كيف تفتحين حوار ناجح مع شريك حياتك حياة زوجية
عنوان الموضوع : كيف تفتحين حوار ناجح مع شريك حياتك حياة زوجية
مقدم من طرف منتديات نساء الجزائر
كيف تفتحين حوار ناجح مع شريك حياتك
السلام عليكم ورحمة الله وبركاته
كيف تفتحين حوار ناجح مع زوجك
حاولت اختصر الموضوع
حتى لااثقل عليكم بالقراءه
زوجك مايتكلم وطول الوقت على التلفزيون او الاب
عندي لك طرق حلوه وصراحه يا جماعه يبي لها شوية صبر وممارسه
يعني اذا زوجك صامت سنين عادي لو جربتي طريقتي شهر او شهرين
بس صدقيني ب تجنين ثمارها اكيد
الازواج بصفه خاصه والرجال عموما
مايحبون الكلام الكثير
وانتي تناقشينه في أي موضوع لازم تختصري
كلامك مو تقعدين تتكلمين ساعه وتتنفسين دقيقه
كذا يمل منك ويصدع راسه لأنك ثرثرتي كثير واكثرها ....اعاده
لاكن تكلمي بصوت واطي واحترام وادب
واعطيه فرصه يعلق على كلامك حتى لو هز براسه معناها وصل له المسج
واذا هو فتح سالفه معك لا تقاطعينه ولا تنشغلي بشي ثاني
غير سماع ومتابعة
لحديثه
وتواصلي معه بالعيون وهز الراس مو تكوني هزاز
لا !..بس تعطينه ايحاء انك, متابعه
واستخدمي كلمتين
ايوه.....اها
علشان تعلمينه انك مهتمه فيه وفي كلامه
وكله في سبيل انه يستمتع في الحديث معك
واذا انتي ب تتكلمي
دايم خلي كلامك يبدا بكلام حلو ويتوسطه وينتهي بكلام حلو
مثل
ياعمري
فديتك
آمر
سم
واعطيه فرصه يشاركك في الحوار
مو انتي تمسكي خط وماعاد تتوقفين
اذا:: اوقف حديثك في نقطه، اسمعيه
اذا اعجبتك امدحيه واثني عليه
واذا مااعجبتك ممكن توصلين له فكرتك
بالباقه وذوق
ولاتفرضين عليه يقتنع برائيك
****
واذا بينكم مشكله واشتد الكلام
كلميه وعيونك طبيعيه مومبحلقه
فيه وتصايحين
وبصوت منخفظ ولاتنسين انك انثى لها حيائها {اتيكيت يبي له دراسه وتركيز ياصبايا }
لانك لو رفعتي صوتك وصرختي وطلعت العروق في جبهتك
وحطيتي ايدك على خصرك وسويتي فيها ابو شهاب
بيتركك ويتجاهلك ويصك الباب حق الشقه في وجهك
او يمسك الريموت ويقعد يقلب
لانه يستحقر اللي تسوينه
ويشوف حتى الرد عليك ضايع وما...منه فايده
هذا وهو باقي مافتحتي معه المشكله !!!
وكذا يااختي انتي طلعتي خسرانه
ما حليتي المشكله
ولا كسبتي رضاء زوجك
ورفض طلبك
لاوكمان طلع الحق عليك
وكثييييييييييير حريم تقول يطنشني ومايسمعني
طيب ياعزيزتي انتي اسلوبك فج ومافيه.. ذوق و..ادب او...احترام ...كيف تريدين يسمعك؟؟؟
والشي الثاني اختاري> الوقت المناسب <
وقت يكون رايق .. شبعان نوم ..واكل
مو تكلمينه وهو جوعان ومنتظر الاكل
ماسمعتو بالمثل اللي يقول
الجوع كافر تراه صحيح 100%
او تعبان
او يتفرج لمباره مهمه,,,او يتفرج لمسلسل ،،،،او برنامج
{كل هل الاشياء انتبهي توقعين فيها }
اختاري الوقت المناسب
علشان تكسبين تركيزه ويعطيك وقت تطرحين مشكلتك ويناقشك فيها
اما بنسبه لفتح حوار وسوالف مع زوجك
شوفي الرجل مايحب الكلام الفاضي
مثل
امي اليوم كلمتني وقالت بيرو حون البحر ويأخذون معهم خالتي فلانه وبنت اختي فلانه
او مثل تقولين صديقتي سافرت دبي واشترا لها زوجها طقم ذهب يهبل
وتقول راحو تعشو في المكان الفلاني وتغدو في المكان الفلاني
ياقلبي زوجك وش دخله؟؟!! ان شاء الله تعشو في المريخ
تاكدي انه بيقاطعك
ولو ماقاطعك بيستخف في عقلك
ويحتقر تفكيرك واهتماماتك
او تقولين والله اليوم اختك فشلتني
قدام الحريم في المجلس
وقالت :شفت ثوبك في السوق الفلاني وقيمته 200 ريال
وزوجة اخوك طلعت وشرت واستقبلت
وامك قالت وتكلمت
طيب سؤال ياعسل ؟؟
وين السالفه المهمه والجذابه واللي تشجعه انه يناقشك فيها ويشاركك في الحوار؟؟؟
ياقلبي لاتنتظرين انه يطالع في وجهك حتى
لان بااختصار مايهمه كلامك ويشوفه كله تافه ومافيه فايده **
*بتقولين طيب هو قاعد يتفرج على برنامج اتفه من كلامي ومطنشني*
اكيد بيطنشك لان البرنامج اللي يشوفه {لو ماهو عاجبه }ماتفرج له
لاكن بعطيك خطوات بسيطه وتقدرين تطبقينها
نرجع على الاختصار
مثلا اذا بتقولين له سالفه حصلت مع ولدك
قولي بكلام مختصر ووصلي له السالفه بسرعه
مو تقعدين تلفين نص ساعه او ساعه وكل الوقت راح على ضحك ومشاهد تمثيليه
والسالفه كلها
محمد بغا ياخذ اندومي من الدولاب وطلع على ظهر احمد اخوه وطاحو الاثنين سوا
وكلنا ضحكنا عليهم ومحمد باقي زعلان لان ضحكنا عليه
ترا السالفه مو مستاهله
قولي السالفه بسرعه
اوكيه قوليها مع موثرات صوتيه ومشاهد تمثيليه وقلدي صوت الطيحه والبكاء
بس هم لاتمطمطين السالفه ساعه
لانه
اول مره بيسمعك
ثاني مره بيتفرج لتلفزيون و يطنشك
وثالث مره بيقولك تراني ماني فاضي لثرثرتك
ثالث شي:: واهم شي وجوهر حديثنا
شاركيه هواياته اهتماماته
يحب الكوره كوني.. رولاندو
يحب الاخبار كوني له.. الجزيره
يحب الشعر شاركيه
احفظي ابيات امدحي ذوقه اهديه قصايد
شجعيه يكتب شعر
ناقشيه في القصايد واسمعي معه الشعر
المهم ..ولب الموضوع
شاركيه هواياته ناقشيه فيها
تعلمي واجمعي معلومات عن الشي اللي يحبه.
ولاتلغين شخصيتك وهواياتك
خلي لك مساحه تلتقون فيها
ويبقى هناك مساحة حريه
وخلي لك ..وله ..هوايات واهتمامات خاصه
يعطي كل واحد منكم مساحه من الحريه لشريكه
علشان ماتكون الحياه مُمله وروتينيه
صح اكثر الازواج مايشارك الزوجه هوايتها بس مو معناه مايهمه او مطنش
بس هو مايعرف يشتت تركيزه في كذا شغله
والحريم تعرفون تقدر تركز في اشيا كثيره وفي وقت واحد
----------------------------------
اتمنى اكون افدتكم
ويسعدني تعليقاتكم وانتقادكم
وتشجيعكم
ولا تنسو التقييم حبيباتي
>>>>> ردود الأعضـــــــــــــــــــاء على الموضوع <<<<<
==================================
موضوعك كتيييييييييييييييير حلو ومفيد جدااا لانو صوره عن الواااقع شكرااا الك كتيييير
__________________________________________________ __________
تسلم يدك حبيبتي ع الطوح الممتع و الاسلوب الحلو تسلم يدك حبيبتي و يقييم
__________________________________________________ __________
طرح رائع حبيبتى
ومتميز
صاحبتينا بين سطوره لحائق هامة فى التواصل بين الزوجين
وامور توجب على الزوجة مراعتها للتملك مفاتيح الحديث مع الزوج
سعداء بتواجدك الفعال والقيم بيننا
وفى انتظار اطلالتك الجديدة بشوق
__________________________________________________ __________
فعلاهناك اشياء تتجاهلها المراء عن زوجها ولا تحسن التصرف وقد يسبب الى بعض المشاكل ويؤدي الي عدم التفاهم احيانا
اتمني ان يستفيد المتزوجات من هزه النصائح
طرح رائع في انتظار كل جديد منك
احترامي وتقديري
__________________________________________________ __________
كلام صحيح مائة بالمائة
تسلم الأيادى اللى كتبت حبيبتى
رد مع اقتباس
