أنا تطلقت
عنوان الموضوع : أنا تطلقت
مقدم من طرف منتديات نساء الجزائر
أنا تطلقت
مبارح رمى علي يمين الطلاق
و قبل بيوم طلب مني عمي -والد زوجي- انو انام عنده بالبيت عشان اذا في مجال نتصالح
مشان عمي وافق مع اني ما حبيت هالشي ابدن
لأنو اختلفنا و صواتنا عليت ع بعض و لأول مرة هالشي
بس اكتر ما دايقني انو لما رجعت من المحكمة كنت الحمد لله مرتاحة و مو متضايقة كتير
ولاقيت عماتي فكرتهم جايين يواسيني
ولا عمتي بتقول لي يا خوفي يكون طلاقكم من مشكلة بشرفك
معقول وحدة تتطلق بعد 10 شهور
يعني بعد سنة اهون اما 10 شهور ؟
لييييييييييييش فهموني؟ شو العلاقة بين المدة و الشرف؟
قلت لها مالي علاقة اذا كان ابن اخوكي حقير و دخلت ع الغرفة و ما طلعت لحتى رجعو ع بيتهم
بس مقهورة و الله كل القهر
شو ذنبي اذا زوجي خاين و ما احترم حقي و كرامتي ولا شرع الله
واذا عمتي عم تحكي عني هيك
شو بدو يحكي الغريب؟
لهلأ قاعدة افكر بشو صار
دموعي ما نشفت و الله ولا نمت الليل
يعني الطلاق عيب؟ مالنا لبعض و خلاص
بس مقهورة
الله بعين ادعولي من صالح الدعاء
ما لاقيت حدا افضفض له رح اطق و الله
>>>>> ردود الأعضـــــــــــــــــــاء على الموضوع <<<<<
==================================
حبيبتي الله يكون بعونك الله يصبرك
صلي صلاة الحاجه واستغفري ربنا
الله يعوضك بالي احسن يارب
__________________________________________________ __________
سبحان الله هذا دليل ان ربنا رايد لك الخير
بس بدك تقوي نفسك
الناس بدها شي تحكي فيه
وبدك تتحملي هالأزمة وآخرتها بتمرّ
وان شاء الله ربنا برزقك بخير منه ...
__________________________________________________ __________
لولو حبيبتي اسأل الله لك الصبر وان يعوضك خيرا مما اخذ منك
الطلاق امر شرعه الله وله حكم عظيمة
فاحيانا انفصال الزوجين عن بعض خير لكلاهما من بقائهما مع بعض
اما عمتك هذه التي تقول انها خايفه ان يكون الطلاق يتعلق بشرفك
فهي انسانة جاهلة لا تخاف الله
ولو كان هناك حكم اسلامي حيث تعيشين لجلدت على قذفك بهذه التهمة
ولو كنت مكانك لقلت لها انت ارتكبت اثم عظيم بقذفها المحصنات الغافلات
وكان الاحرى بك قبل قذفي ان تسألي عن سبب الطلاق
واقول لك اختي صبرك الله وابدلك خير من زوجك
فانه لا يستحقك ابدا
__________________________________________________ __________
الله يصبرك ويعوضك
عسى ان تكرهوا شيئا وهو خيرا لكم
ألجأي أختي لربنا بالصلاة والأستغفار مارح يضيعك
وفكري بايجابية ووقفي البكاء فورا الي باعك بيعه
__________________________________________________ __________
ابنتي الغالية
قولي اللهم اجرني في مصيبتي وعوضني خيرا منها
بالنسبة لعماتك قولولهم عيب عيب اتقوا الله وحسبي الله ونعم الوكيل
حبيبتي مارسي اي شغل اي دراسة وسلمي امرك لله
رد مع اقتباس
