عنوان الموضوع : زوجك عصبي؛عنيد؛ جاف؛زعول؛هنا الحل*_^ -لحياة سعيدة
مقدم من طرف منتديات نساء الجزائر

زوجك عصبي؛عنيد؛ جاف؛زعول؛هنا الحل*_^






..㋡..









السلام عليكم ورحمة الله وبركاته
اخواتي الغاليات

الموضوع مبين... وماودي اطول عليكم

اذا كان زوجك فيه اي عيب...مهما كان مهما صار بينكم..مهما كبرت المشاكل
أقدم لك هدية بسيطة كفيلة بإذن الله انها تنهي كل ذلك..

أنا هنا أكتب من واقع تجربه عشتها مع زوجي.....ثلاث سنين من التنافر والخلاف والجروح والاهانات............كل عيوب الدنيا كانت فيه:
الصلاة في البيت والعصر يصليه مع المغرب
يحب يطلع من البيت ومايصدق يلقى فرصة للخروج
يتاخر لدرجة انه ممكن يجلس ست اوسبع ساعات برا
اذا رجع يا ينام يطالع ام بي سي 2-او فور - وقناته المفضلة روتانا سينما
وانتم اعرف ببلاوي هالقنوات؟؟؟؟؟
عصبي
غيور جدا جدا
منغلق
يحب التحطيم
ثقافته اي كلام كل ما اساله عن شي يفغر-واذا كان مرة مثقف قال مدري..
هوايته الضرب...والله عليه كفوف تخلي البيت يدور
مايحب يكشخ لي ابدابد ابد..واذا مرة كشخ لبس لي ثوب بدون شماغ..



يعني مافيه حيلة_ولابه امل_وعكسي تماااااااااااااااااااما

عانيت الين ربي من علي بالدواء لكل ماسبق من بلاوي

وانا هنا اخص هالمنتدى الحلو بتجربتي لاني والله احب لكم الخير من قلبي
وحاسة بكل متزوجة زوجها غثيث

الحل والدواء يالغاليات هو:
1)الاستغفار(والله العظيم اني شفت العجايب من الاستغفار-احاول كل ما اذكر استغفر مايهم كم العدد المهم قد ماتقدرين)

2)سورة البقرة(يابنات عجيبة هالسورة_لها اثر فوري جدا ومن اول جزء حسيت زوجي تغير 180 درجة)حاولي كل يوم تقراين جزء وترى موصعب الجزء يمكن ياخذ منك ثلث ساعة بالكثير-وحاولي بعض الاحيان تقراين وزوجك موجود عشان يسمعك ويحس ويستحي على دمه ويقرا هو بعد

ترى ياحلوات هالسورة عجيبة عجيبة عجيبة واللي تقراها وما يصير زوجها طيب معها تكتب لي وانا مستعدة احاول معها لين توصل للنتيجة

3)الرواقة:خليك طوال اليوم رايقة-عيشيش حياتك...اصحي متى ما صحيتي بدون منبه ولا خرابيط"الا اذا فيه موعد صلاة"افطري احلى فطور-افتحي قناة عالم حواء وتابعي احلى خلطات-سحبي ارجولك في المشي"بس اذا جاء زوجك زيدي الحركة شوي لا يقول زوجتي عجوز"البسي احلى ملابسك وسرحي شعرك بطريقة عفوية تمايلي قدام المرايه واضحكي لهالوجه الصبوح"يازينك"
دلعي عمرك-
نشدي وانت تطبخين او تشتغلين حتى لو صوتك شين يمكن يحلى مع الايام
ويمكن يعجب زوجك...حتى لو ما اعجبه نشدي ولا عليك منه...اصلا يخب عليه صوتك الحلو...
حاولي تستفزين زوجك بالمزح حتى لوثقيل___
غصبا عليه يقبله هو ووجهه
اذا عاب زوجك شي فيك قولي له اتحدااااااااااااااااااك تلقى فيني عيب..تحديه من جد وخلي جملتك واثقة...واذا عند معك وطلع عيوب الدنيا اللي فيك قولي له:"ما لقوا في الورد عيب قالوا له ياأحمر الخدين"
ترى قوية هالعبارة وتسكته لو طول لسانه مترين

:wink::wink::wink:
اذا طلع عيب في اكلك قولي له وش عرفك باصول الطبخ الايطالي؟؟يعني اي طبخة تخترب قولي له ايطاليه لان الاكل الايطالي كله بهار وملح ومعجون على بعضة واللي ماتصدقني تروح مطعم المذاق الايطالي ...بالرياض



المهم روقي عمرك
الدنيا ماتسوى
خلي الابتسامة ميزتك


ولا تسوين ذكية وعصبية وعلى بالك كوندليزا رايس على غفلة


المهم طولت عليكم بس تلخيص كل هالهذرة:
الاستغفار+سورة البقرة+ذكرالله+الرواقة والاخلاق= حياة سعيدة باذن الله



تحياااااااااااااااااااااااااااااااااااااتي

منقوووول







..㋡..

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههههههههههههههههههههه مشكووووووورة بسمو على موضوعك على اسلوبك
بمزح ومشكورة بعد على موضوعك فعلا انا مجربته من زمان البقرة سرها باتع
ونصائحك تمام مفيدة وبجد بتربي الزوج مهما كانت طباعه شينة
وشكرا لانك بجد ضحكتني بعد ما جاني سن الياس وفقدت الامل من بعض المواضيع


__________________________________________________ __________

ههههههههههههه

يا حبيبتي الله يخليك لاهلك


__________________________________________________ __________

ههههههههههههه منو يطبق


__________________________________________________ __________

هههههههههههه
الله كريم


__________________________________________________ __________

شكرا لك حبيبتي