عنوان الموضوع : فكره جتني بأخر لحظه!! حياة زوجية
مقدم من طرف منتديات نساء الجزائر

فكره جتني بأخر لحظه!!






السلام عليكم ورحمة الله وبركاته


بيوم من الأيام كانت الوالده الله يطول بعمرها مسافره لجده هي وخواتي 2
وعندي اخت موظفه ماراحت معهم وفي اخوي بعد موظف واخ بالثانوي وكانت فترت امتحانات

رحت ازور الوالد يوم اربعاء شفت انه تعبان شوي قعدت عنده من بعد الظهر الى الساعه 1 بالليل

جا زوجي ياخذني وسألني عن ابوي
قلت له والله ياعمري تعبان شوي الله يشفيه
زوجي عسى ماشر وش فيه اوديه للمستشفى
قلت له الله يعطيك العافيه ماتقصر مايحتاج ان شاءالله
شكله ماخذ برد دهنته بزيت زيتون دافي وان شاءالله ماعليه الا العافيه
وقعدت ها المح انه ياحرام انا بس شايله هم من يغديه ويشوف لو يبي شي انت تدري امي وخواتي مسافرين واختي تداوم من الصبح للمغرب
سكت مارد علي
ثاني يوم جا من الدوام
ها وشلون الوالد كلمتيه
ايه والله كلمته تعبان ياعمري
طيب حطي الغدى بسرعه الله يعافيك
حاظر ياعمري غير ويكون جاهز
غير والغدى جاهز تغدينا
والحمد لله نام شوي للمغربيه
صحى يله انا برح الدوام تبين شي
لاسلامتك الله يعافيك وصلته لين الباب كالعاده
فمان الله

بعد صلاه العشا جتني رساله على جوالي
نصها
اقول نوني ياعمري بمناسبة انك مازنيتي واصريتي ودني اقعد عند ابوي
جهزي العيال وحطي لكم غيار يومين ابجي بعد اشوي اوديكم

جهزت كل شي وانا قاعده انتظر ولابسه العبايه
فكرت جزاه الله خير وداني
وش اسوي له طيب
جبت ورق من دفتر ورقه كتبت عليها
اول شي حبيت اقولك اني بفقدك حيـــــــــــل وحطيتها عند مدخل البيت.
وكان طالب مني شغلات اجهزها
جهزتها وحطيتها عند التسريحه بغرفت النوم وكتب على ورقه
جهزت لك كل شي ياعمري شرايك فيني وحطيت وجه مبتسم
وكتبت على ورقه ثانيه احبك لاتسهر كثير عندك دوام ياحلو
ولزقتها على TV
وغسلت له الفواكه وقطعتها وحطيتها بالثلاجه
وكتبت على ورقه مانسيت الفواكه ادري ماتستغني عنها ياعمري وحطيتها فوق صحن الفواكه بالثلاجه
وكتبت على ورقه ثانيه حبيبي صدقني مارتاح ولا اتهنى بالنوم الا على سريرناوانا بحظنك وخذيت صوره كان يوم الملكه خذاني اتصورها عشان جواز السفر
كتبت على ظهر الصوره قبل تنام استرجع هذا اليوم
وحطيت له كاست المويه بجمب السرير وغطيتها وكتبت على ورقه
ياالله شوووف كيف حتى المويه مانسيته
وكتبت ورقه حطيتها على مرايه الحمام وانتم بكرامه
لقبل النوم تصبح على خير
واول ماتصحى صباحك ورد وسكر
(((((((
طبعا ماكانت الا بس دقايق المشوار من بيت اهلي لبيتي الا وجوال يدق
شلت السماعه وهو يضحك وش ذا الحركات
عارفه كل خطوه بسويها ادخل القى ورقه اروح للثلاجه القاك مجهزه الفواكه والقى ورقه جي لTV القى ورقه ادخل الحمام القى ورقه والمويه جاهز والي طلبته منك جاهز وصورتك وكل شي جننتيني طلعتيلي بكل مكان حسيت كأنك انتي في ماغبتي
وبس يقول من وين تتعلمين هالحركات انتي دايم مجننتني معك
ولا صدق انها كانت وليدت اللحظه
واهم شي انه كاااااان مبسوووط مررررره وخففت زعله من غيابنا انا والعيال عن البيت
ونام مبسوط الحمدلله

طولت عليكم ادري بس والله القصد ان اشياء بسيطه تسوينها تكسبين فيها زوجك وتبسطيه وانتي مو خسرانه شي كلها ورق من دفتر
وكلمات من قلب

اعذروني لو طولت وتفلسفت

>>>>> ردود الأعضـــــــــــــــــــاء على الموضوع <<<<<
==================================


الله تجنن هالجركات بسويها لزوجي


__________________________________________________ __________

الله يوفقك يارب


__________________________________________________ __________

حبيبتي انا كمان سويتها لزوجي في ليلة العيد كنا نازلين عند اهالينا ويوم انشغل عني وزعت الاوراق بين ثيابه وحطيت وحده في جيب الثوب حق العيد ومرررررررررررررره انبسط من الحركه الله يعينهم على سعادتنا ويعيننا على اسعادهم


__________________________________________________ __________

الله يعطيك العافية
حركات ولا اروع


__________________________________________________ __________

يعطيكي العافية عزيزتي على الطرح