عنوان الموضوع : ساعدوووني احبه ياناس قولو لي شسوي ؟ حياة زوجية
مقدم من طرف منتديات نساء الجزائر

ساعدوووني احبه ياناس قولو لي شسوي ؟






السلام عليكم و رحمة الله و بركاته
بدخل في الموضوع على طول انا متزوجة زواج تقليدي من سنتين وعندي طفل ساكنة في بيت أهل زوجي في الدور الثاني الحمد لله زوجي يحبني و يحترمني و اخلاقه جداً عالية مشكلتي من 6 شهور رجع اخوه اللي كان يدرس في الخارج وهذا اخوه ما عمري شفته لأن يوم تزوجت كان خارج البلد وما شفته ولا مرة المهم رجع ويا ليت ما رجع أول ما شفته و حطيت عيني في عينه حسيت بأحساس غريب ما عمري حسيته من قبل الصراحة كان مثل مواصفات فارس احلامي اللي كنت اتمناه قبل ما اتزوج اخوه لكني لما تقدم لي اخوه قلت بتوكل على الله وبوافق المهم كل شي فيه عجبني هو وسيم مرة و نظرة عيونه اللي كلها براءة و عضلاته و كشخته اللي كأنه رايح عرس وعطرة اللي يدوخني وطريقة لبسه ستايل مرة واخلاقه جداً عالية حبوووب و طيب وكريم وحنووون على الصغير و الكبيروكل البنات تحوم حواليه وبعد ما شفته انعفست صرت وايد افكر فيه و نظرات عيونه ما تفارق خيالي وطول الليل اقعد اصيح المشكلة اني لما اشوفه ما دري شيصير فيني يبين علي ومرة قال لي بطلب منك طلب اذا ما عليك كلافة طالعته و انا ارتجف قلت له تفضل قال لي ابغيك تكوين بنطلوني و قميصي لأن بطلع مع ربعي قلت له ان شاء الله و عطاني ملابسه و ابتسم لي و راح و انا ظليت ارتجف و قلبي يدق بسرعة وهو راح يتحمم و لما رجع علشان يآخذ ملابسه اللي انا كويتهم له شافني بالغلط قاعدة احضن ملابسة و اشمم فيهم و مغمضة عيوني هو تفاجأ قام يطالع فيني بنظرة استغراب وانا ذيك الحزة انحرجت وحسيت كأن بيغمى علي من الفشيلة المهم قلت له تفضل خذ ملابسك و ابتسم لي و قال لي مشكورة و مشى وبعدها قمت اتعمد اني ما اشوفه لأن اللي قاعدة اسويه حراااااام وتميت شهر احاول ما اشوفه وبعدها شافني و انا نازلة من الدرج قال لي وينك مختفية صار لي زمان ما شفتك وصار وجهي زي الطماطم ورجع قلبي يدق و حالتي حاله قلت له هني موجودة انت اللي ما تنشاف قال لي انا اللي ما انشاف ؟ انا كل يوم اسأل عنك انتي اللي ما تبينا وقام يبتسم وطلع برة البيت وانا انعفس حالي من جديد ما اقدر انام ما احب آكل ما احب اسوي شي بس ابغي اسمع اغاني و اتخيل عيونه والله مادري شسوي ياناس ادري اللي قاعدة اسويه غلط غلط غلط وحراااااام بس شسوي بموت والله بموت والله قاعدة اكتب و دموعي على خدي وقبل اسبوع ولدي الصغير كان طايح في الحوش و رحت له اركض وشلته و قام يصيح ما شفته الا مآخذنه من عندي ويقول لي ما عليه شر وقام يبوّس فيه ويطالعني وسكت ولدي في حضنه قال لي شفتي بس أخذته سكت وهو يمشي معاي علشان ندخل داخل البيت الا يقول لي وين أحمد الا هو زوجي قلت له طلع راح ملكة رفيقه قال لي اهاا وبعد ما رحت فوق شقتي بعدها بنص ساعه طق باب الشقة و فتحت له الباب الا مشتري لي و لزوجي ولولدي عشى كل شي اشتراه بيسبي ومشويات و سندويش قلت له ليش تكلف على روحك قال لي لا كلافة ولا شي و ابتسم لي و مشى ومن يومها و انا موطايقة اسوي شي طول الليل اسمع اغاني و ما احب اتكلم مع زوجي مع انه يكسر خاطري بس شسوي مو قادره ودائما مفهية وسرحانه مساعه شفته من دريشة شقتي اللي فوق قاعد في سيارته وسرحان حسيت اني ابغي اروح له و ابكي على صدره
يمكن تقولون عني مجنونة يمكن تقولون لي حرام اللي قاعدة تسوينه يا جماعة ادري ان حرام و ادري ان الله بيعاقبني عقاب شديد بس شسوي انصحوني ساعدوووني بموت احبه حيييييييييييييل

انتظركم

>>>>> ردود الأعضـــــــــــــــــــاء على الموضوع <<<<<
==================================


اسمحيلي ع قسووتي

بس اللي قااعده تعمليه غاط وحراام وراح تخربي بييتك

انتبهي لنفسك

الرسول عليه افضل الصلاه والسلام(( قال:الحمو الموووت))

ماحذر منه عليه الصلاه والسلام الا لعلمه انه خطر خطر

اختي حاولي تفكري بزووجك كثير وخليه هو محور اهتماامك
وحمااكي مرااح تستفيدي منه شي غيير خرااب بيتك
ومافي شي اسمه حبيتيه الحب مو كدا هذي بس نزوه وتعدي

واتقي الله في زوجك وولدك

واسفه عالاطااله والقسوه
بالتوفيق


__________________________________________________ __________

مشكورة يا قلبي وجزاك الله ألف خير

والله العظيم ماني عارفة شسوي بحالي الصراحة انا احس برغبة جنسية شديدة اتجاهه وآسفة على التعبير انصحوني شسوي شلون اقدر اتغلب على مشكلتي و انساه ساعدوني ما عندي احد غيركم اشكي له ادري ان الله بيعاقبني عقاااااب شديد بس انتو شورو علي عطوني حلول لمشكلتي


__________________________________________________ __________

وصل الموضوع للرغبه الجنسيه؟؟
ياعزيزتي اتركي بيت اهل زوجك فورا واستقلي بسكن انت وزوجك بعيد عن هالنار اللي راح تحرق الاخضر واليابس
وان قلتي انه ماممكن تستقلون بسكن انت وزوجك فاعلمي انه مافيه حل اخر غير هذا
كل هذا وانت تعرفين ان اللي تسويه عيب وحرام
طيب ايش بفكرك الحل اللي ممكن نعطيه لك؟
الحلال والحرام وانت عارفاهم
الصلاة والاستغفار وانت عارفاهم
حرمة اخو الزوج وانت تعرفيها
ايش اللي بيدنا نسويه لك غير اننا نصحك بالابتعاد عن هذا الجحيم؟؟
لاحول ولا قوة الا بالله العلي العظيم


تحياتييييييييييييييي


__________________________________________________ __________

والله العظيم بموت يمكن الموت اهون علي من العذاب اللي انا فيه


__________________________________________________ __________

لا استغفري ربك لا يا اختي زوجك انسان طيب وابن حلال لا تتركي الشيطان يلعب فيكي ويآخذ راحته
انتي غضي البصر غضي بصرك قد ما تقدرين واحتشمي بلبسك وادعي ربي انه يشيل عنك هذي المصيبه ربي يفرج كربتك وهمك وكل ما يخطر ببالك صدقيني قولي انا احبك يالله اكثر منه انا احب ربي
واشغلي نفسك بشي ثاني
حسبي الله على ابليس ما يترك احد من شره هذي وساوس الشيطان
انتبهي لاحد من اهل زوجك يلاحظ او هو يلاحظ بشي من تصرفاتك والله تطيحين من عيون الكل واوولهم ابنك
وبالنهايه هو اخو زوجك ومهما صار ماراح تجتمعون احنا مسلمين وعرب مو اجانب ومسلسلات تركيه
هذا الشي ما يصير اختي ربي يكفيك شر ابليس ويسخرك لزوجك يارب العالمين ويختم على قلبك
لا تسويين حركه او شي يغضب الله بعدين تهدمين بيتك وتجيبن المرض والجلطه لزوجك لا قدر الله وساعتها مافي احد راح ينفعك لانك راح تطيحين من عيون الكل اهلك واهل زوجك وابنك كل ما شفتي اخو زوجك اذكري ربك وقولي اللهم اشغل قلبي بحبك اللهم اني استودعتك قلبي فلا تجعل به احد سواك
وابعدي عنه قد ما تقدرين هذا ابليس شافك ضعفتي شوي صار يلعب لعبته ربي يكفينا شر ابليس واتباعه لانه مهمته يفرق بين المرء وزوجه

مثل ما قلتلك ادعي بقيام الليل وراح تلقين نفسك نسيته انتي اقنعي نفسك انك تحبين زوجك وهذا الشي مجرد وساوس شيطان
احتي رددي قول( لا حول ولا قوة إلا بالله ) ربي يغير حالك للأحسن
وصدقيني صلي قيام ليل او قبل لا تنامي واشكي لربك وادعي وبكرة تدعيلي وما تمر فترة بسيطه إلا وانتي تضحكين عنفسك من اللي سويته حنا بنات وفراغ عاطفي وننسى بيوم وليله فما بالك انتي وزوجك عندك ومو مقصر اغلقي كل ابواب ابليس لا تتركين مجال لابليس ينشر شره
وما اوصيكي اختي انتبهي لحركاتك ولتصرفاتك لا توقعين الله يخليكي وأحد ينتبهلك خليكي ثقيله وراكزه انتي زوجه وقبل كل هذا أم ..أم لطفل ابوه ما قصر معك بشي
هذا اختبار وامتحان من عند الله لازم تكونين قده

اللهم اختم على قلبها ويسر امرها وسخرلها لزوجها واجعله الوحيد بعينها واستر عليها وعلينا يارب العالمين