عنوان الموضوع : طريقه رائعه للزوج اذا قال (بسافر لحالي) حياة اسرية
مقدم من طرف منتديات نساء الجزائر

طريقه رائعه للزوج اذا قال (بسافر لحالي)






الطريقة المثالية للتعامل اذا قال الزوج <بسافر لوحدي سياحة>



" منقول لِـ الفائــــــــده "

كيفكم يَ أحلي عضوات ../
موضوعي رااح يتكلم عن مشكلة تعااني منها معظم الزوجاات
واغلب مشاكل البنات في هذي النقطة ... وفي منهم اللي تقوووول

عاااااااااااااادي مع انها عارفة انه زوجها بيروح لبلد كله فساااااد .... وفي

منهم تقوم الدنيا ما تقعدها وممكن توصل للطلاق .....

انا بتكون نصيحتي لكم مطابقا للمثل القوي المتوارث من عهد اجدادنا اللي

يقول <واجه جبل ولا تواجه رجل> ....

اذا جاء زوجك وقال والله انا مسافر لوحدي مع اصحابي تمشية ..<ماذا

تفعلي؟>. في هذي الحالة لا تردي عليه ولا تعلقي خاصة اذا كنتي عارفة

انه رايح لبلد كله فساد ...وفي نفس الوقت لا تزعلي منه ....يعني خلي

شعورك غااااااااااااااااااااامض ..... خلي شعورك مخفي ... لا تبيني أي

علامات فرح او زعل او غضب على وجهك ..... لا تجي وحدة وتسوي فيها

نشمية وتدق صدرها وتسوي الزوجة المثالية .... وتقول مع السلامة يا

حبيبي ترجع بالسلامة وتقوم تجهز له الشنطة والله بتندم على نشامتها

<هذي والله بتتكفخ مننا> لأنك انتي بطريقتك هذي والله كأنك تعطيه الضوء

الأخضر اللي من خلالة ممكن يتمادى خاصة اذا كان راعي بنات ومراقص

وغيره ...وحتى اللي واثقة من زوجها ثقة عمياء لا توسع صدرها وتبتسم

ابتسااامة عريضة وتقول له مع السلامة لأنه الشيطان لسى حي ما مات . ...

وفي نفس الوقت لا تضارب وتعصب وترمي الجوال وتكسر الطاولة وتلم

الجيران؟؟...زي ما قلت لكم خلوكم مبهمين ... خليهم يحتاروا في

شعوركم .. خليهم ينشغلوا فيكم شوية .. لا تظهري مشاعر الفرح والحزن

على وجهك ... اوكي يا حلوين ؟؟؟ يعني خلاصة الموضوع امسكوا العصا

من الوسط لا افراط ولا تفريط <بنزلكم امثلة>

وانا اقولها لكم في كلمتين .. والله اللي تزعل من زوجها وتبكي وتنكد

وبعضهم يحشروا اهاليهم .. اقولكم منتوا ربحانين من الموضوع شيء غير

نكد واهدار اعصااااااااااااااب وفضيحة ومدري وشو؟؟؟ وفي النهاية

بيسافروا ..وليه هذا كله ؟؟؟ عشان بيسافروا؟؟ بالله... اسألكم بالله اذا

زوجك مفوت صلاته او متهاون فيها راح تزعلوا نفس الزعل وتضاربوا

وتكسروا؟؟؟ ولمن يسافروا تسوا الهوايل ؟؟ يعني المسألة ماهي مسأل’ دين

وعقيدة ... المسألة حب امتلاك وعدم تفريط

والله انه اغلب الازواج اللي حريمهم زعلوا وانقهروا ...هم اكثر الرجال اللي

سافروا وعاندوا ومشوا اللي في راسهم وأولهم زوجي سافر عنااااااااااااد

فيني.... يعني لا تتعبي قلبك وعمرك على شيء ما يسوى .. اذا هو

خاين ...طيب من ربه ؟؟؟ انتي ؟؟؟ لا طبعا ربي وربك هو اللي يحاسبة .....

الجنة والنار بيد الله مو بيدك .... واللي من جد من جد تغاااااار على زوجها

وتحبه وتخاف عليه وما تبغاه يسافر ... تستغفر بينية انه ما يسافر وتدعي

ربها كل ما افتكرت الموضو ع ... مو لازم تمسكي السجادة وتستني الثلث

الاخير في الليل وتتوضي وتستقبلي القبلة؟؟ لا يا حبايبي المسألة اسهل من

كذا بكثير ...من قال لا اله الا انت سبحانك اني كنت من الظالمين ودعا بعدها

بأي دعاء استجاب الله لها ... ومن سأل الله بأسمة العظيم اعطاه .. يعني

وانتي جالسة على كنبتك وافتكرتي الموضوع قولي <اللهم اني اسألك بأسمك

العظيم اللذي اذا سألت به اعطيت واذا دعيت به اجبت ان تشتت فكرة السفر

عن زوجي وتباعد بينه وبين السفر كما باعدت بين المشرق والمغرب> والله

يا بنات المسأله بيدنا احنا ... مالك شغل بزوجك خليه يخطط ويشتري

ويجهز ويحجز ... وانتي قوي علاقتك بربك

هو يحجز من هنا وانتي شدي حيلك من هنا وادعي بكل شيء تحبيه ... والله

والله يا بنات انا زوجي كان يسافر عناد فيني لأني كنت ازعل منه بس يوم

عقلت وهديت وقلت من جد ا ايشبني انا ما اقوي علاقتي بربي؟؟؟ حتى يا

بنات لو عندكم ذنوب كثيرة وتجي وحدة وتقول امكن ربي ما بيستجيب

لي ...ليش ما يستجيب مو انتي مسلمة؟؟ ادعي وما يهمك ترى ربي عنده

99 رحمة ورحمة واحدة وزعها بين عبادة من خلق ادم الى قيام الساعة ...

وترى الدعاء مخ العبادة .... المهم نرجع لموضوع زوجي...بعد ما سافر

السفرة الاولى جلس زوجي سنتين ورى بعضها بيلمح لي ويقول بسافر مع

اصحابي طبعا انا ما رديت علية وغيرت الموضوع وقلت سمعت اخر نكتة

<عشان احسسه اني مو زعلانة> استغرب مني .... بعدها بكم يوم عاد نفس

الموضوع ... وما رديت علية وقلت له : بالله ارفع صوت التلفزيون هذي

الحلقة ما تابعتها ... برضه حسيته صار يفرفر ... <ترى الغموض والله

روعة كأنكم توم اند جيري>

ومرة عاااااااااااااادها وانا في السياااارة .. مارديت عليه وقلت : بالله لا

تسرع على مهلك والله يرزقنا حسن الخاتمة <دقة فيه> وسكت زوجي طول

الطريق اظنه يفكر..... يعني ممكن يا بنات ترموا كلمة على الطاير تذكير

بالاخرة .. حطوا مية خط

تحت كلمة <ارموا كلمة على الطاير >مو تجلسوا جلسة رسمية وانواع

السب والشتك بينكم ؟؟ لا لا انتبهوا

المهم ارجع لقصتي ... وصرت استغفر في اليوم لا يقل عن 100 مرة

وادعي الله ان كان سفره فيها محرمات ومعاصي انه يباعد بينه وبين السفر

ويشتت موضوعه ... والله يا بنات جات اجازته وخلصت وما سافر ولا عاد

فتح الموضوع معايا ولا انا اصلا سألته <لأني مسوية اني مو مهتمة> والى

الان ماني عارفة ليش بطل .... المهم والسنة اللي بعدها قال بسافر مع

اصحابي ... شوفوا يا بنات هو زوجي عارف اني ما احب سفر الشباب

لوحدهم ولكن ظليت ساكتة بدون ما احدد موقفي ... مما خلاه يحتااااااااااااار

معايا ... المهم السنة اللي بعدها عاد نفس الموضوع وخلاص حجز ورتب

كل شيء هو واخوه واصحابهم .. وانا والله شديت حيلي بالدعاء .. لمن جاء

وقت السفر وكان السفر في الصباح وقال لي في الليل يالله اتجهزي عشان

تروحي انتي والعيال عند اهلك <في حاجة هنا عملتها قبل ما اروح عند

اهلي بذكرها لكم بعد شوي> المهم وجهزت الشنطة ونزلنا جدة عند

اهلي ... وراح ينام عند واحد من اخوانه في جدة لأنه خلاص الرحلة

الصباح ... وجاء ثاني يوم واتصل علي العصر ... وقلت له فينك ؟؟؟ قال ما

سافرت <سبحااااااااان الله> وقلت ليش: قال اخوية نسي بطاقته في الشرقيه

<اخوه يشتغل في الشرقيه وجاء اجازة عندنا> وكلهم بطلوا ... شفتوا انه

ربي اقوى مني ومنكم .. والله وجاء زوجي اخذنا ورحنا اتمشينا وانبسطنا ..

لأنه السفرة ما اتفركشت بسببي لا اتفركشت من الله .. عشان كذا انا مالي

ذنب ... وعشان كذا وكلوا امركم لربي

والله يا بنات .. اذا الزوج بيسافر خلاص الله يحفظة واستودعيه كل يوم وكل

شوية كل ما جاء في بالك قولي <اللهم اني استودعتك زوجي يامن لا تضيع

ودائعة فأحفظه عندك> والله يا بنات ربي يحفظ عينة واذنه وفرجة عن

الزنا ... وبيني وبينكم ما فيها شيء اذا الزوج راح يتمشى مع اصحابة انا

كنت زيكم في البداية ارفض الفكرة ... لكن اكتشفت انه السفر يرفع من

معنويااااات الزوج والله يجيكم الزوج كله حيوية ونشاط .. يكفي انك ما

نكدتي عليه .. يكفي انك ما خربتي عليه ... يكفي انك ما عاندتيه ... وربي

يا بنات لو ربي كاتب له يسافر راح يسافر غصب عنك وعن اهلك ...

فالوحدة تاخذها براسها من البداية لا تقولوا دايما لأزواجكم <لا لا لا لا لا >

بكذا تعودوا ازواجكم انهم دايما يكسروا كلامكم .. في مثل يقول <اذا اردت

ان تطاع فأمر بما يستطااااع> يعني الوحدة لا تسوي قوية وتتفرعن على

زوجها وهي عارفة انه ما يخاف شعرة منها .... زي ما قلت لكم يا

بناااااااااااااااات اذا فتحوا موضوع السفر .. مافي زعل مافي

فرح ....عاااااااااااادي يعني لا تنكدي ولا تبسطي ... اوكي ....؟؟؟؟

في نقطة مررررة مهمة مهمة جدا ... وهي اللي اول قلت لكم بقولها بعد

شوي .... اذا جاء وقت سفرة وخلاص صار الموضوع مررررة

جاااااااااااااد ..... هنا امسكي زوجك من الايد اللي توجعه ... قولي له المرة

الثانية بسافر <اختاري أي دولة نفسك فيها> طبعا هنا عشان لا تزعلي

وتنكدي عليه بيقولك ان شاء الله ... انتبهوا تختارو ا <استراليا> يقولوا :

ايشبها هذي تستهبل؟؟ لا يا بنات دوله يعني تحسي انه في مقدوركم تروحوا

لها .. وطبعا مو كل الرجال يوافقوا على هذا الطلب ..... بعضهم ما يعطي

رد او خبر .. عادي يا حبيبتي لا تزعلي ترى المسألة ماهي فيفتي فيفتي ..

كل شيء بالنص ؟؟ عادي اذا رفضوا يسفروكم ترى ما انتهت الدنيا عند

كلمته ... في شيء اسمه استغفااااااااااااااار بنية تلين قلب الزوج عليكي ...

والله يا بنات بالاستغفار تقدري تحصلي على كل شيء كل شيء ... اوكي؟؟

يعني اذا قالك مافي سفر ... بدون ضيقة خلق .. اصلا اذا قال لا <وربي

كاتب انك بتسافري ... راح تسافري ...عشان كذا اقولك قوي علاقتك بربي>

المهم النقطة اللي بعدها ....في الفترة اللي يقول زوجك فيها بسافر .. قولي

بعدها بكم يوم نفسي في جوال الفلاني ...نفسي في العطر العطر الفلاني عاد

هو ومرؤته ....واذا شاطر بيفهمها وهي طايرة <اصلا عقدة الضمير بتخليه

يحيب لك> وبعضهم بصراحة ماعندهم ميزانية يجيب لها جوال او عطر ...

يعني لو اخذك مطعم او حديقة جزاه الله خيرما زال يثمر فيهم العشرة و كل

واحد على قد ميزانيته ... وبعض الرجااااااااااااااال مفوتين تفكيرهم

بطيء ...ما يفهموا بسرعة .. هذولا يبغالكم تشدوا عليهم

بالدعاااااااااااااء .... اتذكر قبل شهر زوجي يضحك ويحكيني عن واحد معاه

في العمل جاء و قال لزوجي: اعطيني يوم واحد اجازة ... قله زوجي :ليش

؟؟؟ قال والله بودي زوجتي الكباين حق يوم ... ما صدقت انها وافقت اني

بسافر لوحدي اخاف تغير رأيها ... عشان كذا بوديها الكباين .... وواحد من

اصحابة قال لزوجي ... بودي زوجتي الدرة حق الاسمااااااااااااااك ... رضوة

عشان لا تزعل لأنه بيسافر لوحدة ... يعني بصراحة والله بعض الرجااااال

فيهم خير وشارين من جد بيوتهم وحريمهم ... لكن هذا ما يمنع انه برضه

يشوف نفسه...

انا لي امكن حوالي سنة وانا نفسي في جوال معين .. وكل ما اقوله يقول

والله مررة غالي ... ولأنه الان زوجي عنده مشروع سفر يبغى يسافر ....

صار يمهد لي السفر وانا اتبعت جميع الخطوااااااااااااات اللي فوق لا زعل

ولا رضا....والله يا بنات لأني ما قهرته ولا عاندته ... سمعته يكلم واحد من

اصحابه ويحسبني نايمة ... ويقول له : الجوال الفلاني بكم سعره ؟؟؟ وقاعد

يسأل تفاصيل عن الجوال ؟؟ انا صار قلبي يرفرف من الفرح .. بس مدري

اخاف يطلع الجوال له هو هههههههههههه ما ابغى اعشم نفسي .... بس

والله يا بنات لو عاندته وزعلته كان عاندني وسافر لا وكمان ما يجيب لي

شيء ... يعني خسرانة خسرانة .. وحاجة ثانية كماااااااااااان ... اطلبوا

منهم مبلغ معقول عشان تتمشوا عند اهاليكم <لا تطلبي شيء تعجيزي؟؟>

يعني مبلغ عارفة انه بيوفره لكي وقولي بروح عند اهلي والسوق ... الخ

عشان يحسوا ازواجكم بقيمتكم وانكم تطلبوا وتشتروا وتحبوا وتكرهوا

وغيرة .. بس طبعا تطلبوا بذوق مو غصب وعناد ورد حركة بحركة لأنك

كذا بتضيعي كل اللي سويتيه .... انا عن نفسي اسويها بمزحة ....اقول يدك

على الفين ريال .. يقول : والله كثيييرة ... اقول مو شغلي بروح اتمشى

واروح السوق واروح مطعم .... وطلبات عيالك <ابغى احمله مسؤليه> بس

زي ما قلتلكم بمزحة قلتها .... يعني لو ما اعطاني ماراح تكون مشكلة بيننا

انتبهوا للنقطة هذي ترى مو كل الرجال بيتقبلوا المزح...


والله يا بنااااااااااااااات زي ما قلت لكم .. كل كلامي هذا من خبرة وتجارب

وقراءة كتب ودكاترة علاقات زوجية من كل شيء استفدت منه قلته لكم ...

اغلب الرجال سواء شرقي او غربي او حتى قطبي هههههههه ... بيناسبهم

الزوجة الغامضة اللي ما تعبر عن فرحها وحزنها ... ويكرهوا الحرمة اللي

تخرب عليهم لو كان حبها واصل السماء ترى النكادة تكره الرجال في

الحرمة ... وفي نفس الوقت لا تدعسي على كرامتك واطلبيه فلوس او أي

شيء قبل لا يسافر يأمن لك انتي وعيالك مو عشان شيء بس عشان يحس

بقيمتك انتي وعيالك ... واذا ما اعطاكي مو تسوي فيها مشكلة لا بس اهم

شيء عرف انك تطلبي وتاخذ ي وتدلعي نفسك .. واذا ما اعطاكي دحين

بيعطيكي بعدين ترى الصبر حلو وانا اختكم ... واللي ما تقدر تتحمل زوجها

يسافر لوحدها زي ما قلت لكم دعاء واستغفااااار وتفرج من عنده... بس

اهم شيء ما يكون في احتكاك وشرارة بينك وبين زوجك .... واذا سافر

لوحدة ترى ما بتقوم الساعة .... وامكن يكون باب فرج لكي انتي وهو ومن

بعدها ما يفكر يسافر الا معاكي

جربوا كلامي ... امكن تجيب نتيجة مع أي وحدة فيكم

والله يديم المحبة بينكم


أختكم بيشــــــــووو




..

>>>>> ردود الأعضـــــــــــــــــــاء على الموضوع <<<<<
==================================


لو رصفت احرف الثنا فلن اوفيك حقك فقد وهبك الله من النهى ما تفتقر اليه اغلب النساء اسال الله ان يسخر زوجك ويديم محبتكما وان يجعلك أجمل ماينظر اليه .


__________________________________________________ __________

والله حبيبتي ان كلامك في الصميم
بس والله قهر يسافر وانا ادري انه رايح لبلد فساد
بس فعلا كلامك درر ليت كل النكديات يقرؤنه
وفعلا الوحده منا مالها الا ربها موبس وقت المصايب
لا في كل وقت
واللي مع ربها ربي يكون معاها
والله يصبرنا على فساد هالزمن ومن فيه
يعطيك العافيه بصراحه كثير افدتينا


__________________________________________________ __________

الله يسعدك يا بيشوا ويهدي رجالنا قادر يا كريم والله انك صادقة في كل كلمة كتبتيها كانك تكتبي عني انا مرة سمعت زوجي يكلم واحد من اصحابوا با الصدفة ويقول لوا ايوا نروح مصر ونعمل ونسوي واختك في الله كانت حامل وفي اول سنة زواج يعني الكلام دا قددددددددددددديم المهم وقامت اختك الشطورة شبت النار وقومت الدنيا وما قعدتها واشتكيت لاهلي ولاهلوا وكانت حتوصل للطلاق ربك ستر المهم انو الحبيب يبطل ابدااااااااااا وسافر زي اربع ايام وانا بس احرق في دمي وابكي لين لما جا وبعدها بفترة قال لي الخبر الصاعقة ؟؟؟؟؟؟؟؟ انوا اصلا ما كان مسافر وانوا كان بيمزح مع صاحبوا بس لما انا سويت شاطرة وابغى قال ياهمي اتحكم في اخد الشغلة عناد وسافر!!!! شوفوا العناد ايش يسوي ومن بعدها كل ما يقول يا سفر اسوي نفسي ما يهمني ساعات يسافر وساعات لاء المهم انوا هادي الطريقة احسن من المشاكل وممكن يقدر انك انتي سكتي وصبرتي ويكافأك بسيل من الهدايا ولكل عاقل نصيب واخيرا الله يهديهم ويصبرنا ودمتم عاقلين


__________________________________________________ __________

المشاركة الأصلية كتبت بواسطة العفة1212
لو رصفت احرف الثنا فلن اوفيك حقك فقد وهبك الله من النهى ما تفتقر اليه اغلب النساء اسال الله ان يسخر زوجك ويديم محبتكما وان يجعلك أجمل ماينظر اليه .


والله كلامك دخل قلبي علي طول وخلاني احس اني نقلت شي مفيد يسلمووو عالدعوة الحلووة


__________________________________________________ __________

المشاركة الأصلية كتبت بواسطة دلعهم كلهم
والله حبيبتي ان كلامك في الصميم
بس والله قهر يسافر وانا ادري انه رايح لبلد فساد
بس فعلا كلامك درر ليت كل النكديات يقرؤنه
وفعلا الوحده منا مالها الا ربها موبس وقت المصايب
لا في كل وقت
واللي مع ربها ربي يكون معاها
والله يصبرنا على فساد هالزمن ومن فيه
يعطيك العافيه بصراحه كثير افدتينا




يسلمووووووووو يادلعهم كلهم وانشاءالله دووم نفيد بعض يالغلا