عنوان الموضوع : كررررهته...وكرهت نفسي معاه ..
مقدم من طرف منتديات نساء الجزائر

كررررهته...وكرهت نفسي معاه ..






السلام عليكم ورحمة الله وبركاته
كيفكم ي بنات حواء ان شاءالله بخير.. وحشتوني كثير ..
اليوم انا جايه ومعي مشكله جديده مع الاخ زوجي وابي اعرضها عليكم واستفيد من نصائحكم
ومشورتكم لان يمكن اسمع منكم شي اكون غافله عنه .. وسامحوني لو طولت شوي..
المشكله انه قلب اسبوعين كنت شاكه اني حامل وبعدما سويت تست حمل وتحليل دم
طلعت فعلا حامل وتضايقت شوي لان ماكنت ابي الحين وكمان بنتي لساتها صغيره..
وصار يجيني خموول ونوم.. ويم كذا كان يوم خميس وزوجي ماعنده دوام صحيت على
اساس انه الصبح واناظر ف جوالي لقيتها 1:30 الظهر وعلى طول قمت وصليت ودخلت
اسوي الغداء قبل يصحى زوجي .. فجاه كذا لقيته صاحي وينادي وين الغداء قلت يلا
شوي ويجهز.. قال توك الحين تصحين وتسوينه ماتستحين على وجهك ..
قلت له ماانتبهت للوقت وبعدين انت توك صاحي والغداء ما بقى عليه الا شوي ..
قام يسب ويشتم فيني ويقول اصلا انتي بقره ماتفهمين شي انتي كسوله وخايسه
وعاجزه.. قلت له لا تكبر السالفه ما صار شي قال روحي بس ي بقره ماتعرفين
في بيتك شي.. انا طنشته ودخلت غرفتي قلت ماابي مشاكل ..والحين لنا اسبوعين
متزاعلين وكل شوي مافيه على لسانه الا بقره اذا طلع ورجع يقول يابقره وين العشاء
يابقره هاتي لي الجوال يا بقره جيبي لي مويه.. وانا كنت احاول اطنشه قد مااقدر
لاني اتضايق اذا صارت بينا مشاكل بس هو ابد ما يسكت طول الوقت مافيه على لسانه
الا هالكلمه ..وكنت كل يوم ادخل غرفتي وابكي الين ماادوخ من البكي وانام ..
بس اخر يوم زودها مره رجع من برا وقام ينادي بصوت عالي ي بقررره وينك
ي بقرره وين العشاء قلت صدق انك ماتستحي اسبوعين محترمتك ولا رديت عليك
وانت ماقدرت هالشي بس اذا انا بقره انت ثور وستين ثور واصلا الثور ما يتزوج
الا بقره.. قام عصب ومد ايده كان بيضربني بس انا بعدت عنه ورحت لغرفتي ..
وجلست ابكي مقهوره.. وثاني يوم كنا جالسين بس مانكلم بعض قال يلا ماتبين
تروحين لاهلك .. قلت الا بروح اسبوعين ماشفتهم..وقمت لبست ولبست بنتي ورحت
على اساس اروح لهم زياره بس لان اهلي ما يدرون عن مشكلتنا هذي .. والحين
لي يومين نايمه عند اهلي مااتصل ولا سأل وكنت متوقعه هالشي .. بس مطنشه لاني
كررهت بيتي بسببه.. والله العظيم اني صرت اكررره زوجي بسبب اسلوبه اخر مره..
كرهت حتى صوته وحسه فالبيت..
صحيح كثير قبل كذا تزاعلنا بس ماكان يقول لي هالكلام.. هالمره حسيت مابينا احترام
مااحترمني ابد ..
وهذا كل اللي صار .. عشان كذا ياليت لو تفيدوني ليه هالاسلوب سواه معي
هو يدري اني من النوع اللي اصحى بدري ولا عمره يوم من الايام رجع ولقاني نايمه
ولا احب يشوفني نايمه وهو موجود بس ذاك اليوم والله العظيم كنت تعبانه..
والحين يومين مخليني ف بيت اهلي رغم اني مرتاحه وافتكيت من حنته وكلامه وتجريحه
بس ماادري قلت يمكن قصده نبعد عن بعض شوي..
بليز شورو علي ولو نصيحه او دعوه تجبر الخاطر

>>>>> ردود الأعضـــــــــــــــــــاء على الموضوع <<<<<
==================================


تكفوون لا تطنشوني


__________________________________________________ __________

الله يهديه يااختي
ليه اسلوبه كذا مره مو تمام
بس انصحك لا تسكتين عنه مو بالهواش والمشاكل لا بالطرق الصحيحه
من حوار وسبر اغواره
لانه بيتعود وخاصة امام بنتك راح تشوف امها قدوتها
تنهان وترسخ في عقلها وراح هي كمان تعاملك بعدم احترام
ومو بعيد تنقل الكلام برا ابوي يقول لامي بقره طول الوقت
اشوفك ماشاء الله عليك صابره
خليك عند اهلك شوي تبعدوا وتهدا الاوضاع لكن اذا طول ولا جا وسألك اهلك قوليلهم
حتى بعدين مايحطون اللوم كله عليك لما تصير سالفه ثانيه لا قدر الله
ترى بعض الرجال مايبيله الا رجال يتفاهمون معاهم
واولي تجلسين معاه وتتكلمين وشوبخاطره وانك حامل والشهور الاولى متعبه ومرهقه
ومن هالكلام وادعي ربي يسخره لك
لكن لا تسكتين على موضوع الالفاظ الوسخه امام نفسك وامام بنتك
الله يهديه يارب

.


__________________________________________________ __________

الله يهديه ويعينك يارب


__________________________________________________ __________

الله يهديك انتي عذبة الاحساس ساكته له كل ها الوقت وهوا يقول يا بقره وكل يوم بصوت اعلى
اسمحيلي بصراحه انتي مخليته يتجرأء عليك ,, ليه وين شخصيتك ووين حلك للمشاكل
اكيد فيه كذا تجربه مريتي فيها جعلتك شخصيه ضعيفه في عينيه مما جعله يفصح عما في نفسه
انا لا اهيجك او احرضك علي زوجك ولكن اختي الرجل يحب المراءه الشخصيه القويه في الحل
ولا تسكت على اهانة نفسها ولا اعتقد ان هذا في منزلة الصبر ابدآ

على فكره انا لا اقول طولي لسانك عليه او ردي عليه بالمثل بس اكيد فيه اساليب
وطرق كثيره تجعل الاحترام والتقدير بين الزوجين
بدون السب ورفع الاصوات على بعضهم
نصيحتي اخبري من ترينه حكيم عندك
لتحل الامور بالافضل ويشعر بقيمتك
ويعتذر عن كلمة بقره
والله يهدي النفوس
وشكرآ


__________________________________________________ __________


حبيبتى خليكى عند اهلك وما تكلميه عشان يعرف انك استحملتيه بما فيه الكفايه ولابد من انه يعتذر ويحسن خطاءه عشان ما يرجع يكلمك بالاسلوب ده تانى ويعف يحترمك ويقدرك ؟
وسؤال انتى قولتى انك حامل ولا لا ولو قولتله المفروض كان عذرك وما هانك
وربى يصلح لكم الحال