عنوان الموضوع : رد على موضوع اذا قالك زوجك انه بتزوج عليك -لحياة سعيدة
مقدم من طرف منتديات نساء الجزائر

رد على موضوع اذا قالك زوجك انه بتزوج عليك






السلام عليكم ورحمة الله وبركاته

عزيزاتي حبيت ردي يكون هنا بموضوع ثاني وكان قصدي من الموضوع علشان الأخوات يطلعون عليه واتمنى اذا فيه اي ملاحظه على كلامي اني اسمعها
ورابط الموضوع السابق للأخت العزيزه (محتاجه حب )

https://www.sedty.com/vb/showthread.php?t=38845

اسمحلي ياااااااااااااااابنات ومع احترامي كلامكن خطاااااااااااااااااااااااااااااء وردات فعلكن اكبر خطااااااااااااااااااااااااء
انا اقول اول شي شوفي زوجك وفري كل شي يبغيه ويحتاجه من كل النواحي العاطفيه والجسديه وغيرها!!!
واذا صارلك الموقف ذا لاسمح الله
وقالك حاولي انك تتما سكين وتهدين في نفسك و انك تسالينه ليه وايش السبب وتفهمين منه وطبعاً وكيد حافض الي بيقوله لك
وبالعكس اذا هو خاطب باركي له وقوليله الله يوفقك ويجعلها تسعدك وتلقى الي تتمناه لكن انا اسمح لي ما اقدر اعيش مع واحد في قلبه وحده غيري
واشكريه على كل شي سواه معك وسامحيه على كل شي ضايقك منه بقصد ولا بدون قصد واطلبي منه يسامحك وتأسفي على انك ما قدرتي تحققين له الي يتمناه وراح يدوره في غيرك سواءً تعرفين السبب ولا ماتعرفينه وقولي له البيت الي اخذتني منه وانا معززه مكرمه رجعني له وانا معززه مكرمه واذا لك عيال منه لاتخلينهم عنده وتسوين فها انك مستغنيه عنهم قولي عيالي اذا تبغاني اخذهم اخذتهم معي ولا راح ينقصهم شي واربيهم لك احسن تربيه وبيت اهلي مفتوح لك متى ماتبغي تشوفهم واذا رفض يوديك اتصلي في ابوك ولا اخوانك وخليهم ياخذونك ولا يدرون عن الموضوع الا وانتي في بيت اهلك لأن بعض الرجال يرفض ياخذ البنت من بيت رجالها يقول هو الي يجيبك وتصيرين ضحيه بينهم وروحي لأهلك وامسحيه من تفكيرك وابدي حياه جديد ولا تفكرين بالي مضى والله تتعبين ولا تستفيدين شي وانظري للأمور بتفاؤل وتوقعي ان صاير الأسواء واحمدي ربك غيرك بأحوال مايعلم بها غير الله
واذا تشوفين نفسك قادره تتحملين انه يتزوج عليك ولو قصر معك قادره تصبرين اجلسي بيتك وارضي بقدر الله لك وتعاملي مع الأمور بحكمه ولا تخلين العواطف تلعب فيك وافضل ان الوحده تتخيل انه صاير لها الموقف وتتخذ القرار الي في صالحها ولا اعتراض على قدر الله وتتذكر ان الله اذا احب العبد ابتلاه ولا تنسى الدعاء وتستر كل شي شافته منه وتتذكر ان سمعت زوجها من سمعة عيالها وانها راح تنسى الي تقوله لكن الناس ماتنسى الي سمعته


>>>>> ردود الأعضـــــــــــــــــــاء على الموضوع <<<<<
==================================


اختي دلع والله صعب بكون بهالبرود اكيد ماراح اعترض او اسبب مشاكل

بس لازم بيكون بالنفس شي

واشكرك على حرصك غلى اخواتك يالغالية


__________________________________________________ __________

أوكي ...أول شئ أشكرك ثاني شئ

كل وحده لها ردة فعل معينه في اللحظه ذي نتمنى تكون بعقل وهدوء والله لايجيبها

عزيزتي ... دلع

ألف شكر لمرورك بقسمي ... ومشاركتك الرائعه فيه

أنتظر جديدك

تحيتي


__________________________________________________ __________

يابنات والله اعرف الموقف صعب والله لايجعلنا نمرفيه لكن ايش الفايده من الدموووووووع وصراااااااااااخ والسب والشتم بيغير في الموضوع شي الا بالعكس ممكن تتكلمين بكلام من الزعل وتندمين عليه واذا هو مقصر معك ينكسف من نفسه والله مهما طالت السنين ما ينسى موقفك ذا و بتكبرين في عينه ومثل ما استغنى عنك بسهوله تردينها له وانك قادره تستغنين عنه بسهوله وبنفس الوقت تكونين محترمه نفسك قبل كل شي وتروحين عند اهلك وهناك اخذي راحتك وابكي وصرخي مثل ما تبغين اذا ما تتحملين
وانا عن نفسي والله مستعده اعيش مشرده بشوارع ولا اعيش معه وبقلبه وحده ثانيه انا ما اعترض على شرع الله لكن اعرف نفسي محال اتقبل هذا الأمر والله مادري كيف بعض الحريم عايشات مع ريجيلهن ومتزوجين عليهن


__________________________________________________ __________

اختي الغالية دلع


انا متأكدة 100% ان هذا الموقف ما مر عليكي و إن شاء الله ما يصيرلك هذا الشئ

حبيبتي كلامك سليم و ما اعترض عليه بس

اتكلمت ببرود و كأن هذا الموقف ما يطير للوحدة عقلها

مو كأن اللي واقف قدامها زوجها اللي حبته و ادته كل وقتها و كل اهتمامها مو كأنه اللي ضحكت

و بكت معاه اللي كانت واقفة جنبه في الحلوة و المرة مو زوجها اللي بينهم عشرة


انا يالغالية اتخيلت معاكي الموقف و اتخيلت حبيبي و هو يقولي خطبت فلانة بنت فلان

و وافقت و ح اتزوجها

حاولت اتخيل نفسي ارد بكل ذاك البرود يا شيخة حتى في الخيال ما قدرت

اعتقد اني و بكل برود ح اغرق الغرفة بدموعي و يمر في خيالي كل ضحكاتنا و كل كلماتنا

كل تضحياتي له كل اللي قدمته له يكفي لما اصحى الصباح و اقوم غصبن عني

و بالقوة علشان اجهز له فطور يأكله على طول و هو مرتاح ح اتذكر كل مرة وقفت فيها

قدام البتجاز او الفرن في ايام الحر و المكيف ماله داعي علشان اجهز له اكل

و فوق كل هذا ماراح يجرحني الا لما اتذكر صوته و هو يقولي احبك او لما اقوله و بكل احاسيسي احبك


كيف اقوله بعدها روح الله معاك او حتى اقله مبروك

اذا وقتها قلبه قسي فقلبي ح يكون مشحون بكل عواطفه

هذا اصلاً اذا قدرت اتكلم او اوقف او حتى اشوف اللي حوليا


في ذاك الوقت و على ذاك الموقف ح تطلع ردة فعل الانسان اللي ما رسمها و لا اتوقعها


حبيبتي انا اعرف بنات قويت و لما حصل ابغض الحلال حتى وهم راضيات و بطلبهم ما قدروا يتحملوا

الصدمة او الموقف


احنا كإناث تميزنا عواطفنا

ما اعتقد ان الوحدة عندها القدرة انها تتخلى عن عاطفتها و لو كان هذا الشئ ممكن ما كانت حنت الام

على ولدها اللي آذاها او اللي رماها

مستحيل نتجرد من عاطفتنا و لو للحظات الا اذا ما كان أبونا آدم و ما كانت أمنا حواء وقتها ممكن


و الاختلاف في الآراء لا يفسد للود قضية

تقبلي مروري و تحيتي


__________________________________________________ __________

والله يابنات اثرت فينا المسلسلات والافلام عيب وش الي يبكيك والي يخليك تصارخين هذي سنة الرسول
والله ماحلل الا لحكمه اعرف وحده تزوج عليها زوجها وقالت كلام يمكن انها كفرت بسببه
قالت يوم انا الله حلل الزوجه الثانيه ليه ماشال الغيره من قلوبنا الله يتجاوز عنا وعنها وبالنسبه لي مااتنى ان زوجي يتزوج بس لوقدر الله ابي ارض اسكت