عنوان الموضوع : تبغين تتوظفي ؟ تبغين تتزوجي ؟ عندك امنيات ؟ تفضلو - الشريعة الاسلامية
مقدم من طرف منتديات نساء الجزائر

تبغين تتوظفي ؟ تبغين تتزوجي ؟ عندك امنيات ؟ تفضلو



بسم الله الرحمن الرحيم
السلام عليكم ورحمة الله وبركاته
صباح / مساء الخيرات للكل

بالبدايه أحب أنوه للجميع موضوعي هذا مو منقول أنا كاتبه
اختكم (( ياليل مآطولكـ ))نسيت أقول لكم (( رمضان مبارك علينا جميييييييعا وربي يكتبنا من قوامه وصوامه )) قولوا آمييين ....

حبيباتي مثل ماهو مكتوب بالعنوان ..
كلنا عندنا أمنيات وأمنيات وأمنيات صح وودنا تتحق صح أنزين خواتي الحبيبات أنا ودي نحمس بعضنا البعض في تحقيق هالأمنيات لأن ربي وعدنا ووعده سبحانه حق
قال تعالى (( أدعوني أستجب لكم )) ماقال يمكن أستجب لكم يعني الآية الكريمه لوحدها تجيب التفاؤل وراحة البال وانك اذا دعيتي راح يستجيب لكي ملك الملوك ..
خوآتي الغاليات ..
بما أننا داخلين على شهر كريم وشهر فضيل مدته 30 يوم فقــط
شهر يغفر الله به ذنوب عبدة ولو كان أكبر فاسق وأكبر عاصي بالدنيا
شهر فيه ليله أقسم الله بها انها خير من ألف شهر يعني مافيه اكبر من هذا الشي . بس خسارة أحنا تلهينا الدنيا وتلهينا القنوات ويلهينا السووووق والتجمعات اللي اغلبها مافيه فايدة , خلوني أقولكم على شي صار بحياتي وهو قفزة لي .

هذا يا طويلات العمر يوم كنت بالكليه الحمد لله كنت على قدر كبير جدا من الجمال والشياكه والذوق فما كنت أعرف أقرأ وردي ( يعني الأذكار ) فعلا كنت اروح طاقه الزين ولا أعرف أقرأ لدرجه صرت حديث الكليه القاصي والداني يعرفني والله يا بنات كنت أستانس لما أسمع طاري أحد يمدحني أو يشبهني على ممثله جميله كنت عاااايشه حياتي فترة الكليه كلها بس قبل التخرج بشهور جاتني حاله الله كان يعلم بحالتي وقتها .
كررررررهت الكليه وكرهت الدراسه لدرجة أمي تقولي خلاص أفصلوها أهم شي الصحه كنت أبكككككككي قبل لأروح للكليه . ذبلت لدرجه صرت كني هيكل عضمي أمشي . ملامحي تغيرت صرت وحدة الكل أستغرب من انقلابها فجأة وبدون مقدمات قعدت على هالحاله سنه وشهور يا بنات تغيييييرت ماصرت ذيك البنت اللي تحب الأجتماعات صرت أنسانه أنطوائيه .... ( والله دمعت عيني وأنا أتذكر معاناتي لأني بالعربي صرت مثل المريضه هذا غير نظرات الشفقه اللي أشوفها من الكل )
نكمل .. الحمد لله كملت أمتحاناتي اللي بعدها بتخرج وأنا بقمة تعبي مو بس تعب مذاكرة . تعب جسدي ونفسي .. الحمد لله اتخرجت وقعدت بالبيت وهنا تغيرحالي للأفضل بعد الله تعالى .
صرت أراجع عند الرقا وصرت أنسانه ملتزمه كنت أفتح النت وأدور عن شي يخليني أتعافى والله يابنات شي محبط أنك تشوفين نفسك مريضه وأنتي اللي كنتي كلك طموح وراسمه مستقبلك وتحلمين بأشياء وفجأة تلاقين نفسك مريضه ..
المهم .. مرة كنت أتصفح النت وأطيح على ذاك الموضوع اللي هز كياني أنقلبت حياتي للأفضل بعد الله سبحانه .. طبعا هو موضوع ديني اللي هو كيف تلجئين لربك وكيف تدعين ربك وكيف تستجاب دعواتك وكيف وكيف وكيف موووووضوع جاء بوقته لي قعدت أقرأ فيه وكان مضمونه أذا في بالك أمنيه أسجدي ولا تقومين من سجودك ألا وانتي قايله كل حاجه تبينها لربك لملك الملوك اللي يقول (( كن فيكون )) يابنات ما تتخيلون وش قد أثر فيني وكأنها جتني طاااااااقه فضيعه . كانت صاحبة الموضوع ( ربي يوفقها ويسهل امورها يارب ) كانت تقول أدعي ربببببببببببك ألحييييييييي بالدعاء ربي ما أبتلاك ألا انه يحبك . فكنت أقول بنفسي يالله يالله ربي يحبني معقوله وكنت أقرأ وانا ابكككككككككي وأقول لسجوددي بقيام الليل ياربي أشفيني ياربي اني مسني الضر وانت ارحم الراحمين ياربي اني ضعيفه ذليله لك ربي اني فقيرة لك وانت غني عني وعن العالمين . فكنت أعتكف بسجادتي ثلاث ساعات كانت أحلى أوقاتي كنت أشكي لربي كل مافي صدري ما أخلي اي شي لو شي تافه كنت اقوله بدون كلام مسجوع او أدعيه اخذها من النت كل شي من راسي
تدرون وش كنت اسوي يابنات ..
كنت أقرأ سورة البقرة كااااااااااااااامله بركعتين !! تعرفون شلون كنت أقوم للركعه الأولى وأقرأ بعد الحمد سورة البقرة الين صفحة 25 وبعدها اركع واسجد واقوم للركعه الثانيه واقرأ بعد الفاتحه الباقي من سورة البقرة واذا سجدت كنتي أبكككككككككككككي أقول ياربي أشفيني وأرزقني الشفاء وياربي أرزقني الوظيفه المباركه والله يابنات كانوا أهلي يتسغربون مني ... تغيرت لأني أبي أتغيرررررر ابي أكون مثل قبل كلي حمااااس ونشاط وطموح وكلي صحه وكلي جمال ..
كنت ودي أتصدق بس مرات مايكون عندي فلوس كنت أخذ الدجاج الباقي من غدانا واروح للقطاوة اللي بالحوش وأحطه عندهم صاروا يعرفوني القطاوة اذا جيتي ^_^ كنت أنويها صدقه

وربي يا بنات والله على ما اقول شهيد
بظرف سنه تشااااااااااااااااااافيت صرت أنا اللي أعرفها صرت انسانه مثل ماابي أكون وصرت أحلى من قبل بأشياء كثيرة تعلمت من التعب أشياء أحلى وأحلى دخلت دورات كنت أتمنى اني ادخلها
صرت أنسانه مثقفه صرت أقرأ لكتاب مشهورين عن البرمجه اللغويه العصبيه وطبقتها بحياتي وصرت أتقررررب لربي أكثر وأكثر وفعلا صار ربي قريب مني لأن العبد اذا تقرب لله خطوة ربي تقرب منه باع ..
كنت أقرأ على نفسي وأرش ملح أقرأ فيه البقرة والأذكار وكنت أتسبح فيه وأقرأ بزيت زيتون واتدهن فيه باليل اذا جيت بنام . خليت البقرة بجوالي اذا جيت بنام شغلتها ... أشياااااااااء كثيرة سويتها لله

بعد شفائي ولله الحمد جاني خبر وظيفتي .... ياي أشقد فرحت مع انها تعسرت شوي لأكني وكلت أمري للي ما تنام عينه وكنت وااااثقه اني ربي لو ما كتبها لي بيرزقني باللي أفضل منها ..
والحمد لله ربي كتبها لي وصرت بنت موظفه لها مكانتها بالمجتمع وصرت أكثر قربا لله وملتزمه ومثقفه لدرجه اللكل يحسبني أكبر من عمري ...... كنت أستغفررررررررر لين أنام وانا ما ادري عن نفسي

طولت عليكم صح
بس وربي ماكتبت الحكي هذا الا ابي منكم تنتفعون زي ما انتفعت
واهم شي الثقه بالله وحسن الظن بالله يابنات

انا للحين طامعه بكرم ربي الى اللحين ابي منه اشيااااااااااااااااااااااااء واشياااااااااااااااااااء واكيد انتم مثلي

عشان كذا فكرت بالموضوع هذا وقلت نحمس بعض ونكتب كل شي يصادفنا ويحمسنا عشان ربي يحقق امانينا ويرزقنا
أحنا مقبلين على شهر كريم كل سنه يجي مرة وحدة فقط ومدته زي ماقلت قبل ( 30 ) يوم فقط نبي بالثلاثين هذي مافيه تلفزيون مافيه قنوات مافيه اسواق الا للضرورة القصوى نبيها أستغفااااار x أستغفااااار
نبيها حسنااااااااااات
نبيها قرأءة قرآن
نبيها صدقه
نبيها تسبيح وتهليل وتكبير
ونبيها دعااااااااااااااااء لساعات كثيرة نبيها بس رفعة ايدين ضعيفات لملك الملوك
نبيها تحقيق أمنيات

والله يا بنات لو سوينا الطريقه هذي ما يجي العيد الا كل اللي تتمنيه عندك ومحصلته ..
بس نبغى الهمه واهم شي النيه الحلوة

بنات مانبي الشيطان يقص علينا .. اذا على المسلسلات تراها تنعاد بالسنه الفين مرة ممكن تشوفينها بعد رمضان
يابنات لا تشتكون للخلق أحنا ضعفاء ما بيدنا حل ولا نفع أحنا فقيرين أشكوا لرب العباد لملك الملوك والله لو اجتمع الخلق كله كله كله على ان يضروك ماراح يضروك الا اذا ربي أذن لهم
بنات ابطلب منك طلب .. ابيكم تطلعوا محاظرة اسمها (( أغنى فقير )) للشيخ عبد المحسن الأحمد مع الشبخ عادل عبد الجبار يا بنااااااااااات عمري ماسمعت مثلها عطتني أمل ما كنت أتصورة ...

بنات نبي الصفحه هذي نكتب فيها كل شي نسويه لتحقيق امنياتنا ..

أتمني موضوعي هذا يصير بكل المنتديات حتى تعم الفائدة وتفيق قلوب غافله ..

وربي أني أحبكم جميعا وابي لكم الخير
اتمنى هالموضوع ينثبت عشان ما يضيع بالصفحات

يلا نبدأ يا بنات ..

وينكم مو سامعه أصواتكم



لكم مودتي


منــــــــــــــــــــــــــــقـــــــــول للافــــــــــــــــــــــأدة

>>>>> ردود الأعضـــــــــــــــــــاء على الموضوع <<<<<
==================================


بارك الله فيك
تسلمين


__________________________________________________ __________

بـآركْ الله فيـكِ غآليتـي ...
فعـلآ التقـرب مـن الله رآحـة وشفـآء لكـل دآء ...
جـزآكِ الله خيـرآ حبيبتـي بـوركـتِ ...


__________________________________________________ __________

انسجمت عند القراءه والله عجبني گل گلمه گتبتيها
واللي قمتي فيه
ماشاء الله لاقوه الابالله
گلامگ اثر فيني گثير
صحيح نبغي نگون ونگون
ونبي احلامنا وامالنا تتحقق باذن الله تعالي
بالدعاء والاستغفار والصدقه وقراءه القراءن
حسيت حالي گني نايمه او گني بغفوه
وگلامگ الموثر صحي فيني اشياء گثيره
وقل ادعوني استجب لگم )
الله يرزقنا وياگ بالخير
الله يسعدگ
ماقصرتي
جداا جميل وراءع


__________________________________________________ __________

لا إله إلا الله محمد رسول الله


السعادة كل السعادة فى القرب من الله سبحانه و تعالى فكونوا على يقين أنه :


لا أحد أرحم بك من ربك
ولا أحد أعلم بهمك أكثر من ربك
ولا أحد يقدر على رفع الضر عنك إلا ربك


اللهـــم رُدَّنـا إليــك و إلى دينـك ردًّا صحيحـًا جميلاً
اللهـــم استخـــدمنـــا ولا تستبـدِل بنا قومًـا غيرنـا
اللهـــم يا مُقلب القلوبِ ثبِّـــت قلوبنا على دينـــك




جزاكى الله كل خير أختى
و ثبتكى على الحق دائماً
و أحسنتى الإختيار
مع التقييم











































































































__________________________________________________ __________

الله المستعان