عنوان الموضوع : الله يفرج همكم يابنات ......انصحوني
مقدم من طرف منتديات نساء الجزائر

الله يفرج همكم يابنات ......انصحوني






السلام عليكم ورحمة الله وبركاته
ان شاء الله الكل بافضل....ووالله العظيم ماسجلت بدا المنتدى الا لاني بعد الله محتاجه نصايحكم ورايكم بمشكلتي لان يعلم الله ماقدرت اقول لاحد دي المشكله لامن بعيد ولاقريب مابطول عليكم حبيباتي انا متزوجه لي 9 سنوات تقريبا عندي طفلين بنات قصتي قصه بجد والله العظيم انا منهاره وضايعه وحاسه موقادره اميز بين الصح والغلط حاسه بضياع ماحسيت فيه من قبل بدي الطريقه طبعا في خلال التسع سنوات مريت بمشاكل لالها اول ولا اخر والله من ايام الملكه مره بسببه ومره بسبب اهله طبعا بعد ماتزوجنا بدات الاحظ تصرفات غريبه على زوجي والاحظ اشياء اغرب كانت بالنسبه لي قمة الصدمه اكتشفت انه راعي علاقات بالشباب وآآآآآآآه يابنات على اللي شفته وعشته معاه شي والله العظيم انه يشيب شعر الراس رسايل بينه وبين الشباب والله العظيم اخجل اقراها وكل مره اشوف وانهار واشياء والله مااقدر اقولها المهم كنت مره اخاف منه تزوجت وعمري 18 من ايام الملكه وانا ابغى اتطلق مارضوا اهلي وبعد الزواج حاولت كمان رفضوا اهلي وبعد الطفل الاول والثاني قعد لي اخويه الله يسامحه حسيت يقولي يسوي اللي يسوي بس طلاق لااا طبعا اخوي مريض شك درجه اولى كل البنات سيئات وراعيات لف ودوران طيب انا انسانه من حقي اعيش من حقي ادافع عن نفسي وكرامتي من حقي اخاف على نفسي من الامراض بعد اكثر شي بهدلني حبيته حبيته بشكل مجنون بتقولون راعي اولاد وحركات كنت ارحمه احسه مبتلى وغصب عنه وبدات معاه تحدي ياانا يادا الطريق اللي ماشي فيه طبعا في البدايه كنت اسكت اشوف ومااتكلم بس سويت اشياء والله العظيم ماتتخيلونها جبته بالتهديد على اساس احد مراقبه جبته بالطيبه حاولت اجيبه من كل النواحي وبالرغم من كل اللي فيه بس كنت احس انه يحبني او انا كنت اضحك على نفسي ماادري كان يبكي عليه يبكي ويتاسف بعدها بفتره صارحته وقلت له انكر وسوى فيها وحلف وحلف بعدها كشفته كم مره ونفس الشي وحلف على القران بعدها عاهدت نفسي ماعاد اقرب جواله لاني تعبت انهد حيلي وارتحت الحمدلله ...وضحكت على نفسي يابنات وقلت ان الله يحب التوابين ومن حلف بالله فصدقوه والحمدلله ارتحت وشلت دا الكلام كله من راسي حتى لوشكيت اقول لا لا وتقريبا قعدت 4سنوات وانا اضحك على نفسي بس اخر سنتين علاقتنا صااارت مره سيئه صار بعيد عني بشكل موطبيعي في نفس الوقت بروود بروود شيييي .. مووقادره اتحمل عايشه لوحدي بمعنى الكلمه ماكاني متزوجه اطلع واجي واروح وانام لوحدي مايغار ابدا صارت لي حياتي وله حياته كلمته مره مرتين ثلاث بس حياة لمن تنادي طبعا الفتره دي انا في راسي انه خلاص وبجد شاءت الاقدار وصار ظرف فضطر انه يسافر طبعا الوقت دا يابنات طلع من عندي كانه عريس تخيلوا كان وقتها بيجلس كم يوم بس استنكرت من تصرفاته مايبغى يقرب جنبي وحزت مرره في نفسي اشفيه بس بعدين قلت يلا مستعجل والموضوع اللي كان بيروح عشانه موهين والله العظيم والله العظيم ان قلبي نقزني من يوم طلع مابطول عليكم شاءت الاقدار يابنات ورب العالمين فضحه عندي وارسلي وحده تعلق على اللي شافوه في رقبته وانه اش مسويه في الرجال ومن دا الكلام انا والله العظيم اتوقع جاني وقتها انهيار عصبي لوماالله ثم وحده تدري بكل شي عني وهي الوحيده اللي اقدر اقولها كل شي كان انفجرت تخيلوا يابنات شوووووفوا قوة العين مشى عند الكل والكل شافه من اهله واصحابه والمعارف على اساس انه جاي من عندي مافكر فيني مارحمني قلت مابظلمه وتاكدت بطريقتي وطلع الموضوع من جد كلمته وسوى فيها زي زمان قلت لاعاد اشوفك ماخفت الله فيني ولافي اولادك ومشيت عند الكل انه انا مسوي فيك دا الحال رقبتك كلها مطبعه مااستحيت طبعا وعرفت مين اللي سوى فيه كدا كنت منهاره وماعلمت احد الموضوع يتعلق بسمعة اولادي ومستحيل اضرهم ماقدرت اقول لا اي احد لااهلي ولااهله وبدال كم يوم بيجلسها وبيجي ولاني كشفته جلس تقريبا 15 لحد ماراح اثرها نهائيا وخليته يطلع من البيت شهر ماقدرت اشوف وجهه بعدها رجع يابنات وسوى ندمان وانه صاحبه هووو اللي ماادري ايش وانه ماتعدت.. .الخ ....قلت له احلف على المصحف انه خلاص تووبه قال طيب وماااحلف ورجعنا لبعض ولاكان صار شي ومن يومها واحنا علاقتنا من سيء لاسوا ماكاني موجوده معاه والله العظيم كلمة احبك لي سنين ماسمعتها المدح والكلام الحلوو تعودت اسمعه من الناس مهما سويت كل شي يسويه غصب عنه مولانه حاب دا الشي لاااااا بس عشان يمشي وفووووق دا كله اهله لاعبين فيه لعب ومزودين حالي حال ....بتقولون اش صبرك على دا الحال كله بقولكم مافي مر الا فيه الامر منه اخووووي مريض وماحد قدر عليه يعني بيسوي فيني اللي مايتسوى قدام اولادي وكنت من غير شهاده بس الحمد لله ضغط نفسي واخدها .......الوقت دا يابنات تخاصمت انا وهوووو ولنا شهرين ماقرب جنبي وانا انتظره يجي يتفاهم معايه موراضي يقول اطلقك بس مااتفاهم معاك عاجبتك دي الحياه حلووو موعاجبتك انقلعي ..الحمدلله على كل حال الحمدلله ....اخواتي الله يفرج همكم ولايجعل اي وحده فيكم تعدي بربع اللي عديت انصحووووني اعطوني رايكم يعلم الله اني محتاجه راي كل وحده فيكم

>>>>> ردود الأعضـــــــــــــــــــاء على الموضوع <<<<<
==================================


لاحول ولا قوة الا بالله
اسال الله ان يفرج همك ويسعدك في الدارين ويرزقك من حيث لا تحتسبين
كان الله في عونك
ان شاء الله البنات بفيدوك


__________________________________________________ __________

السلام عليكم ورحمة الله
اختي انا دايما متابعه هالمنتدي بس تبين الصراحه انا اشتركت اليوم عشان ارد عليكي

انا مقدره انك في مشكله وانو زوجك هو سبب المشكله بس بقولك شي
انتي حاولي تتقربي منو وخليك دايما معاه لاتعطيه مجال انو يروح لاصحاب السوء وحاولي تقوي ايمانو بالله يعني مثل قوليله نروح عمره مع بعض وانتي حاولي لاتياسي وترا ربك موجود
والله انا صحبتي زوجها عشره سنين كان معاها وكتشفت انو يدخن ويحشش ويخرج مع بنات مع ذالك كانت تدعيله وتحاول انو تساعدوه لين مربي هداه والحين صار امام مسجد
لاتيسائي بس ادعي
اتمنى اكون ساعدتك


__________________________________________________ __________

لا حول ولا قوةة إلا بالله
الله يهديه يارب ويعينج ويصبرج
يااختي والله حاسه فيج
وزين انج فضفضتي


نصيحةة من أخت تحبج في الله
الاستغفار ، الزمي الاستغفار ثم الاستغفار ثم الاستغفار
آلاف المرات
مع الدعاء
ولا تنسين دعاء التعار من الليل
والله العظيم من تجربةة شخصيةة أقولج ان لهم آثار عجيبةة وراحةة مب طبيعية

وانا بدعي لج بإذن الله
لا تنسين تطمنيننا عليج


__________________________________________________ __________

جزاكم الله خير بنات على ردودكم ويعطيك العافيه انك سجلتي عشان تردي عليه والله العظيم اني حاولت معاه وحاولت اقربه واخوفه من الله سبحانه وتعالى قد مااقدرتسع سنوات اكيد ماعدت من دون مااحاول ..الحمدلله على كل حال ......بس دحين عجزت لان شهرين موراضي يعطيني مجال اتفاهم معاه بكلمه ....وانا بصراحه ابغى اتفاهم معاه لان خلاص ابغى ياتتعدل حياتنا ياالله ييسر امري وامره وكل واحد يشوف حياته انا موقادره ادخل احد الموضوع موهين الموضوع مويخصه لوحده لااا يخص اولادي وسمعتهم ومستقبلهم


__________________________________________________ __________

السلام عليكم حبيبتى اول شئ عليكى بالاستغفار والدعاء وثانيا فى منتدى مملكة بلقيس عليه قصتين عن معاملة الزوج الخائن وان شاء الله هتستفيدى منهم