عنوان الموضوع : زوجها والزوجه الثانيه حياة اسرية
مقدم من طرف منتديات نساء الجزائر

زوجها والزوجه الثانيه






هااااااااااي , كيفكم
اليوم يا بنات ابيكم تسون معروف لي بسيييييط وما راح انساه ابدا وهو انكم تدعوا ل(منى) ان الله يخفف من معاناتها الي تعانيها من زوجها .
تخيلوا انه يشتري لزوجته الثانيه اي فون وهي يشتريلها تلفون نوكي (ابو ليت ) وحتى انه يوم امس كان في عزيمه ببيت عمتي عزمت كل الحريم الي تعرفهم ومنهم (منى)والعزيمه كانت بالعصر وزوجها وداها بالظهر بس تنحرج وجا شالها قبل العصر عشان ما تجلس مع الحريم الباقيات وعشان يجيب زوجته الثانيه تجلس معاهم وما تضايق منها.
وكل يوم صراخ ومشاكل هي وهو حتى انها عندها ولد فيه حاله نفسيه اول ما يسمع الصراخ يطلع من البيت ويهرب اي مكان وفي مره تطورت المشاكل ببيتهم هرب من البيت لمدت 3 اسابيع وما يعرفوا عنه خبر وحتى كان ابوه مسافر ورد لديره عشان يدوره واخر شي يلقوه بالحديقه .
وهي ما شاء الله محترمه وطيبه ولو تشوفوا وجهها ما شاء الله يشع نور وعيالها ما شاء الله مؤدبين ومحترمين عندها سبعه 4 اولاد 3 بنات واكبرهم عمره 20 سنه . الاولاد ما شاء الله عليهم يطلعوا المسجد يصلوا بدون ما تقلهم وعندها ولد ختم القران ما شاء الله وبناتها مؤدبات ويستحوا كثيييير .
بس الله ما يرضى على اي احد
بيجي يوم وبيندم على الي يسويه
بس انا طلبتكم ولا تردولي طلبي بلييييييييييييييييز ادعولها

>>>>> ردود الأعضـــــــــــــــــــاء على الموضوع <<<<<
==================================


الله يفرج عليها وعلى كل مظلوم وين العدل بين الزوجات مو كافي انه قهرها واتزوج ....الله يعينها


__________________________________________________ __________

اكره الزوجات الثانيات الي من هذا النوع


__________________________________________________ __________

الله اكبر
يارب اهدي زوج منى لها وسخره لها ولاولادها
وأّلف بينها وبين زوجها كما اّلفت بين الثلج والنار
ورده لها مرداّ حميدا يارب ياكريم
ويصبرها يارب


__________________________________________________ __________

يووووه وووين العدل ياااربي الله يفرج همها ويعينها وان شاء الله يعوضونها اولادها يااارب


__________________________________________________ __________

امين يارب والله انها مظلومه ما في عدل حتى الكلمه الطيبه ما يقولها تصدقوا وهي زوجته صارلها
معاه سنين الله يعينها ويعين كل مظلوم يارب
شكرا على مروركم