عنوان الموضوع : صديقتي وزوجها !! ارجو التفاعل المسأله انسانيه جدا -مجابة
مقدم من طرف منتديات نساء الجزائر

صديقتي وزوجها !! ارجو التفاعل المسأله انسانيه جدا






السلام عليكم ورحمة الله وبركاته ..
مرحبا ..
انا بصراحه عضوه جديده في هالمنتدى الراقي وانا متابعتكم من زمان وتعجبني مواضيعكم جدا .. والحمدلله سجلت واخيرا فيه واتمنى من الله ثم منكم العون في ايجاد حلول لمشكلة انسانه غاليه ع قلبي جدا جدا..
السالفه ومافيها صديقتي هذي متزوجه من8سنوات من رجل مطلق بس ماعنده اطفال المهم
بدات حياتها تمام وطبيعي وعلاقه ناجحه ومافي اية مشاكل وكانت عايشه بشقه لوحدهابس اللي صار انه فاجأها وقالها بننقل نعيش مع اهلي في نفس البيت بس طبعا بشقه لحالهم المهم
هواخوانه عايشين بنفس البيت بس بعماره قريبه منهم يعني يجون ويروحون لهم من الحوش ومرت الايام يعني تعرفون الاحتكاكات مع اهل الزوج العاديه وكذا تعرفون يعني كل بيت مايخلو من المشاكل البسيطه
المهم زوجها هذا عنده اخ كبير وطبعا عياله كلهم كبار بالجامعه وزوج صديقتي يسير عم لبنت اخوه الكبير وهنا المشكله اللي والله يابنات لولا اني شفت الحاله اللي صارت لها صديقتي والهم اللي بيذبحها ماكان استشرتكم اصلا
بقولكم المشكله بالتفصيل واعذروني ع الاطاله .. اخوه الكبير عنده بنت بالجامعه وهذي البنت بصراحه اللهم لاشماته منتهيه زي مايقولون يعني شباب وتلفونات ومقابلات وطلعات وعلاقات محرمه والمصيبه ان كل واحد في البيت عارف ببلاويها وساكتين ولاحديتدخل وكله خوفا من اخوهم الكبير .. المهم صديقتي لاحظت ان هذي البنت تحاول تخرب بيتها عن طريق زوجها اللي هو يصير عمها هي تعرفون ان الشخصيات الي بايعه نفسها والعياذ بالله تكون عادة جريئه جدا وواثقه من نفسها وزوج صديقتي شكلها تعجبه شخصيتهاوهومش غيور ابدا مع ان زوجته قمر وربي مااجامل بس تقول مايغار عليها وحتى لمن عرف ان بنت اخوه تسوي كل ذي البلاوي مايهتم بس هذا مايهمها اللي بيجننها انها شاكه انه في علاقه بينه وبين هذي البنت ولاتقولون مااصدق ومن ذا الكلام بقولكم الاسباب اللي خلتها تشك
اولا تقول اذامثلا طلع عند اهله فوق وشافها ينزل عند زوجته وهو يضحك او مبتسم بس اذا كانت هي في مع انه يعرف ان زوجته تكرهها جدا . وتقول لما يروحون مشوار هو وزوجته واخواته وتجي معاهم لان علاقتها في عماتها قويه تقول يجلس طول المشوار يناظر جهتها ولايشيل عينه ,كانت تقولي دايما ان زوجها يكره الطول في الحرمه يقول ماتعجبني احسها مو انثى وهي البنت هذي طويله وصار الفتره الاخيره يعلق ع زوجته بين فتره وثانيه انها مو طويله (هي مش قصيره زوجته طولها وسط بين وبين) ,تقول مره راحوا زواج ومااخذت جوالها وام زوجها قالت للبنت ذي دقي ع فلان اللي هو زوج صديقتي عشان ياخذهم للبيت تقول لما راحت تكلمه خرجت برا وزوجته اليوم الثاني سالت زوجها عن الرقم اللي دقت منه البنت رقم مين ذا ؟ تقول ضحك وقال ماادري؟؟,
وتقول دايما يغلط وينادي اسمه بنته الصغيره باسمها واذا زعلت زوجته قال ماناديت باسمها انتي يتأهيلك ,وغير كذا تقول مره راح شكى لابوها (اللي هو ابو صديقتي ) وقال له : زوجتي تغار من بنت اخويه وهو يعرف تماما انها ماتغار بس تكرهها جدا وبينهم مواقف كثيره,
اخر موقف حصل تقول شكت في انها تخرج معاه بالسياره لانه مرره كان برا وتدق صديقتي عليه مايرد ولمن دخل سمعت احد دخل قبله يجري ومعاه اكياس وهو دخل بعدها ولمن دخل البيت وواجهته عصصصب وقام يصيح بقوه وقال هذا ولد اخوي دخل معاي واتصل عليه ورفع السبيكر وساله قدامها بس هي وحلف كثثييير انها موهي اللي معاه بس هي مو مصدقته تقول لو صادق ليش عصب كذا ؟؟ باختصار هي حاسه ان في شي بينهم لانه يسبها قدام زوجته وافعاله تشكك زوجته فيه مع العلم ان صديقتي ماتخلي زوجها يقابل اخواته وامه ابدا اذا كانت هذي البنت في وهي في الاجازات طوول الوقت فوق عندهم بحكم ان بيتهم جنبها وهي علاقتها بعماتها قويه جدا ,صديقتي يابنات حزنتني ورب الكعبه البنت صايره حالتها مزريه من الشك اللي ذبحها وتبغا حل لتكتشف اذا كان فيه شي حقيقي بين زوجها وبنت اخوه اولا ؟ مع العلم ان زوجها طيب معها وكريم بس ماتثق فيه ابدا
ارجوكم ساعدوني الاقي لها حلول الحرمه احسها بتموت ,وتبغا تراقبه بس ماتدري كيف؟ وصايره حياتها جحيم بس تتضارب مع زوجها ع اتفه شي وتحقق معاه ,, وحسيت والله انها بتهدم بيتها فياليت القى حل واريحها..
اتمنى تتفاعلون مع مشكلتها وتفيدوني املي بالله ثم فيكم ,والله يجزاكم خير ويجعلكم من عتقائه من النار ..
انتظررررررررررركم

>>>>> ردود الأعضـــــــــــــــــــاء على الموضوع <<<<<
==================================


والله يااختي شقولك احس انها شكاكه بزيااااده ولازم تكثر من قرآءة القرآن عشان تروح هالوسوسه اعوذ بلله من الشيطان وخليها تبطل تشك لان من القصص اللي تقولينها مادري ماحسيت ان بينهم شي مثل ماتتوقع صديقتك بس حسيت انها شكاكه او حابه انها تغار على زوجها او انها من نوع النساء اللي يغارون حتى من اهل الزوج كأمه او اخته او بنت اخوه ووو فلا تضل على هالحال لانها راح تزيد اكثر واكثر ورح يتحول لمرض نفسي
وثانيا كذا زوجها رح يصير بعيييد عنها من هالاسلوب هذا وثالثا اهي تنبهه عليها وهذا مو شي طيب
الله يهديها ويبعد الشك عنها


__________________________________________________ __________

مشكووره اختي بس مافهمتك كيف يعني تنبه عليها؟ وبعدين يختي يقولون كل وحده زوجها يخونها تحس فيه صح والا لا؟ وبعدين هذي البنت في كل جمعه من جمعاتعهم سواء في عزايم او جمعه تتعمد تأذي زوجة عمها بأي شكل وبطرق غير مباشره , بضرب لك مثال : تقول اذا جات اخت زوجها وقالت للشغاله انزلي مجلس الرجال شيلي الاغراض تقوم هذي البنت تجري وتنزل مع الشغاله او ممكن تقولها لاتنزلين وتنزل هي مع العلم انها عارفه ان زوجة عمها ماتبغا زوجها يشوفها وتكرهها ,, وهي تكون متأكده ان عمها اسفل في المجلس,, وغيره كثييير

عموما
تسلمين وارجوا التفاعل يابنات بليييييييييييييز


__________________________________________________ __________

انا رايي الشخصى ان صحبتك من كتر كرهها للبنت دى
لاحظت واصبحت بتغيظهااقصد تكيدها
ده نوع من البنات الكيادين
اما دور صحبتك انها تبذل شوية مجهود
تغير من شكلها للاحسن وتقرب زوجها منها اكتر
وتحاول تاخده بعيد عن البيت شويه ممكن خروجه حلوه وياريت تكون طويله لمده ايام اذا امكن
تحاول تغير من نفسها عشان زوجها يقرب وفنفس الوقت
تغيظ البت دى انها تكون اجمل منها
تحاول تتحداها بانها تكون هى الاجمل


__________________________________________________ __________

مشكورين للي ردوا
بس بنات هي تبغا تتطمن وتقطع الشك باليقين عشان كذا انا ابغا تعطوني حلول
والله ماكتبت هالموضوع الا من خوفي ع صديقتي تخيلوا صارت تبغا تنتقم لدرجة انها تقول بسوي علاقات محرمه زي هذي البنت اللي مهتم لها زوجي وهو يعرف انها قذره عشان اقهره !!!
فالله يسعدكم لاتمرون بدون ماتردون ولو باقتراح بسيط لاني عجزت القى لمشكلتها حل وصل فيها الشك لمرحله خطييييره جدا والله مااكذب عليكم وربي العالم وحده


__________________________________________________ __________

لا حول ولا قوه الا بالله
بصراحه صحبتك بالغت هذي بنت اخوه
ولو خرجت معااه ايش المشكله هيا لو كانت ماتغار منها كان شالها زوجها معاهم
وكل ماحتغار زياده زوجها بيخبي عليها زياده عشان يبعد عن المشاكل
ويمكن يكون زوج صحبتك يقصد يشكك زوجته بعض الرجال ينبسطو لما زوجاتهم يغارو واكبر دليل انو لما تسأله صحبتك يجلس يضحك
و اتوقع صحبتك صغيره في العمر الله يهديها ويهدي زوجها ويهدينااا **