عنوان الموضوع : بسرعة محتاجتكم والله .... -لحياة سعيدة
مقدم من طرف منتديات نساء الجزائر

بسرعة محتاجتكم والله ....






السلام عليكم ورحمة الله وبركاته
يا رب تكونو بأحسن حال
باختصار وبدون مقدمات انا تعبت والله العظيم تعبت من حالي
الحمدلله ع كل شي حل قصتي بيد رب العالمين وحده
القصة وما فيها
أنا متزوجة صارلي سنة و شهرين تعبت كتير فيهم أكتر من ما انبسطت
والسبب انو
قبل ما اتزوجت حبيتو كتير كتير لزوجي والحمدلله صار نصيب واتزوجنا
وأيام ما اتقدملي أهلي طلبو منو فحص للسائل المنوي لانو يعاني من السمنة
ولكن رفض لانو هادة الفحص بيصير بعد الزواج وانا حكيت لأهلي بدي اياه
ولكن قبل أن تتم الملكة وكتب الكتاب هوا عرض علي انو يعمل الفحص
وانا أيدو وسواه وكانت النتيجة انو العدد (( صفر )) أنا هديتو وقلتلو انو الطب اتطور وومكن نسوي أطفال أنابيب على نيتي
واتزوجنا ومن تاني شهر دكاترة ومستشفيات سوى فحوصات وعمليات والحال على ما هو وآخر شي حكولنا الدكاترة الأمل بوجه الله زوجك عقيم ما في امكانية لزراعة أو طفل أنابيب انتظرو الخلايا الجذعية على أمل انو الله يعطيكم

أنا لما حبيتو كان معي أحسن من بعد الزواج
كان مدللي غير شكل بس بعد ما اتزوجنا يمكن لانو ملخبط من العقم وهيك وبدو اياني عند اهلو أكون 25/25 ساعة وبغار من أهلي بحسو أحيانا لما أروح ع بيتهم وأنام
وبرفض أنام عند أهلو بس والله العظيم بحب حماتي اللي هيا خالتي كمان وبروح عندهم بس ما برتاح الا بفراشي حتى في بيت أهلى ما بنام الا على فراشي وأنا بنت وبنبسط غاد لأنو الي خوات أطفال
بفرغ شي من طاقة الأمومة فيهم وبعتبرهم بناتي مو خواتي هي السبب
وبعدين هوا صار بعيد عني كليآ ما بفكر غير يقعد عالنت يفش حالو عشان ما يأذيني
ماني حاسة حالي متزوجة متلي متل أي بنت آنسة
تعبااااااااانة كتير والله

المشكلة انو أنا بعدي صغيرة عمري 18 سنة
وزوجي بيقولي انا رح أظلمك معي هيك شوفي نصيبك مع غيري
امي رح تموت بسبب هالقصة
وأنا نفسي أسير ام طاقة الأمومة كل يوم بتزداد
وبنفس الوقت أحيانا بحس بدي زوجي وأحيانا بحس انو بدي اسيبو وأشوف حياتي
وزوجي ما بدو يشوف ولا دمعة مني او حزن اذا بقيت معو لازم انسى عاطفة الامومة وارميها وراء ظهري
ومصيبيتي وقت الدورة بكون بحالة نفسية كلها دموع وانكسار


أمانة تساعدوني اعتبروني اختكم بنتكم أي حد بس ساعدوني

>>>>> ردود الأعضـــــــــــــــــــاء على الموضوع <<<<<
==================================


حبيبتي لو كنتي اتي اللي ماتجيبين عيال كان تركك ولا سال عنك وبعدين انتي توك صغيره حرام تظلمين نفسك معاه وصدقيني راح تندميييييين ادا كبرتي


__________________________________________________ __________

والله وانا كمان راي هيك انتي لسعتك صغيرة والف واحد غيره يتمناك شوفي غيره بكرا بدون ولاد بتملو كتير من بعض وحياتكم كلها بتصير خلافات اتركيه هلق احسن من بكرا وبتتحملي


__________________________________________________ __________

السلام عليكم يا اختي العزيرة انا بحب اقول لك انك لسة صغيرة والحياة قدامك طويلة وممكن اليوم تقدري تخبي مشاعرك بس محد يقدر يعرف أذا بتقدري بكرة والانسان ما بيضل على حال فدوام الحال من المحال. .كان لازم ما تتسرعي وتتزوجي لما عرفتي النتيجة وكلما اسرعتي بالقرار كان افضل الك ومثل ما بيقولا وجع ساعة ولا كل ساعة. .الحل عندك ولازم تقعدي مع حالك وتفكري انتي بتحبي لزوجك وبتقدري تتحملي او لا.. لكن المهم هو راح يقدر كل هذا منك. .. اتمنى لكي الموفقية وراحة البال


__________________________________________________ __________

خيتو شوفي نصيبك ولا تضلين مع وحد مايجيب عيال لا اذ كانت تخلين عن امومتك
نشالله ربي بيحل مشكلتك والله يكون بعونك


__________________________________________________ __________

والله الموقف صعب ازا حكيتلك اتركيه بكون ظلمته وازا حكيتلك ظلي معه راح تنحرمي من الامومة شو الحل مو قادرة احكي بس اكيد انتي اللي بتعرفي الصح الك ربنا الموفق