عنوان الموضوع : زوجي غاضب مني وهو بعيد عني ماذا أفعل؟؟؟ حياة زوجية
مقدم من طرف منتديات نساء الجزائر

زوجي غاضب مني وهو بعيد عني ماذا أفعل؟؟؟






السلام عليكم عزيزاتي
أنا صارت معي مشكلة مع زوجي من يومين تصرفت تصرف غلط بدون علمه ورحت حكيتله هو طبعا مو غلط بحد ذاته لكن ماكان بدو ياني اتصرف فيه واستعجل وما كنت بعرف انو رح يتعصب كتير مشان الموضوع وهو طبعا مسافر بحكم عمله يعني ببلد تاني فلما خبرته عصب وصرخ وحكالي من قلك تعملي هيك وليش وكيف؟؟؟؟؟؟قام سكر التلفون بوجهي ماعد حكاني طول اليوم
هاد الحكي الخميس قلت لحالي بروق تاني يوم وكمان ولا اتصل فصرت اعمله رنات على الجوال ولا يرد علي ابدا ابدا وانشغل بالي كتتتتتتتتير وقضيت ايام ما بيعلم فيها غير الله من الزعل والبكى بعتلو مسج انو طمني عنك بعتلي انا بخيروالحمد لله ولا زاد وانا متعودة منه الكلام الحلو والحنون كان اول مرة بصير بينا هاد الشي
لحتى اليوم رنيت عليه وحاكاني على الماسنجر كم كلمة وقلتله احكي معي المسى حكالي انا لسه معصب ومالي مراق احكي حاولت اعتذر منه بس هو كان بدو يروح على الشغل ومستعجل وهلأ صار المسى ولا حاكاني يعني لسه غاضب مني ......
فشو اعمل شو ساوي كيف بدي اراضيه؟؟؟؟؟وخاصة انو بعيد عني وببلد تاني يعني لو كان عندي كان ممكن اعمل اشياء بترضيه متل سهرة او اي شي من هاد بس هلأ كيف يا ريت يا حبيباتي اللي عندها خبرة تحكيلي وتشور علي ببعض الامور حتى اطلع من هاد الوضع اللي انحطيت فيه واللي ما كان بالحسبان ولا على البال

>>>>> ردود الأعضـــــــــــــــــــاء على الموضوع <<<<<
==================================


الله يعينك اختي ،، اصبري عليه ليروق ممكن تصرفك زعله وما كان متوقعه بس هو بده يحسسك بالذنب وعدم الاستعجال ،، توكلي ع الله ، خليه يروق واطمني عليه ولا تأخذي ع خاطرك ، بكرة بيحكي معك وبيروق ،، الله يسر امرك ...


__________________________________________________ __________

ابعتيله عالماسنجر رسائل تفهميه موقفك واعتذارك حتى لو ما كان فاتح الماسنجر راح يصلوا لما هو يفتح
واكتبيله كلام حلو وانك اول مرة تعملي هيك وهي اخر مرة
ولو انتي قاصدة تزعليه ماكان خبرتيه،وانك عملتي هيك لانك بتحبيه .... ومن هالحكي.. مع اني مش عارفة شو السبب.. بس انتي سيدة الموقف..
وممكن تبعتي اعتذارك عالجوال
وبعدها ابعتيله رسالة حب
وأسأليه شو اللي بيرضيه وانتي من ايده هي لأيده هي...يعني مشي معه!!!
وان شاء الله ربنا بيوفقك


__________________________________________________ __________

رساله علي الجوال كلمات اعتذار رقيقه مع طلب السماح و كام كلمه حب حلوه من القلب و سبيه يرق شويه و ابعتيله مره كمان و ان شاء الله تعدي المشكله علي خير ربنا يصلح ليكي حالك


__________________________________________________ __________

حبيباتي اشكركم على الردود الجميلة وانا جربت اللي حكيتولي عنه بس لسه ما حاكاني
وانا لسة متضايقة ادعولي الله يصلح بيننا وتنحل هل المشكلة


__________________________________________________ __________

اعتذري له