ماذا اقول لك يازوجي الغائب...... -لحياة سعيدة
عنوان الموضوع : ماذا اقول لك يازوجي الغائب...... -لحياة سعيدة
مقدم من طرف منتديات نساء الجزائر
ماذا اقول لك يازوجي الغائب......
السلام عليكم ورحمة الله
حبيباتي
اخواتي في منتداي الحبيب
وفي منتدى الحياة الزوجية خاصة
اريد مساعدتكم
زوجي مسافر
وانتم عارفين طبعا التعامل بيكون ازاي
لولا التواصل البسيط في التليفون او الرسايل او المسنجر
زمان التواصل انقطع
والبعيد عن العين...... بلاش اكمل قلبي بيوجعني
لاحظت انه بيفرح قوي لما اكتبله كلمة كلمة في المسنجر
او ابعتله رسالة في وقت شغله او وقت انتهاء دوامه
بس ساعات مالقيش حاجة اقولها افرحه بيها او رسالة حلوة ابعتهاله
ولو عبارة
ساعات والله من البعد الحزن يغلبني ويسيطر عليوالاقي نفسي مش لا قية عبارة حلوة جديدة تحسسو اني مشتقاله ومنتظرة رجوعه
واخاف اقول عبارة وتكون حزينة تنكد عليه
وهو مش ناقص ياعيني
كفاية عليه مستحمل مرارة الغربة
محتاج الي يهون عنه مش يزود حزنه
الله المستعان
ياريت تساعدوني برسايل حلوة او عبارات بين الازواج
او رسايل صباحة وحركات من ده
ولكم الاجر اولا
وثانيا كل وحدة ساعدتني ليها دعوة صادقة بضهر الغيب
>>>>> ردود الأعضـــــــــــــــــــاء على الموضوع <<<<<
==================================
حببتي انا كمان زوجي مسافر بقاله 6 شهور
الله يعينك ويعنا كلنا على مرارة الغربه
انا بجد مش عرفه انصحك لان انا عوزة الي ينصحني
كنت في الاول بهورن عليه
واقوله معلش وان شاء الله قريب هنبقا مع بعض ويوميها هنسيك كل البعد ده وهبقا اقرب واحده ليك
معلش استحمل عشان مستقبلنا
لاكن دلوقتي انا وصلت لمرحله عوزة الي يصبرني انا لدرجه انى بقيت اقوله ارجع وابكي كتييييييييييير
ومش مستحمله
اي حاجه
يمكن اكون بكتبلك الرساله دي وانا ببكي لانو وحشني كتير
ربنا معاكي وتتحملى مرارة الغربه لان مش هما بس الي متغربين احنا في بيتنا ومن غيرهم بردو احنا كمان في غربه
معلش لو كنت طولت عليكي
كل الى اقدر اقولهولك
صلي وادعي ان ربنا يهون الايام دي ويعديها على خير ويرجعلك سالم غانم باذن الله
وابقى طمنيني عليكي ياقمر
__________________________________________________ __________
ياحبيبتي يامارو خليتيني اعيط
بجد ماقدرتش امسك دموعي
ربنا يصبرنا
عارفة
جوزي مسافر من 4 شهور وفاضله 4 شهور تانيين
يعني فاتت نص المدة
قبل مايسافر قعد يقولي الغربة صعبة واخاف ماتستحمليش
قلتله ان شاء الله حستحمل
قالي حكون متغير معاكي وكلامنا حيكون متغير استحمليني شغلي صعب وفيه ضغط ومشاكل
قلتله ياحبيبي لو انا ماستحملتكش مين حيستحملك
قلتله حكون ليك القلب الحنين والصدر الرحب حتى لو اتغيرت او اتعصبت حستحمل عشان عارفة انه ده من الغربة انما انت مش كدة
وراحت الايام وعرفت فعلا كان بيقولي كدة ليه
عشان بجد كان صعب ولقيت نفسي مش قادرة اوفي بوعدي
كنت بقعد اعييييييييييييييييط
وحاسة اني وحيدة في الدنيا ده
وخايفااااااااااااا
وحاسة بفراغ فضيع
وحاسة ان الحياة بالنسبالي انتهت
وكل ماكلمه الاقي نفسي مش قادرة اتكلم من كتر العياط
وساعات ازعله ويرجع هو الي يصالحني
واخلفت لوعدي ليه اني حصبر وحستحمل ولقيته هو الي بيستحملني مش انا
بجد حسيت نفسي اكتر وحدة مقصرة عشان ماستحملتش غيابه وده اثر على حاجات كتير
والله مكسوفة من نفسي قوي قدامه
طلعت عيلة
الله المستعان
هنا وهنا بس بدأت افوق لنفسي واقول الراجل كفاية عليه الي هو فيه
وبدأت اشغل نفسي بحاجات كتير عشان ماسيبش نفسي للحزن واشيل عنه بدل مازودله
سعيدة جدا بردك يامارو بجد خففتي عني
ابقي اسألي عليا بقى وطمنيني
__________________________________________________ __________
ايه مفيش اي تفاعل !!!!! 
__________________________________________________ __________
تقريبا كده انا وانتى بس الي ازواجنا مسااااااااااافرة
هههههههههههههههههههههههههه
ربنا يهنيهم يارب
بس ولا كلمه حلوة يصبرونا بيها
يلااااااااااااااااااااااا
في الاخر ملناش غير بعضينا
هههههههههههه
بس قوليلي زوجك هيرجع امته من السفر
ويرجعلك بالف خير ان شاء الله
__________________________________________________ __________
الله يرجع لكم ازواجكم وتفرحوا بيهم ويعينكم ع فرقاهم................الله يرزقكم بالذريه...........امين
رد مع اقتباس
