حوووووسة الحريم وقت العروس !!!!!!! -مجابة
عنوان الموضوع : حوووووسة الحريم وقت العروس !!!!!!! -مجابة
مقدم من طرف منتديات نساء الجزائر
حوووووسة الحريم وقت العروس !!!!!!!
[font=MS Sans Serif]السلام عليكم
طبعا الموضوع فكاهي بمناسبة واخواتي بقسم الحياه الزوجيه يمكن انه ينقل لقسم الضحك والفرفشه ولكن بحكم تواجدي الدائم بقسم المتزوجين اتمنى من الاخوان المشرفين عدم نقل الموضوع فضلا لا امرا مع جزيل الشكر لهم
نبدا بالموضوع :
لما تجي للبنت دعوة الى حضور حفل زفاف لاحد الاشخاص
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
*
ثم يذهبون الى غرفة العمليات
فتحصلهم مايخلون مراية في حالها ..
فتلقى منيرة عند مراية التسريحة تتمكيج
وخلود عند مراية الدولاب تركب عدساتها
ورقية ( حالفه يسمونها رورو عشان اسمها شين ) عند مراية المدخل حق البيت تستشور شعرها
وفاطمة محتارة أي فستان تلبس
وكلما اختاروا لها فستان .. قالت : لا .. قد شافوه عليّ
ورغد تترجى اخوها : تكفى ود فستاني للمغسلة
وقول لهم يخلونه مستعجل
وابتسام متوهقة مالقت الحلق اللي يناسب لون فستانها
وشوق تقول لاخوها : تكفى مر على جارتنا
وخذ من عندها الاكسسوار التفاحي
وهنوف .. انفرط سحاب فستانها .. وتبي الخياط يصلحه
<<< والله من السمنة الزايدة
*
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
بعد ذلك .. يركبون السيارة بعد ما بح صوت ابوهم
وهو يناديهم ..
والمصيبة اذا اخذوا مسافة بالسيارة وجتك فاطمة
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت
وبعد عناء طويل يصلون الى القصر ويدخلون
ومن يوم تبدأ الطقاقة بقرع الطبول
تلقى الوحدة تهزّ .. وتهتز وهي لسّا باقي على الكرسي
ثم يتوافدون الى المسرح .. وشف الرقص كيف
اللي تحط رجلها من شرق المسرح الى غربه
ولا احد يدري اش بلاها
واللي تهز وهي واقفة مكانها بركاااادة .. وعلى بالها أنوثة ..
وتعال شفهم اذا غنت الطقاقة .. ( يالتكسي )
وقالت : وخذ يمين و بعد يمين ..
تلقا الحريم فعلا ماخذين اللفة يمين في يمين
<<< طبعا من غشامتهم .. يتصاقعون في بعض
والوحدة فيهم بتتشقق من الفرحه اذا جت الطقاقة بجنبها
وقالت : يا احمر يا احمر .. عاشو .. على قلبي
<< طبعا الافندية فستانها احمر ..
*
وتلقا ثنتين هناك يرقصون نفس رقص العراقيات
وطبعا العجايز منصدمات .. ومافيه الا قوة دعاوي على هالبنات
واذا جت اغنية مصرية ..
تلقا الاغنية والايقاع في وادي .. والرقص في واد آخر
الا من رحم الله ..
<< واللي تعرف ترقص مصري .. تلقى البنات يتشحذونها تقوم
وهي ترفض ..
طبعا من حقها .. تخاف يصكونها بعين على كيفك
*
والوناسة اذا قالت الطقاقة : ( رقصة خاصة لاهل العروس )
تلقاهم يستلجون اذا قالت : ( كل آل " فلان " خيّالة )
<<< وهم في الحقيقة .. لم يركبوا حمار الله يكرمكم مب حصان قط ..
بس يالله لزوم المدح
وسلامتكم [/font]
>>>>> ردود الأعضـــــــــــــــــــاء على الموضوع <<<<<
==================================
الله يوفق ويستر عليك دنيا والاخر والله انك صادقه كا نك عندنا بالبيت
__________________________________________________ __________
طرحك اكثر من راااااااائع
__________________________________________________ __________
هههههههههههههههههه وهذا الواقع الامارحم ربي
__________________________________________________ __________
اسعدني مروركم العطر
__________________________________________________ __________
ههههههههههههه رووووعة
رد مع اقتباس
