يامتزوجات حياكم
عنوان الموضوع : يامتزوجات حياكم
مقدم من طرف منتديات نساء الجزائر
يامتزوجات حياكم
مساء الوروووود والفل والياسمين
هنا ياحلوات جلسة متزوجات او جمعة متزوجات بس ماراح نسب ونحش في احد
لا هنا ودنا نفيد ونستفيد
راح نتحاور عشان مملكاتنا الصغيره
لان كل ربة بيت تتمنى تكون بيرفكت ومثاليه في بيتها بجميع تفاصيله
وماترضى تكون مقصره في تربية اطفالها مثلا
او احد ينتقدها في نظافة بيتها
او ان طبخها خايس
او ان زوجها يعتبرها مقصره في حقه
او يشار اليها من احد بانها قليلة ثقافه
او انها انثى غير انيقه
ولا ربة بيت في الدنيا ترضى انها تكون في هاالمواقف اللي ذكرتها
طبعا ودي نتناقش عن الزوجه وكيف تقدر تنظم جدول حياتها
مابين أطفال وبيت وعمل ودراسه اذا كانت كذالك وبين زوج وبين اهتمام في مظهرها وتطوير نفسها
نجي لنور عيونا
طبعا الاطفال لحالهم ياخذون من الوقت الكثير الكثير
ولازم يكونون نظيفين ومرتبين على طول
ولازم تهتمين في تعليمهم ودراستهم
ولازم ياكلو زين
ولازم تثقفين وتقرين كتب تربيه وتنمية قدرات عشانهم
ولازم تهتمين في نفسياتهم
واكثير الكثير
اما ترتيب العش والمملكه الصغيره
وياويل اللي ماعندها خدامه او احد يساعدها
او مثلا بيتها كبير مو شقه او دور
لان نظافة البيت وترتيبه تاخذ وقت
نظافة المطبخ وغسيل المواعين وتنظيفه بعد الوجبات
وكمان غسيل الملابس وكويها بس ياكثرهم اللي المغاسل عالذمه
بالذات الثياب الرجاليه كويها يكسر الظهر
وكنيس بيت
و و و و
ونجي ل هم هم
وقت مانقول يازين المطاعم تريحنا من الطبخ
لكن يجي اليوم اللي نطبخ فيه
وكل وحده تتمنى تكون رابحه احمد حافظ<<<< جايه من الارشيف
ولاتزعلون تتمنى تكون زي ابله منال اللي في ال ام بي سي
وتصير تدور على طبخات وحلى كشخه وعصير خارج عن المألوف
وياويل اللي مجتمعها كلفه وعندهم السوالف ذي
لا تقولون مو مهم الطبخ
لو اقل القليل القهوه لازم تكون مضبوطه
او حلى حلو لزوجك
ونجي الحين لاهم شخص في الوجود اللي هوه زوجك
وطبعا العلاقه الزوجيه عالم ثاني من العواطف والعلاقات
وللزوجه دور مهم في انها تملي عين زوجها وتحبه ويحبها
وتهيء له جو الراحه في البيت
وتشبعه عاطفيا وجنسيا
وكيف تتعامل مع المشاكل العابره بذكاء
وتحلها.
وكيف تهتم بمتطلبات زوجها
حتى تنال رضا الله اولا
والراحه النفسيه والرضى عن الذات ثانيا
وصدقوني يابنات الزوجه لما تكون مو مقصره مع زوجها من مجاميعه على قولتهم
راح ترتاح نفسيا
ونجي الحين لشي مهم جدا وهو الاناقه والجمال
وياكثرهم اللي تزوجو وهم ورود وما يمديها تجي الصيف الثاني من زواجها الا
وهي ذبلانه .
وياكثرهم اللي تزوجو وهم ايات في الاناقه
واللي تزوجة وفستان زواجها كان تحفه وكانت في الجامعه اسطوره البنات بس
يسولفون في مظهرها واناقتها
وبعد الزواج تتكسر مجاديفها وتصير مهمله لنفسها
لازم الزوجه تكون بنوته على طول
تهتم في جسمها من ناحية السمنه والاهمال حتى لوتشترك في نادي
تهتم في لبسها وتكون متجدده وانثى على طول
في بيتها لها الصلاحيات في اللبس انواع اشكال
قدام زوجها
وفي الطلعات تكون انيقه وجميله
وفي المناسبات تكون نجمه من نجمات هوليود
واذا عندها مشكله في بشرتها لازم تراجع عند اخصائي لان وقتها ما يسمح لتجارب والماسكات
اللي ممكن تفيد وممكن لا
تهتم في الميك اب وتكون متجدده موتجلس على الميك اب اللي عرفته قبل تتزوج
بدون ماتتجدد
وشعرها خفيف من الحمل والولاده
ومعدوم من الصبغات
كل شي وصار له حل لاتجلس مكتوفة اليدين وتنتظر العلاج يسير عليك يوم .
ونجي الحين لتقطه مهمه وهي الاهتمام في الثقافه وتطوير الذات
لازم كل زوجه ما تقتصر نفسها على البيت والشغل ولاطفال والزوج
وبعض الزوجات الله يهديهم
وقتها كله للمسايير والاسواق والاعراس
مو منطق ان وقت الفراغ يهدر بالطريقه ذي..
لازم تكمل دراستها او انها تاخذ من الدورات اللي ياكثرها
تشوف برامج تثقيفيه
لا تقول العيال على سبيس تون مايمدي
خلي لهم تليفزيون لحالهم ولك انتي وزوجك تلفزيون
وقبل النوم خلي جنبك على الكمدينو كتاب
اقري وتثقفي على الاقل ساعه قبل النوم
لان المرأه الغير مثقفه لا يرضاها مجتمعها ولا زوجها ولا اطفالها
وهذي حياة المتزوجات مزدحمه بالمتطلبات
الموضوع هذا نتناقش اذا وحده عندها مشكله مع اطفالها او زوجها او بيتها او طبخها
نحاول نسدد ونقارب في حياتنا الزوجيه حتى نرتقي الى المثاليه ان شالله
وكيف يكون جدولك وبرنامجك اليوم منظم بحيث ماتقصرين في شي من واجباتك
واللي مش متزوجات ولهم راي حياهم
>>>>> ردود الأعضـــــــــــــــــــاء على الموضوع <<<<<
==================================
موضوع حلو يا هادية تسلمى عليه يا قمر
اقولك عنى انا اعمل بس الان فى اجازة
وعندى توام عندهم ست شهور وتلت بنات اكبرهم 8 سنوات وما عندى شغاله
واكتشفت ان اليوم طلع 24 ساعة فقط
اية رايك طبعا شغل البيت والطبخ والاولاد من نظافة ومتابعة منى
__________________________________________________ __________
المشاركة الأصلية كتبت بواسطة ديما علي حق 
موضوع حلو يا هادية تسلمى عليه يا قمر
اقولك عنى انا اعمل بس الان فى اجازة
وعندى توام عندهم ست شهور وتلت بنات اكبرهم 8 سنوات وما عندى شغاله
واكتشفت ان اليوم طلع 24 ساعة فقط
اية رايك طبعا شغل البيت والطبخ والاولاد من نظافة ومتابعة منى
ما شاء الله عليك الله يحرس لك أولادك و يخليكم لبعض بوسيلي الصغار يا قلبي
__________________________________________________ __________
المشاركة الأصلية كتبت بواسطة need ur help
شكرا لك على الموضوع المميز
يسلمو يا عسل
__________________________________________________ __________
ماشاء الله عليكي مو ناسيه اشي
بالنسبه الي متزوجه من سنه ونص حياتي والحمدله مستقره لم ارزق باطفال حتى الان
__________________________________________________ __________
يسلمو حبيبتي على المجهود الرائع
وفي انتظار جديدك
رد مع اقتباس
