عنوان الموضوع : هل ب الامكان تغيير طباع الزوج؟! حياة اسرية
مقدم من طرف منتديات نساء الجزائر

هل ب الامكان تغيير طباع الزوج؟!






اتمنى من الخبيرات ف الحياة الزوجيه يردو علي
زوجي طيب االحمدالله لكنه غير متفتح يدخل النت
لكنه ماتوقع يستفيد طبعه بدووي شوي وعاجبني عادي
لكنه عنده معتقدات مادري شنو يحس فيه بقول عيب تطلعي
مكانك البيت السوق عادي يوديني لكن تمشيه لا مادري شنو اسوي معاه
قال انتي مكانك بين اهلي واهلك ودوامك غيرهم انا اولى فيك من الوقت الي تقضيه لوناستك😁ليششششش يحرمني مع العلم انه يحبني لكن ينزعج من جرائتي يحب الحيويه وانا عكس جريئه معه حيويه مع الناس مدري شنوو اسوي احيانا افكر اجبره يطلعني لما يتعود واحيانا اخاف المشاكل شخصيته بختصار عيشيه براحه يعيشك بسلام اما يطلع لا مادري شنو اسوي شورو علي

>>>>> ردود الأعضـــــــــــــــــــاء على الموضوع <<<<<
==================================


ليش مافي ردود قدرووو مشكلتي؟؟


__________________________________________________ __________

تبين الصراحة فيه من صفات زوجي افضل وقت عنده لما اقول بروح لأهلك يستانس أو اهلي يحب اكثر شي الجلسة في البيت مع الحلا والقهوه والكبسات ودلع لكن مشكلته الكبيرة ما يحب يوديني لصدقاتي أو تمشيات برا مع اأهل الا بزعل والعصبيه وبعض الاحيان اقول انا الي عودته
بس انا مرتاحه كثير اهم ماعندي جلسته في البيت لأني. نوعاً ما بيتوتيه ..
يا حبيبتي حاولي انتي تعزميه لبرا مثلاً قولي ترا مسويتلك مفاجئه بس في المكان الفلاني وطلعيه ولا رجعتو ابد امدحي لين تشققيه انك مبسوطة وتستنين انك تعيدين الطلعة وقوليله وش قد استانستي وخلي كأن الفضل له بعد الله بطلعه
وجلسي امدحي يوم يومين ثلاثه بعدين قولي على مكان ثاني واذا قال لا تحايلي عليه بدلع وادعيله ان الله يوفقه سوي مثل البزر لاصار يحن وذكريه وش قد انبسطتو بطلعه الاولى والله انا كذه وتجيب معي نتيجه وكان الله بعونك...


__________________________________________________ __________

مشكوره ريموو وفعلا نفس زوجك يحب البيت والجلسه وهيك يعني بس ان شاءالله بجرب وربي ييسر لنا وبنات المسلمين ويسعدنا جميعا ف الدنيا والاخره


__________________________________________________ __________

حبيبتي واني بعد راي من رايه برايي المرية مكانهة البيت وبس وكلامه صحيح ومعقول
هذا رجلج عاقل وفاهم
وبالنسبة للعنوان الموضوع
نعم المرية تكدر تغير بزوجهة
لان اصلا كلشي بيد المراة
بشطارتهة وبالسلوبهة الساحر وبطريقة المعاملة مالتهة وطبعا على الوقت
لازم تعرف اي وقت بامكانهة تتكلم بيه وتغيره
واتمنالج التوفيق


__________________________________________________ __________

نفس مشكلتي لاطلعه ولو طلعنا غالبا نتهاوش بس ما اقول الا الله يصبرني ويخلي لي اهلي اتمشى معاهم وانبسط