عنوان الموضوع : هذه قصة حقيقية ...للعبرة ...عن السحر والظلم ....ادخلوا ان شاء الله تستفيدوا
مقدم من طرف منتديات نساء الجزائر

هذه قصة حقيقية ...للعبرة ...عن السحر والظلم ....ادخلوا ان شاء الله تستفيدوا






اليكم القصة كما كتبتها صاحبتها للعبره

وحبيت اعرضها لكم للافاده .. المصير بيد الله وحده ولا في ساحر ولا روحاني يؤدي غرض الآ ينقلب السحر على الساحر ..



بسم الله الرحمن الرحيم
السلام عليكم ورحمه الله وبركاته
حبيت انشر لكم قصتي مع السحر والسحره لكي تكون عبره وعضه لغيري
من اخواني واخواتي المسلمات

بدايتي المأساويه لهذا الطريق لما كنت في سن المراهقه، تعرفت على شاب من بلاد
غير بلادي وحبينا بعض ومع مرور الايام حبي له بدى يكبر ويكبر ويكبر ولأسباب
خاصه هالشخص فقد ثقته فيني وتركني، سويت المستحيل عشان ترجع العلاقه بس
كان رافض نهائيا وانا رافضه ان العلاقه تنتهي وبين اصراره واصراري للأستمرار
ماجفت جدامي طريج الا هالطريج المدمر، طريج السحر
كنت افكر ليل ونهار فيه وشلون اقدر ارجعه وكانت فكره اللجوء لساحر دوم في
بالي وماتروح عني، دورت مني مناك وكنت اسأل دوم اذا احد يعرف ساحر وشيخ
يتعامل بالروحانيات لين توصلت الى اكثر من ساحر من مختلف الجنسيات في بلادي
ورحت لهم اكثر من مره وسلبوني المال بدون اي نتيجه او فايده واصراري مازال موجود ومستمر بالرغم اني خسرت اموالي في الهواء، ظليت ابحث وادور لين
توصلت الى رجل يزعم انه شيخ روحاني ويتعامل بالروحانيات من مصر ويسمى
الشيخ التيجانى وعنده موقع على شبكه الانترنت وتعاملت معاه وكان نصاب ودجال
وسلب مني اموالي وانا بعد كل هاذا النصب اللي تعرضت له ظليت اسعى ورى
السحره في امل اني في يوم القى واحد صادق لين توصلت لأكبر نصاب ودجال على وجه الارض وهو رجل مغربي يسمي نفسه السوسي وبعد عنده موقع على الانترنت

وهالرجل مايختلف عن اللي سبقوه وهم سلب اموالي بس هذي نصاب بدرجه كبيره وبعدي مااتعضت وظل هالهوس يلاحقني لين توصلت الى رجل عظيم اسمه الشيخ ابووعد الروحانى من مصر ..

كنت اسمع عنه وايد وانه دارس السحر على يد ساحر اسرائيلي بس كان ياخذ
مبالغ كبيره، ظليت شهور وانا ايمع في الفلوس عشان اروح له وضعف الايمان مسيطر علي وحبي له عامي قلبي وعيني، لين يه اليوم اللي اتصل فيه وقلت له
بوضعي وحالتي وعن تجاربي مع السحره، عطانى وعد انه يرده لى ويزوجنا وقال

لي السعر وانه راح يسوي لي 4 اشياء ، جلب ، محبه وتهييج ، ربط عن النساء
وزواج وطبعا انا ماصدقت على الله او وافقت ويبت له المبلغ وبدء الشيخ ابووعد يشتغل
على الريال بعد ماخذ مني اسمه واسم امه واسمي واسمه وصورنا اثنينا ، وكنت
انا تقريبا كل يوم اتصل فيه وا عطاني بعض الاشياء انا اسويها بيدي من كتابه
وحرق عشان يكون المفعول والنتيجه اسرع، كنت مااداوم في الجامعه بس قاعده
بالبيت، وبعد اسبوعين او اقل ياني منه اتصال وانا مو مصدقه وبعدها ظلت العلاقه
تتحسن لين صارت احسن من قبل، الريال صار خاتم في صبعي انا اتحكم فيه، بدال
ما الاحقه صار اهوه يلاحقني ، والله انه وصل في المستوى ان لين ماكلمه يصيح وانا
كنت مستانسه، مرت الايام وتقدم لي وخطبني وانا بعدي اتصل بالشيخ ابووعد الروحانى واخليه يكثر من
الاعمال القذره،لين وصلت في الحاله انه صار مثل المينون، وانا ماكتفيت اني ااذيه
لاكن اذيت وايد ناس لاني كنت ادل الكل عليه وايب له زباين من كل مكان مر على الخطوبه 7 شهور وانا مستانسه على الوضع، اهوه قرر يروح للعمره في
العيد وانا وافقت وراح ماكنت عارفه انه زيارته لبيت الله وقرائته للقران تقضي
وتبطل مفعول اقوى سحر على الارض، رجع الريال واحد ثاني وظلت المشاكل بينا
لين تطلقنا والله اني ماصدقت هاللي صار فيه وقلب حاله، سبحان الله الي مافي اقوى منه.
فكرت اني ارجع اسوي له سحر بس الحمدالله الله هداني وبعدني عن هالطريج
وعرفت انه الحب ماايي بالقوه وانه النصيب مكتوب ومقدر من رب العالمين مهما
سوينا وانا متحسفه ونادمه قد شعر راسي على كل اللي سويته لاني ضريت الشخص
اللي احبه اللي المفروض اكون خايفه عليه اكثر من روحي، ومااستفدت من هالشي
الا اني غضبت رب العالمين اول شي وحملت اسم مطلقه وانا بعدي في العشرين
اتمنى من رب العالمين يغفر لي ويتوب علي وارجوكم اطلب منكم هالطلب ادعو

ان الله يغفر لي ويسامحني واتمنى اني قدرت اوصل هالرساله وقدرت افيد
لو 001,% وابعدهم عن هالطريج اللي اخرته الضياع في الدنيا والعذاب في القبر والنار في الاخره.

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

كذب العرافون ولو صدقوا لا حول ولا قوة الا بالله العلي العظيم

مشكوره الله يجزيكي الخير


__________________________________________________ __________

المشاركة الأصلية كتبت بواسطة مستشاره زوجيه

الله يجزاك الجنة .....


__________________________________________________ __________

المشاركة الأصلية كتبت بواسطة يمامة القدس
كذب العرافون ولو صدقوا لا حول ولا قوة الا بالله العلي العظيم

مشكوره الله يجزيكي الخير

الله يسعدك يارب ....نورتي صفحتي ......


__________________________________________________ __________

انا احب واحد وهو يحبني بس ربي ماكتب لنا نصيب لبعض واناا متكلكه من واحد ثاني بس مااني مرتاحه اخااف لايكون مسويلي سحر