عنوان الموضوع : موضوع هام ياناس
مقدم من طرف منتديات نساء الجزائر

موضوع هام ياناس ابي الردود






السلام عليكم
احبتي بطرح لكم قصتي وابي رايكم ومشورتكم
انا وحدة عمري19 تزوجت واحد عمرة34وهو متزوج من بنت عمه وهي اكبر مني وايه من الجمال وانا بعد جميلةجدا
قبل زواجي يوم خطبني زوجي قال ان زوجتة مريضة ومايبيها ولا يروح عندها وانا على هذا الاساس تزوجته
بعد الزواج اكتشفت العكس اكتشفت انهامومريضة ولا تعبانه ولافيها شي وبالعكس تمامايروح لها ويحبها ولا كان في شي
بس هي ساكنه بالقصيم وانا بالرياض لان اهلهابالقصيم واهل زوجي واهلي بالرياض
المهم بعد زواجنا باسبوعين قال لي بسافر لزوجتي اناماقلت له شي المهم راح وجلس 10 ايام وخلاني عند اهلي ولا كلمن ولا ارسل لي رسالة ولا كانه يعرفني مع انه كان يكلمني فترة الملكة وهو الي يدق بعدمو انا
مشيتها له وقلت اكيد مشغول
لمى جاني للرياض قمت لبست احلى لبس واحلى جلسه سويت وكيك وحلى وفله وشي يهبل
واستقبال ولا احلى
ثاني يوم قالي امشي معي نروح تسلمين على زوجتي قلت مايخالف ورحت للسوق واخذت لها احلى طقم ذهب وسافرت لهامع زوجي
المهم اول مادخلنا للبيت سلمت عادي ورحبت وقام زوجي وحب راسها قدامي انا مشيت الموقف له قلت اكيد بيسوي معي اكثر من كذا كوني انا الي بادرت بالزيارة مع اني مت من القهر من الحركة

ومع مرور الايام صار يسوي اسبوع عندي واسبوع عندها بس انا ايام مايجيني اول مايصير اسبوعي يعني يتاخر يومين او3ايام حتى يجي واذا جاني يجي في وقت متاخر اما هي يمشي لها من الظهرعشان يوصل بدري
واذا جاني جدوله فل تمام مايطلعني ولا يجلس معي يجيبني من بيت اهلي ويرميني بالبيت ويروح فورا لاهله
حتى عمرة ماجلس يتقهوى معي ابد ولا يفكر يرسلي رسله حلوة وانا دايم ارسل له رسايل حلوة واجيب له هدايا ولا عمره فكر يجيب لي هديه حتى اني نجحت بالمدرسه ولا جاب لي شي حتي رغباتي بالجماع لا يشبعها لانه دايم مصدع ومشغول
انا دايم استمع له واساعده واهتم باموره وهو لا يسمعني ابد
منذ فتره وقعت على ظهري مما ادى الى حصول نزيف مهبلي وكنت تعبانه مرة تخيلوا انه سافر وخلاني لحالي بالبيت ولا حتى دق علي يتطمن
ومرة رحت للدكتورة وحللت حمل وطلع مافي حمل وانا حبيت امزح معه قلت له اني حامل قام وعصب واصفر وجهه وانهبل انا وقت شفته كذا علطول قلت له اني مالي حامل امزح معك قام وهدى وتبسم ويخليني اكل حبوب مانع عشان ما احمل ( هو عنده بنت وولد من الاولى)
ودائما يقول لي انتي مالك حق تغارين بس زوجتي الاولى هي الي لها الحق تغار اما انتي لا ودايم يراعي مشاعرها قدامي ولمى اقول له احترم شعوري يسكتني
وكان لدى زوجته الاولى زواج بالرياض فذهب لها مع انه كان اسبوعي مو اسبوعها انا قلت مناسبه مايخالف روح جيبها (انا احسب مافي احد يجيبها اكتشفت ان اهلها بعد جايين طيب ليش ماجت معهم)
المهم بعد ماجت انا عزمتها عندي وماخليت نوع حلى ماحطيت ولا مالح ولا مشروب وكل شي يعني ضيافه تبيض الوجه ولمى دخلت رحبت وهليت وكنت متوقعه زوجي بيسوي نفس الحركه الي سواها مع زوجته الاولى (انه يحب راسي مثلها) بس للاسف انه حتى ماعبرني ولا حتى شكرني على الجلسه الحلوة والاستقبال الحلو::::
(تدرون وش جابت معها لي هديه......... ,,,,,,,,,,,,,,,,,,,,,,,,,,,, جابت لي جزمه الله يعزكم)

بعد فترة صار في عزاء بالقصيم لنا وكان اسبوعها وكان بيمشي لها قلت ودني معك ورجعني وارجع قال لا روحي مع اهلك
مشيتها له قلت يمكن مايقدر يروح بي ويرجع



حتى اهلي اذا رحت لهم صاروا يتمللون مني وكل واحد يسمعني مليون كلمة ليش اني اجي عندهم وانام طيب انا مالي احد اروح له غيرهم انا وين اروح صعبه اجلس بالبيت لحالي لان جربتها بس يضيق صدري لحالي واصلن زوجي صار يعييي يخليني لحالي

ياناس شوروا علي وش اسوي كرهت اهلي كرهت زوجي وتعبت من المعامله القاسية والغير عادله
مع العلم ان لي 8شهور متزوجه

>>>>> ردود الأعضـــــــــــــــــــاء على الموضوع <<<<<
==================================


واضح ان زوجك ندمان انه تزوجك ومو عارف اشلون يتصرف معك

أذا تبين تستمرين معه أتركي حبوب منع الحمل انت من حقك تجيبي عيال
وثاني شي هالمانع راح يسبب لك العقم خاصه انك باقي ماجبتي عيال

استغفري كثير بنيه حب زوجك لك وصلي قيام الليل وادعي ربك يحنن زوجك عليك

حاليا أشغلي نفسك بالصلاة والأستغفار وطنشيه خليه يلاحظ انه ماتفرق معك كان موجود او لا

الله يحنن قلب زوجك واهلك عليك


__________________________________________________ __________

يا الله من هالرجال ؟؟
غريبي الاطوار
الله يهديهم

وش راح تسوي اختي
وش رايك تطلبي الطلاق
لساتك صغيرة وما تستاهلي البهدله
والله انا مخربتها لا تسمعين لي هههههه
ما عندي تفاهم
ما احب الرجال القاسسييين يا ربي


__________________________________________________ __________

الله يعوووووووووووووضكي خير على طيبة قلبكي يالغلا..


__________________________________________________ __________

تكفووووووووووووووووووووووون ابي حللللللللللللللللللللللللللللللللللللللللللللللللل لللللللللللللللللللللللللللللل


__________________________________________________ __________

تبين الصدق تزوجك يبي يتسلى بس فكري في مستقبلك انتي باقي صغيره حرام يروح شبابك مع واحد مايعرف الله
واذا تبين تستمرين معه أتركي حبوب منع الحمل انت من حقك تجيبي عيال
وثاني شي هالمانع راح يسبب لك العقم خاصه انك باقي ماجبتي عيال

حاليا أشغلي نفسك بالصلاة والأستغفار وطنشيه خليه يلاحظ انه ماتفرق معك كان موجود او لا والله يفرجها عليك