عنوان الموضوع : احتاج من يفهمني فقط!!!! -لحياة سعيدة
مقدم من طرف منتديات نساء الجزائر

احتاج من يفهمني فقط!!!!






بسم الله الرحمن الرحيم
ماتعودت اكتب عن مشاكلي الزوجيه او حياتي مجملا
لكن ضاقت بي الوسيعه استغفر الله والحمدلله
احتااااج من يفهمني فقط !! رجاءاً
كلنا او اغلبيتنا نعاني
من اخوات ازواجنا او من الحماه
لكن كل هذا يهوووون لما يكون زوج يقدرك ويدافع
عنك ويقدر صبرك
لكن في حالتي اذا كنتي متأذيه من اهل زوجك و
ايضا زوج لايبالي باللي يسوونه اهله وفي الغلط
يقف معهم ضدي واصبح في نظره عدوه وليس زوجه
حاولت كثير اني اتغاضى واقول اهله وله حق
وانا والله ما اغار منهم انا راضيه بكل ماعطاني
الله من نعمه لكن ابيهم يتركونني بحالي
ابيهم يخلونني اعيش حياه سعيده بلا منغصات
منهم هم بالذات !!هل اللي احلم به صعب لهدرجه
هم جماعه وانا وحدي وان شاء الله الله ان ربي
معي دائما مايوجهون لي الكلام الجارح
سواءً امامه او في غيابه ولا يحرك ساكن
والاسوء انه ممكن يقف معهم لحظتها
انا مو ضعيفه ابدا لا اخذ حقي وزود
بس هالشي يجرحني حيل ما انا تركت اهلي
وناسي وحببايبي وجيت اعيش معك
واعتبرك اهلي ليش ماتقدر هالشي ؟؟
والمصيبه ان انا يشوفني حديد آله ما اتعب وان تعبت
بنظره تعبي خفيف
اذكر لكم موقف قبل ايام قليله
تعبت انا واخته في نفس الوقت انفلونزا وبرد
كفاكم الله الشر لكن انا يمكن بنظري
تعبي كان زايد وهذا الكلام ايضا من نظر الدكتور
لاني حامل في الاشهر الاخيره وحرارتي مرتفعه
وضغطي منخفض وحالتي اعلم بها الله
واخته مريضه الله يشافيها لكن ليس بقدري
كان يمسك بيد اخته ويعاونها وانا !!!
كانني ظل امشي خلفهم والله ليست غيره لكن
كنت ابي تقدير لحالتي فقط والادهى
عند وصولنا للدكتور تدرون وش قال ؟
يقول للدكتور اهم شي هذي يقصد اخته
يقول عالجها لانها حيل مريضه واهم شي توصى بعلاجها
اااااااااااه مو كفايه مريضه ! طيب مو قدامي
ولا قدامها ياناس مو حرام
قسسسم بالله غصيت وبكيت وقلت بخاطري
حسبي الله ونعم الوكيل كان يقول للدكتور
توصى بعلاجها والدكتور يقول له ان حالتها
مايحتاج لها الا اشياء بسيطه
بعد كم يوم جاب لي علاج اخته لانها سافرت لمكه
فتحت الدوا يابنات مثل ماهو ما استخدمت شي منه
سبحان الله كيف قلبه عليها وهي ما اهتمت ابدا
هالاسبوع كان زواج اخوه وطول الاسبوع ماسال
عني ورايح جاي ب اخواته وامه للسوق
وانا ماسال عني ولا اخذني معاهم بحجة انه
مشغول وانا عارفه انهم بالسوق ويوم قلت متى بتوديني
قال اخوانك يودونك !!! هاللحين اخواني هم المسؤلين
عني ؟؟ وبنهاية الاسبوع بعد زواج اخوه
صار فاضي ويبي حقه الشرعي !!
ليش ! وش انا بالنسبه له عجزت ياناس
ما انكر انه مو مقصر علي ابدا
لكن ليش هالمعامله وليش انا مهمله في وجود اهله
ليش يسكت لهم لا اخطاؤ بحقي !
امي قالت لي ((وانا امك الرجال اذا ماحط قدر للمراءه
عند اهله ولا فرض احترامها عليهم هذا مايحبها
حب صادق ))
هالكلمه اجرحتني حيل لكن بينت لي الواقع
انا كتبت كثير وباقي في خاطري اكثر واكثر
كل يوم جايب هديه شكل مره لا اخته مره لامه
مره لخالته ومره لبنتنا لكن انا مايتذكرني بشي
ابدا ولا ادري وش السبب تعودت ما افرح بالهدايا
اللي اشوفها معه لاني اعرف ان مالي نصيب فيها
انصحوني ياخواتي كلموني وفهموني
هل انا اطالب بشي اكبر من حقي
هل انا جاحده !
هل كلكم ازواجكم يعاملونكم بهالطريقه
امام اهاليهم !
كيف اتعامل معاه استمر في التغاضي ولا اواجهه
مع العلم كثير واجهته بمعاملته ويعتذر ولكن مايتغير

شكراً

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك يا الغاليه وربي وربي حاسه فيك وشلوون مستحمله هاه انتي لك كل الحق مثل امه واخواتها بعد طيب ليش ما جربتي تتكلمي معه كل الكلام الي كتبتيه قوليه له بالحرف الواحد اسمعيني اختي اجلسي مع زووجك وهو رايق وقولي له ليش يسووي كذا اسئليه هو يحبك ولا لا ليش تزوجك قولي له ليش الاهمال هذا ابعرف السبب قولي له مثل ما انت لك حقوق علي هم انا لي حقووق عليك مو كل شي اكل وشرب الزووجه اذا زوجها ما هتم فيها من يهتم فيها!!! اتمنى من الله يسعدك وريح بالك امانه طمنيني عنك وربي قلبي عليك


__________________________________________________ __________

اختي شاهدة رفع الله عنك ما انت فيه من ظلم وسخر لك زوجك واحن قلبه عليك
ولكن لدي سؤال
هل هذا هو حال زوجك من بداية الزواج؟ ام انه لم يكن كذلك وتغير عليك؟
وان كان تغير عليك فهل تذكرين الظروف التي كانت تحيط بتغيره؟


__________________________________________________ __________

الله يكون بعونك اختي
ما عرفت ايش اقول
الله يهدي زوجك ويسخره لكي


__________________________________________________ __________

الله يكون بعونك اصعب شي الاحساس بالاحتقار والاهمال وعدم القبول ومن كلامك باين عليك ست راقيه ومهذبه
كيف استحملتي كل ذالك ما لازم تسكتي لاننك بموتي حبك اله وانتي لاتدرين حيجي يوم وتحسي نفسك كارهته ومو طايقها او يمكن تخونيه بحب شخص آخر لان الحب بده رعايه والاهتمام وقبلهما احترام

ولي تسال عن خطا الي خلاه يهملك اذا صارت مشكله نعالجها بصدق ونتجاوزها ونسامح ولانقف عندها وكل مره نتذكرها واذا ما استطعنا فاحسن شي الانفصال لحتى ما نظلم انفسنا والي حوالينا


__________________________________________________ __________

الله يهدي زوجك ويسخره لك اكيد كما قالت لك بعض الاخوات احكي معه واساليه ليش بيعمل هكذا معك
مع انه مبين انه حنون فالزوجة اولى انه يحن عليها زوجها ياما يغار منك هو كذلك
اغلرجالة معظمهم يكونوا انانيين وما يعرفوا كيف يفقوا مع اهليهم وزوجاتهم الا من رحم ربي
لكن الانسان ليخاف الله ويراعيه اكيد تجديه مستقيم بحياته ويعرف كيف يوفق بين اهله وزوجته
واكيدما يظلمها