوقات محدودة
لا تسمحليه يطول، طبعا مو تتهاوشين معاه ههههههههه خلج ذكية
سوي عصير او شاي او قهوة على حسب اهو شنو يحب
و قعدي قطيلج جم سالفة
بالبداية اول الاسابيع بتلاقينه يجاملج واهو وده يخنقج بس بعدين بيستحي على دمه شوي و يجابلج كنوع من المجاملة، عقبها اذا ما ارتزيتي معاه والله بيضيق صدره
اذا زوجج من نوع راعي قهوة و شاي الضحى او العصر او المغرب ، لا تخلينه بروحه يتقهوى، ارتزي عنده حتى لو مالج خلقه ولا ودج تجابلينه، والله مسألة جم شهر و بتصير عادة ما يستغني عنها

5- سالفة كل اسبوع طاقتها شلاله عند بيت اهلج ترى حدها مو حلوة، قلنا تزورينهم بس مو جذي ، في بنات اللهم يا كافي يقعدون في بيت اهلهم 3 ايام بالاسبوع مادري شكو متزوجة هههههههه حبيبتي لا تحسسينه ان وجودج وعدمه واحد، والله بيزهق

6- عودي نفسج وعيالج (اذا في عيال) على روتين معين، اذا زوجج مو من النوع البيتوتي، و تحبين تمسكينه داخل فاحلى شي انج تقعدينه غصب بدون ام يدري
قولولي شلون؟
هااا قلتولي شلون
مثلا انتي وعيالج تقعدون بوقت معين ( الوقت اللي تبين زوجج يكون فيه) و اذا ام زوجج موجودة وعلاقتكم طيبة احس واحلى اعزميها و خواته بعد
تحطون قهوة و جاي و عصير و فطاير و حلويات وكل شي يحبه زوجج و خلوا قعدتكم ضحك و وناسة، و اعزميه مره او مرتين وعقبها سوي روحج مو مهتمة
و خليه يحس لما يرجع انكم توكم شايلين قشكم وانكم استانستوا وهذي قعدتكم اليومية ، المهم ما تكون رسمية
والله يا بنات بيحن و يصير وده بالراحة والوناسة معاكم
بس اهم شي لا تكون صاخبة بزيادة
بتلقينه مع الوقت بيجيكم يوم بالاسبوع
عقبها يومين و شوي شوي يصير مرابط بالبيت

7- الاطفال وما ادراك ما الاطفالأ، احنا الامهات احيانا ودنا نشق هدومنا و نقط انفسنا من الدرايش من قو الزهقة و لوعة الجبد
فشلون بالاطفال الكبار ( الازواج) اللي ما يتحملون ذبانة عالخشم
ادري بتقولون هذيل عياله و لازم يتحمل مسؤوليتهم
بس صدقيني اذا عيالج عودتيهم عالاحترام و تقوليلهم اذا ابوكم نايم لحد يزعجه، اذا ابوكم بالبيت لا تطلعون صوت قوي، اذا ابوكم يطالع التلفزيون فهذا وقت دراستكم او قعدتكم معاه بس بهدوء، فصدقيني اهو بيرتاح في بيته ولا ما راح يضطر ينحاش منه مثل الحاصل


8- اهم شي بين كل هالنقاط هو الاتي
يا بنت الناس خلي عنج المراكض ورا العيال و الصراخ عليهم اذا زوجج عندج، و اذا راح ان شاء الله تلحقينهم بمخمة البيت عادي، بس دامه موجود فاحسن شي انج تجابلينه و تقعدين معاه، او تشوفين احتياجات العيال بكل هدوء، و بسرعة كبيرة يعني لا تخلينه بروحه لفترة
والله بيزهق انج دايما مجابله العيال واحتياجاتهم، علميهم على الاعتماد عالنفس و حسن التصرف


9- حسسيه انج انتي راعية البيت وان كل شي ماشي بتوجيهاتج، يعني خدامتج لا تمسك الخيط و المخيط و تجي هي تسأله : بابا متى يبي غدا و عشا
لا حسسيه ان الخدامة ضايعة بدونج، مو انتي اللي ضايعه بدونها هههههههه
حاولي كثر ما تقدرين انج ما تنفلت منج الامور مع ان ادري والله انهااااا صعبة حيييييييييييييييييييييييل حيل و توصل لحد الانهيار، بس صدقيني فترة و تنتهي


10- عوديه على بوسة الراس و الحضن اول ما يقعد من النوم، و اول ما يروح لدوامه، و اول ما يرجع من الدوام و اول ما يرجع من برا
بالبداية بيستغرب بس بعدين بيقول: ليش ما حبيتي راسي اليوم
حسسيه ان راسه الكعبة المشرفة هههههههههههه والله بيستانس و بيفقدها
لا تحجسسينه انج واحد من الربع، اذا دخل سلم على الموجودين و دخل غرفته
اول ما يرجع من برا ، انتي روحي معاه و اتركي اللي بيدج حتى لو قاعدة تسوين العشا او تدرسين عيالج، فما بالج بللاب توب و الموبايل
روحي معاه الغرفة انتي لمي هدومه و امسكيله ملابسه، بالبداية بيستغرب طبعا لو مو معودته بس صدقيني بتصير عادة يضيق صدره لو فقدته

وهكذا عزيزتي المتزوجة تحببين زوجج فيج غصضب عنه وعن شواربه
و صحيح العملية محتاجة مو اقل من 6 شهور لحد ما تصير عادة متأصلة لكن والله نتايجها فتاكة

بنات وربي نتياج تجنن بس يبيله وحدة تصلح حالها خلال سنة كاملة ما تترك هالعادات وعقبها بتشوف النتيجة شلون

منو قدها؟؟؟....منقووووووووول لعيون سيداتي

>>>>> ردود الأعضـــــــــــــــــــاء على الموضوع <<<<<
==================================


كلامك صح خيتووو بالصميم ..
وبعدين لازم كل شي وسطي يعني شوي دلع على اهتمام على سؤال وبيتعلق الزوج فيكي .. الزوج اهم شي بعد عنده الحنيه والاهتمام ..


__________________________________________________ __________

المشاركة الأصلية كتبت بواسطة تسنيـم
كلامك صح خيتووو بالصميم ..
وبعدين لازم كل شي وسطي يعني شوي دلع على اهتمام على سؤال وبيتعلق الزوج فيكي .. الزوج اهم شي بعد عنده الحنيه والاهتمام ..

اشكرك عزيزتي ...على الرد الجميل يا عسل ....


__________________________________________________ __________



__________________________________________________ __________

يسلموووو درر كلامك


__________________________________________________ __________

مشكوووووووووووووووووره ع الطرح الرائع

................................................
فعلا بعض الزوجات يتجاهلن هالاشياء ...............