عنوان الموضوع : لــــســـت خـــائـــنــه ...!! حياة زوجية
مقدم من طرف منتديات نساء الجزائر

لــــســـت خـــائـــنــه ...!!






لست خائنة

منقوله من موقع اخر هذه القصه
(1)

جلست دينا على احدى الطاولات بالنادي تشرب فنجانا من القهوه منتظره انتهاء تدريب السباحه الخاص بابنتها الوحيده يارا و قبل ان تنتهي من قهوتها جاءت يارا تركض باتجاهها قائله:
يارا:مامي.. مامي.. انا عمت لوحدي من غير بورد
دينا و هي تحتضن ابنتها:برافو يا حبيبة مامي
يارا:انا جعانه اوي
دينا:تعالي خدي شاور و غيري هدومك ونطلب الغدا
يارا:اوكيه
انطلقت يارا باتجاه غرف تبديل الملابس و خلفها دينا مبتسمه لكنها ابتسامه حزينه..................
بعد تناول الغداء اصطحبت دينا ابنتها و ذهبتها الى المنزل ابدلت دينا ملابس ابنتها و قامت بعمل الواجب المدرسي معها و قامت بتحضير حقيبتها و طلبت منها شرب كوبا من الحليب و غسل اسنانها و الذهاب للنوم :
دينا:يلا يا حبيبتي اشربي اللبن واغسلي سنانك و على السرير
يارا:مش هنام غير لما تحكيلي حدوته
دينا ضاحكه:بس كده حاضر عايزه حدوته ايه؟
يارا مفكره:مممممممممم ممكن سنو وايت
دينا :حاضر

و بعد مرور ساعه خلدت يارا الى النوم وذهبت دينا لغسل بعض الاكواب و الصحون وتجفيفها ثم قامت بترتيب المنزل و نظرت الى ساعة الحائط فقالت بصوت خافت:
دينا:عشر دقايق
دقت الساعة معلنة انها التاسعة مساءا فابتسمت دينا و توجهت الى جهاز الكومبيوتر الخاص بها و فتحته و على الفور جاءها اتصالا من حبيبها فؤاد...................



هكملكوا المره اللي جايه ان شاء الله

>>>>> ردود الأعضـــــــــــــــــــاء على الموضوع <<<<<
==================================



(2)

أجابت دينا على اتصال فؤاد بها وهي تبتسم ابتسامه هادئه:
دينا:ايوه يا فؤاد
فؤاد:ازيك يا دينا عامله ايه؟
دينا:الحمد لله, اخبار الشغل ايه؟
فؤاد:زي كل يوم , يارا نامت؟
دينا:ايوه الحمد لله
فؤاد:عملت ايه في تدريب السباحه؟
دينا:انهارده عامت من غير بورد
فؤاد:ما شاء الله
دينا:اتغديت؟
فؤاد:ايوه طلبنا أكل فالمكتب , و انتي؟
دينا:اتغدينا بيتزا فالنادي
فؤاد:قولي الحقيقه كلتي ولا بس اكلتي يارا؟
دينا:صدقني كلت
فؤاد:طيب احكيلي عملتي ايه انهارده؟
دينا:عادي وديت دينا المدرسة و روحت اشتريت طلبات البيت و بعد كده روحت جبتها من المدرسة و
طلعنا عالنادي خلصنا و رجعنا عملت الواجب و اتعشت ونامت وانا خلصت شغل البيت وقعدت
استناك عشان اطمن عليك.
فؤاد:و انا كمان والله عمال استنى الساعه تيجي 9 عشان اكلمك .... وحشتيني اوي
دينا: وانت كمان
و بدأت دينا في البكاء بصوت منخفض حتى لا يسمعها فؤاد.............
فؤاد:انتي بتعيطي ؟؟؟؟؟؟؟؟؟
دينا تحاول التماسك:لا ابدا
فؤاد:متضحكيش عليا
دينا:اصلي كنت مخنوقه شويه
فؤاد:اتكلمي معايا قوليلي ايه اللي حصل
دينا:تعبت يا فؤاد تعبت
فؤاد:معلش يا دينا عشان خاطر يارا استحملي
دينا:احساس الوحده احساس بشع
فؤاد:انا عارف و الله بس ادينا بنتكلم عالنت كل يوم مرتين
دينا:و هي حياتي هتبقى عالنت بس؟؟؟؟؟؟؟؟
فؤاد:هو ده قدرنا و لازم نقبله
دينا:بس انا تعبانه بجد
فؤاد:طيب افتحي الكاميرا
دينا:مش هينفع
فؤاد:ارجوكي يا دينا عايز اشوفك
دينا:مش هفتحها يا فؤاد
فؤاد:خلاص زي ما تحبي
دينا:هترجع البيت امتى؟
فؤاد:مش طايق ارجع خالص
دينا:ليه بس ؟
فؤاد:ما انتي عارفه الأرف اللي انا فيه
دينا:في مشكله جديده؟
فؤاد:ييييييه كتير بس المهم خلينا فيكي انت
دينا:انا خلاص بقيت كويسه
فؤاد:طب قولي بحبك
دينا:و بعدين معاك بقى؟
فؤاد:يعني مش هتقولي ؟
دينا بدلال انثوي رقيق:لأ مش قايله
فؤاد وهو يتنهد:بحبك يا دينا بحبك اوي
دينا بصدق:و انا كمان بحبك يا فؤاد بحبك اكتر من نفسي

ظلت دينا تحادث فؤاد حتى الساعة الحادية عشر وانهت الاتصال حتى تجبر فؤاد ان يذهب الى المنزل لينام فهو يخرج يوميا من الساعة السابعة صباحا و يعود عصرا ساعتين ثم يعود لمكتبه مرة اخرى حتى الساعة العاشرة فعمله مرهق للغايه و وافق فؤاد على انهاء الاتصال على وعد بأن يتحادثا مجددا الساعة التاسعة صباحا كالمعتاد.....................


ظلت دينا تتابع قناة اخبارية و هي تفكر في فؤاد و كيف احبته و تعلقت به و........... سمعت دينا باب شقتها يفتح فاعتدلت في جلستها و جاءها صوت من بعيد يقول:

دينا انتي نمتي؟؟؟؟؟؟؟؟






هكملكوا المره اللي جايه ان شاء الله


__________________________________________________ __________

(3)



دينا انتي نمتي؟؟؟
تنفست دينا بعمق حتى تهدأ وقامت لمقابلة زوجها اسماعيل:
دينا بصوت مرتعش:انا صاحيه يا اسماعيل
اسماعيل:البنت نامت؟
دينا:آه نامت من بدري
اسماعيل:طيب تعالي هنا
اقتربت منه دينا وهي تشعر بانفاسه تفوح منها رائحة الخمر و لمحت آثار لأحمر شفاه على ملابسه
دينا:نعم
اسماعيل:روحي حضريلي الحمام
دينا مرت بجانبه وهي ترتعش خوفا من ان يثور عليها كعادته كل يوم منذ زواجهما الذي مر عتليه عشر سنوت اثمر عن ابنتهما يارا والتي بسببها تحتمل دينا حياتها مع اسماعيل.............
اسماعيل:مالك احلويتي كده ليه؟؟
دينا:انا هحضرلك الحمام حالا
اسماعيل:لا .. لا .. تعالي عالسرير
دينا والدموع تتجمع في عينيها:بس......
اسماعيل:انتي عايزه تعصبيني ولا ايه؟
دينا:لا لا مش قصدي
اسماعيل بصوت مرتفع:امال مالك مش طايقاني كده ليه؟
دينا:اصلي عندي عذر
اسماعيل ساخرا:يييييييييه عذر ايه؟ و أرف ايه؟ ...غوري من وشي جاتك الأرف
دينا ودموعها تنهمر بغزاره:احضرلك تاكل؟
اسماعيل:مش عايز اطفح
ازاحها اسماعيل من طريقه مما افقدها توازنها و جعلها تسقط ارضا و هي تنتحب من قسوته معها
دخل اسماعيل الى غرفة النوم والقى بجسده عالسرير وغرق في سبات عميق دون ان يغير ثيابه او يخلع حذائه.............................


ظلت دينا على الأرض تبكي حظها العاثر الذي جعلها تتزوج من اسماعيل و ياله من حظ تذكرت دينا حياتها منذ عشر سنوات في بيت عمتها الوحيده سميره التي كانت تعيش دينا في بيتها بعد وفاة والديها في حادث و هي لم تكمل عامها الخامس عشر و تذكرت كيف كانت عمتها تعاملها كخادمه لها ولأولادها الثلاثة و قد كانت دينا تتحمل كل اهانتهم لها و مضايقاتهم لها و كيف كانت تنام احيانا و هي جائعه ولم تكن تشتري اي ملابس جديده بل كانت ترتدي ملابس عمتها القديمه و كيف ان عمتها قررت ألا تكمل دينا تعليمها الجامعي وتكتفي بالثانوية العامة واستمرت دينا في خدمة عمتها واولادها و زوجها..... ارتعش جسد دينا النحيل عند تذكرها زوج عمتها و ما كان يفعله بها عندما تكون بمفردها في المنزل و كيف كانت تبكي طوال الليل تدعو الله ان يحميها منه و قد استجاب الله لدعائها ذات يوم عندما كان يحاول مضايقتها من جديد لكن عمتها دخلت المنزل و فوجئت بزوجها موجود بالقرب من دينا و رأت الدموع تغطي وجه ابنة اخيها ففهمت ما يحدث ...... لكنها ظلت تصرخ في وجه دينا و تتهمها في أخلاقها و دينا تبكي ولا تستطيع الدفاع عن نفسها امام قسوة عمتها و نظرات زوج عمتها الساخرة ..... لن تنسى دينا هذا اليوم ابدااااااااااااا...............



و بعد مرور اسبوع على هذا اليوم المشؤوم جاءت عمتها اليها قائلة:
سميره:مبروك يا دينا
دينا رفعت عينيها البريئتين قائلة:على ايه يا طنط؟
سميره:انتي جالك عريس كويس اوي
دينا مستغربة:عريس؟ ليا انا؟
سميره بقسوة:ايه مالك؟ مش تحمدي ربنا ان في عريس رضي بيكي و انتي مش متعلمة و فقيره
دينا:بس يا طنط انا لسه مكملتش 18 سنة
سميره: وفيها ايه ؟ ما انا اتجوزت وانا عندي 15 سنه
دينا نظرت الى الأرض:اللي تشوفيه يا طنط

و خلال شهر تم زواجها من اسماعيل الذي لم تراه سوى مرتين احداهما يوم عقد قرانهما والاخرى يوم الزفاف.........
دينا دون ان تشعر:آآآآآآآآآآآآآآآآآآآآآآآه
قالتها دينا عندما تذكرت يوم زفافها الى اسماعيل........................................




هكملكوا المره اللي جايه ان شاء الله


__________________________________________________ __________

يلا وين التقييم والتشجيع لحتى كمل


__________________________________________________ __________

حلوووووووووه


__________________________________________________ __________

حلوة كمليها