انا عايزه ارقص يسعدك ...اشيك اشيك اشيك.... -مجابة
عنوان الموضوع : انا عايزه ارقص يسعدك ...اشيك اشيك اشيك.... -مجابة
مقدم من طرف منتديات نساء الجزائر
انا عايزه ارقص يسعدك ...اشيك اشيك اشيك....
ازيكوا يا قمرات
يارب تكونو بخير وتمام
من غير رغي كتير
ندخل ف الموضوع
ايوه .... هز يا وز
ايوه هعلمكوا ازاي ترقصوا
ومحدش يقولي بتجرجرينا للزيله
لا دي مش رزيله
هتقوليلي فهمينا ازاي ؟؟؟؟؟
هقولك بسيطه خالص
اولا بسمع هنا ف القسم دا بالذات بتشتكي من ان زوجها زعلان منها
ليه
لانو طلب منها انها ترقصله وهيا اما بتكسف او مبتعرفش
او بتعرف بس خايفه ان زوجها يضحك عليها ويبقي شكلها وحش
او او او او اووووووووووووووووووووووووووووووووو حاجات كتير اوي
وساعات بلاقي ستات كتير بتقول ان جوزها
مضايق لانها بعد الجواز والولاده والحمل شكل جسمها اتغير
طب ليه بقا متبقيش رشيقة بهدف انك ترضي ربنا برضي جوزك عليكي
طيب مين فيكوا مكنتش قاعده جمب جوزها ف مره وهوا
بيتفرج علي التليفزيون وشاف فيلم فيه رقاصه مقلهاش نفسي تبقي كدا زيها
يرضيك جوزك يشيل زنب وتبقي انتي سببه
ليه متبقيش انتي احسن وترضيه وترضي ربك عشان
كدا معايا هخليكي ولا فيفي عبده ف زمانها بانانابانانا
اهداف الحمله :اخليكي ترضي ربك عن طريق رضا جوزك عليكي
هخليكي تخسي زي ما انتي عايزه من غير رجيم ولا رياضه ولا حرمان
هتتعلمي ازاي ترقصي وتبقي احسن من اي حد
هترضي ربك وجوزك
الاشتراك مفتوح يا قمراتي
وتابعوووونى
>>>>> ردود الأعضـــــــــــــــــــاء على الموضوع <<<<<
==================================
"الدرس الاول"
اولا كدا يا قمرات ايه هيا مقومات الرقص؟
هقولكوا اول حاجه الاغراء... ازاي؟
الستات ربنا رزقها بمفاتن كثيرة وضعت فيها لكى تجذب الرجل لها وكل خلق لما هو له
فالمراة انثى فعليك ايتها الانثى ان تستخرجى انوثتك من مكمنها لزوجك او لنفسك عشان
تخففي من الضغط عليكي
والرقص احدى واهم اسلحة الانثى فى الاغراء .............
فى الفترة الاخيرة اشتهر وجود عدد كبير من مدربى الرقص الرجال ويقومون بتدريب
رااائع ولكن انظروا لرجل يرقص رقصة شرقية وامراة لا تجيد حتى
الرقص ولكنها تتحرك ايهما اكثر اثارة؟؟؟
منطقيا المراة لذلك احببت ان ابدا معاكم دورة تدريبة فى الرقص الشرقى وكذلك نضيف
دورة اخرى للرقص الاغرائى للزوج طبعا وهذه الدورة متوقفة بالتاكيد على رغبتكم
نبدأ
انطلاق
يارب وفقني ووفق البنات
الغلابه اللي هترقص معايا واديهم الصحه والنفس
ساكته ليه ياقمر انتي وهي قولي
أأأأأأأأأأأأأأأأأأأأأمين
حبيباتى نستعد باذن الله نبدا بالنية
نقسم اننا نتعلم من أجل ازواجنا احبباب قلبنا
حتى لايبصوا بره ولا نحرمهم مننا ولا من جمالنا ورقصنا
كلنا نرفع شعار انا انثى ..وقعدتى ونسة..ومعايا يازوجى هترمى همومك وتنسى...
كل حاجة الا انت طبعا
اول حاجة ياحلوين الثقة بالنفس
يعنى ايه يعنى انا واحدة واثقة فى نفسى انى حلوة مش حلوة بس ده انا اجنن واعجب
الباشا ""طبعا الباشا ده جوز حضرتنا""
ليه بقول ثقة هقولكم عشان ممكن يكون جسمك زايد الوزن وهتقولى لفسك
ارقص له ازاى وانا جسمى مش متضبط كده اقولك ولا يهمك ثقتك بنفسك هتحل الازمة
بس خلى بالك لازم تعملى كنترول على الوزن ولا تقولى لما اخس هابقى ارقص
لا لا لا لا ارقصى انت وهتخسى وتبقى 100 100
الدلع والرقة
يعنى هو الرقص ايه غير دلع
هزة يمين وهزة شمال بس
كتف يمين كده وكتف شمال
الاحساس بالموسيقى
ودنك معاها على طول والموسيقى لها عامل كبير برده فى الانطلاق واستخراج المواهب
المكبوتة يعنى
متجيش تجيبلى موسيقى عسكرية وترقصى لا طبعا
ده فن وتكتكة وهنعرف ده من الابره للصاروخ
الملابس
مش شرط تلبسى بدلة رقص صريحة دى حتى الراقصات دلوقتى مبيلبسوهاش اى ميكرو
جيب على قميص قصير او شورت ... واشتغلى ..........
نكمل ................
=================
حبايبى الحلوين
نتفق علي مبدأ كدا ان مفيش واحدة بنوتة مبتعرفش ترقص يعنى ايه الكلام ده
يعنى بما اننا بنوتات حلوات عسلات سكرات نمتلك من المؤهلات ماتجعلنا بارعات
اديكى الحلوين دول بيعرفوا يرقصوا
رجليلكى بتعرف ترقص
ولا منطقة وسط البلد ياعينى على وسط البلد اتفرجوا عليه مع الطبلة ....دوم تك دوم تك
ولا لما تطلعوا فوق شوية كده من وانتى نازلة بعد رقبتك
منطقة استراتيجية بحته وفيها العب والفن كله والاغراااااااء طبعا فاهمينى بس الرقابة
تمنع
بصوا بقى هنتعلم حركات واحدة واحدة وبعدين نركبهم على بعض ويبقوا رقصة واحدة
ياشاطرين حلو الكلام
نبدا
دلوقتى مش احنا دايما بنقول لما بنسمع خبر حلو انا قلبى بيرقص من الفرحة
صح وتسمعوا ناس تقول ده انا اول مااسمع الطبلة من هنا وسطى بيسيب لوحده
الرقص حركة كل حاجة فيكى بتتحرك وفى نفس الوقت تعبيبر
يعنى لو الاغنية مفرحة والحالة النفسية بتكون مبهجة
ولو الاغنية حزينة وانتوا عارفين فيه اغانى برده بيترقص عليها كده وبتيجى على الجرح
بتكون العكس
يعنى متجيش واحدة مثلا ترقص على اغنية حزينة وهى ملامح وشها مبسوط متركبش ولا
العكس
يعنى مترقصيش على اغنية هشتكة وبشتكة وانت مكشرة
سيبى نفسك وفكيها على الاخر الابتسامة الناعمة الحلوة "اغراء"
العين برده هترقص معانا"ملهاش نفس ولا ايه" بغمزة حلوة بتسبيلة للرموش "اه ياواد
ياتقيل"
وكانك بتقولى له هخليك تاكلنى بعنيك
فاهمين اللغة دى ولا لا "اشارات الحب والاغراء"
الشفايف برده زى ما بتبتسم بتقدر برده تضميها شوية وتلقى بقبلة على الهوا للعاشق
الولهان
او تعضى على شفايفك عضة خفيفة كده قمة الاغراء وانت بتتمايلى باه ايييييييه ياعينى
عليه
كل حاجة فى الجسم لازم تكون معبرة وليها وظيفة فى الرقصة بحسب الموسيقى
يلا قفوا معتدلين الجسم ممشوقى القامة
واحد
اتنين
تلاتة
حركات الكتف ارفعى كتفك بدلع ورجعيه على ورا كانك بتعملى دايره صغيرة بيه على الهوا
طبعا
الكتف اليمين الاول
وبعدين الشمال نفس الحركة
وبعدين الاتنين مع بعض مرة على مرة هتتقنيها عاوزة اقولكم انكم ممكن تعملوا ده حتى
وانتوا وافقين فى
المطبخ دى حتى حركة تفك العضلات يلا كرورها
عاوزين مرونة اهم حاجة فى الرقص المروووووونة والليونة عشان حركاتك تكون طبيبعة
ومش
متكلفة تمام كده
كل الحركات دى وكانت اديك جمبك ....... يلا طلعيها واحدة واحدة
الايد اليمن الاول حركيها وبعدين طلعيها لفوق واديكى الشمال تحصلها هى هتستنى جمبك
تعمل ايه يلا
بنفس الحركة
الايد بتتحرك زى موج البحر وبعدين ايدك الاتنين فوق راسك وهما بيتحركوا
ثبتيهم بقى دقيقة وفى الدقيقة دى راسك تكون بتطلع لقدام سم وترجعة فى خفة وسرعه
الجزء اللى اتكلمت فيه ده يعتبر بداية فى الرقصة الشرقية
اول ما بتهل علينا الست الراقصة الزميلة الفاضلة والموسيقى بتعمل تيش تتش تتش تتش
راااا
واحيانا بتكون داخلة بايشارب برده هنعرف ازاى ممكن نرقص بيه وهنحدفه برده على اللى
عليه القصد والنية ههههههههههه الزوج طبعاااا
ونجيبه يرقص جمبنا برده هو اشمعنى يعنى احنا بس ولا ايه
القادم مذهل اكثر
ونكمل.................
__________________________________________________ __________
ودا الدرس الرابع عملي
Belly Dance Lesson #3 - learn dancing lessons - YouTube
ودا فيديو تاني للدرس الاول خالص
بناتي الحلوين المقطقطين الموزز الجامدين اللي هيبقوا علي العيد احسن رقاصين
__________________________________________________ __________
نكمل ياحلوين
بداية الرقصة لو بالايشارب مثلا
يااما ابو الشباب بيكون قاعد مستنيكى وانتى بقى قايله له قبلها اقعد استنانانى انا جاية اقعد معاك وتدخلى
عليه مع انغام الموسيقى طبعا وتشغليها قبل ما تطلعى له ده اكيد ويكون الايشارب فى ايدكى الاتنين وورا ظهرك
...وراه ظهرك اكيد مش هتمسكية قدامك مش هتروحى تنشرى على الحبل طبعا
تمسكى بطرف الايشارب الاخير من الجهيتين امسكى كويس احسن يقع وتبقى حوسة اصل لسة هنلف بيه شوية كده
تمام وهتدخلى بقى عليه برجلك اليمين........
وايدكى الاتنين مساكين الاشارب مع تحريك الذراعين حركة موج البحر دخلتى بالسلامة
قدامه ياحلوة واقفى بس مش قدامه تلصقى فيه خلى مسافة مناسبة يعنى تبقى فى نص الاوضه مثلا
وياسلام لو تطلعى ترقصى فوق السرير.........ميه ميه
اوقفى كده لفى ذراعيك لحد مايجوا قدامك وهما فيهم الايشارب طبعا كده تبقى قفلتى على نفسك ياحلوة
وحركى كتافك زى ماتفقنا نص دايرة وارجعى افتحى ذراعك بالايشارب وحشتيه يلا فرجيه على الجمال
والدلال وبعدين ايدك للجمب مع الحركة بلايشارب وبعدين على فوق مع الحركة نزلي ايديكى وروحى على ابو الشباب قربيه ليكى بالايشارب
ومتفهمونيش غلط كملى رقص يلا...
او انك بتكونى قاعدة على ركبة ونص ومستخبية ورا الايشارب وقافلة اديكى الاتنين قدامك
وتبداى افتحى ايد وراها التانية وتقومى بدلع واحدة واحدة وتعملى نفس الحركات اللى قولنا عليها بالكتف والايدين
فكرة الرقص للزوج
عزيزتى الزوجة مكسوفة ترقصى لزوجك حلالك
الكسوف لا ينفع ولا يفيد تعالوا نسيبه على جمب ونتكلم كلام
عاوزة تحلوى فى عين جوزك اكتر واكتر
يبقى لازم تدلعيه حتى لو هو بيقول مبحبش الدلع
ارقصى له حتى لو بيقولك مبحبش الرقص
تفتكروا انهاردة زى من كام سنة كده
الحال بقى غير الحال بس الراجل هو الراجل
اديكوا دليل سى السيد اللى مشييييب امينة شوفتوا كان اسد ازاى فى بيته ومع الناس وكان فى نفس
الوقت بيحب الدلع والسهر
الراجل ايا كان بيحب الدلع كافية اللى ممكن يشوفه فى الشارع
او فى شغله او على احدى القنوات التليفزيونية
نتفق
بحب جوزى ابقى بغير عليه انه يشوف ده من حد غيرى
اسعده لانه حلالى وربنا هيسالنى عليه
اللى متعرفش ترقص تتعلم
واللى تعرف ومكسوفة
تترك الخجل على جمب شوية
وتنسى انها قدام زوجها يمكن يمشى الخجل شوية
ولما هيتفاعل معاكى انتى هتنسى الخجل وهتندمجى هى بس اول خطوة
ااقدم لكم افكارى المتواضعة لليل راقص:
ممكن لو الزوج خارج البيت تجهزى وتوضبى موسيقى حلوة
تكونى بتحبيها وحلوة كده من اللى بترقص لوحدها دى
وتجهزيها فى الكاسيت يادوب على التشغيل
واهم حاجة فى الرقص حركات الدلع واللبس
والله قدرتى تجيبى بدلة رقص كان بها هتبقى فكرة مجنونة ليه قوى
اللى مش هتقدر تجيب بدلة رقص وتتكسف تختار من ملابسها ماهو ضيق او شفاف من
الاخر شئ مناسب
للرقص ويكون مغرى لان الاغراء من عوامل الرقص الناجح للزوج
وتجهزى نفسك تاخدى شور وتتعطرى وتحطى ميكب واول ما يجى
متخليهوش يشوفك استنى لما يقعد واطفى النور وخلى اضاءة حلوة وشغلى الكاست واطلعى له
وممكن برده لو كان زوجك مش بيخرج من البيت تجهزى انتى وتطلعى له تفجئية وكل واحدة وشطارتها
اهم شى حطى فى دماغك ان الزوج ده نعمة من ربنا يجب ان نشكره عليها ونتفنن فى اسعاده
بنااااااااااااااااااااااات
عاوزين نرفع شعار الاكتفاء الذااتى فى البيت مراتى يامراتى ياللى فيكي كل ملذاتى مفطرانى ومغديانى وعلى واحدة ونص مرقصانى
مش عاوزه كسوف
"هزى ياوزة"
نكمل المفيد
حبيباتى الحلوين ماتيجوا نرقص جاهزين يلا بينا ورانا تمارين وحركااااااااااااااااات
بسم الله نبدا::
ملحوظة هتسهل لنا كتير
انتى بنوتة امورة حلوة دلوعة يلا ادلعى ياحلوة
فكى جسمك ارخى عضلاتك متتصنعيش حركاتك
عاوزين مررررررررررونة وخفة فى الحركة
الموسيقى اللى يترقص عليها طبعا موسيقى روشة من اللى بترقص لوحدها هتلاقى نفسك
فى مود حلو بتتحركى مع الموسيقى ودنك معاها وحركاتك هتكون على اساسها تمام
__________________________________________________ __________
الرقص حركاته كتتتتتتتتتتتير قوى قوى وممكن انك تبدعى كمان انتى ودلالك ياقمر
كلنا بنسقع فى الجو البرد بس الرعشة دى غير غييييييييير
منهم::
الرعشة:
دى رعشة دلع كل جسمك فيها بيتحرك
عارفين فيبريشن الموبيل اهو ده
اوقفى ظهرك مفرود وابتدى اتحركى فى مكانك كل حاجة فيكى بتتهز فى مكانك حاولى دى سهلة قوى
ااقولك قولى لنفسك سقعانة بس دى رعشة دلع كلك بيتفض بس واحدة واحدة ونعلى لحد ماتكون اقوى حاجة سهلة كده....؟
حركة تانية:
التقسيم
نخلينا حقانين ونقسم قسمة العدل ماشى...
ازاى الحركة دى نقوم نقف فاردين ظهرنا رجلنا ثابته على الارض لفى بوسطك ياحلوة نص دايرة يمين
وقلنا نكون حقانين ونص شمال
نص دايرة يمين ونص دايرة شمال
يلا بقى لفة كاملة دايرة
تعرفوا الفة ازاى ولا لا
نوضح للى مش فاهم اللفة دى زى مااتفقنا واقفين مفرودين
بحرك وسطى وانا رجلى ثابته على الارض اعمل بيه نص داايرة وانا فى مكانى بلف بيه على محيطة هو نفسه
واللفة الكاملة بلف على وسطى كله من ورا لقدام
وممكن واحنا بنعمل اللفة دى نتحرك فى مكانا يعنى نشيل الرجل مفيش سنيمتر من على الارض واحطها تانى
فاهمين لحد كده ولا ايه النظام....
عموما اللى مش هيفهم حاجة يسال فيها ياشطار
الطبلة::
نعنوشة الرقص الشرقى وعلى واحدة ونص يلا نرقص
يترقص عليها ازاى
واحدة شمال وواحدة يمين يعنى وانا برده واقفة ثابته فى مكانى يدوب بحدف وسطى مرة شمال ومرة يمين كانك بتزقى حد واقف جمبك بس بدلع وبمنتهى المرونة يلا بينا واحدة شمال وواحدة يمين
واحيانا الموسيقى تتطلب واحدة يمين وواتنين شمال ورا بعض او العكس
وانا بحرك وسطى يمين وشمال واحدة واحدة احاول انزل بوسطى وانا برده مستمرة واحدة واحدة لتحت
حركة كمان
وبنفس الطريقة اطلع
دى بقى الطالعة والنزلة بس على السلم الراقص قدرتى تنزلى للارض فى الاول فيه ناس بيكون صعب عليها بس بالتعود بيبقي ماشى الحال
قدرتى اقعدى على ركبتك وجسمك من فوق ظهرك مرفوع واحدة يمين وواحدة شمال
وبنفس طريقة الطالعة والنازلة بطلع من قعدتى حلو الكلام...
حركة كمااااان
حركات الايد افردى ايدكى الاتنين قدامك وحركيهم دايرة طبعا كل ايد لوحدها سهلة دى مش كده حركة تانية من حركات الايد
افردى ايديكى الاتنين جمبك واتحركى شوية يمين شوية شمال بيهم وهما مرفودين وظهرك مفرود ورجلك على الارض
حركة تالتة قربى ايدكى نحية صدرك شوية وانتى تانيهم وكف ايديك مفرود وحركى ايديكى واتحركى بصدرك وكتفك لقدام ولورا
تعبتوا كفاية لحد كده طيب احفظوا دول ولو فهمتوا الشرح طبقوا واللى فيه حاجة مش فاهمة ويحب تتوضح اكتر يقول....
[/SIZE]
__________________________________________________ __________
ودا الدرس الرابع عملي
Belly Dance Lesson #3 - learn dancing lessons - YouTube
ودا فيديو تاني للدرس الاول خالص
Belly Dance Lesson #1 - BellyDanceBoulevard.com dancing lessons - YouTube
يارب التطبيق يكون سهل عليكوا يا قمراتي ولو اي حاجه او اي استفسار انا موجوده اهو
ومفاجأه النهارده الفيديو اللي انا بتدرب عليه بقالي فتره واللي معلمني الرقص اهو
Belly Dance Clips - Sadie - رقص شرقى - YouTube
رد مع اقتباس
