عنوان الموضوع : تكفون ابي مساعدتكم -لحياة سعيدة
مقدم من طرف منتديات نساء الجزائر

تكفون ابي مساعدتكم






اولا السلام عليكم وصباح الانوار
يابنات انا والله ماكتبت الا ابي حل منكم لاني وربي تعبت نفسيا اقسم بالله يابنات حتى شعري صار يتساقط بشكل فضيع وكرهت حياتي الله يخليكم ابي نصيحه ابي مشوره ابي احد يفهمني ابي حل والله العظيم خلاص انتهيت
المهم مااطول عليكم زوجي فيه صفه الا نانيه يحب كل شي انه يحصل عليه مني انا مثل الدلال الاحترام الاهتمام بالبيت وهو بالمقابل مستحيل انه يقولي حتى كلمه حلوه احس اني مهمشه في حياته لدرجه تخيلو طالع شهر دوره للعمل له الحين خمس ايام من راح ماكلمني ولا حتى ارسل لي رساله انا رسلت له كذا رساله ودقيت عليه ومايرد علي بس بعدها قلت حتى لو يدق والله ماارد اب نصيحه احد فاهم ويحب لي الخير تكفون رغم والله بشهادته وبكلامه وربي اللي يعلم اني مو مقصره معاه في شي بس اهو مرتاح خلاص مايهتم باالاخرين اهم ماعليه سعادته بس انا لي 5 سنوات وربي يابنات خلاص مليت وطفشت ماعاد اقدر اتحمل تكفون فديتكم شورو علي ساعدوني واللي مايقدر يرد تكفون دعوه لعل فيكم مستجاب للدعوه انه يسخره لي ومهما سويت او اشتغلت يجي يقول وش سويتي اصلن ماعندك شغله دمرني واذا سوا شي وزعلت يقلب الزعل له ومستحيل يطيب خاطري بكلمه واشياء كثيره في حياته مايحكيني عنها ويزعل اذا انا خبيت عليه شي يقول انتي مايحق للك تخبين علي اي شي بس انا عندي خصوصيات تكفون ابي حل وابي مشوره ووش اقوله عشان ماكلم ولا دور علما اني بالبيت بروحي ولا حولي احد من اهلي او اقاربي تكفوووووون
الله يخليكم ساعدوني

>>>>> ردود الأعضـــــــــــــــــــاء على الموضوع <<<<<
==================================


حاولي تتفاهمين معه وقوليله ابغى اعرف ايش قصرت فيه
وحاولي تتواصلي مع الدكتور طارق الحبيب مستشار في الطب النفسي
والمشاكل الاسرية هو راح يحلل شخصيتك وشخصية زوجك وراح يعلمك كيف تتعاملي معه واذا تبغي تتراسلي معه قوليلي عشان اعلمك كيف
ولاتنسي تقومي الليل وتدعي والله يفرج همك


__________________________________________________ __________

عليك بلدعاء في جوف اليل والستغفار بنيه ان الله يهدي لك زوجك صدقيني مو بس زوجك كذا كثير نساء يشكو من هذي المشكله انا اعرف صديقه لي كذا زوجها مايهتم فيها يسافر مايتصل مايسال بس هي تشكي لي وانا علاطول اهديها من هذا الكلام واقولها ادعي وستغفري والله سميع مجيب الدعاء وترين فرق السن بين الزوجين هي متعبه ترين انا تعبت في بدايه زواجي لاني انا كان عمري16وزوجي عمره 30 فكان الفرق كثير تعبت بس مع مرور السنين كبرت والحين عمري 20ومع الدعاء الحمد لله اطباعنا صارت قريبه من بعض واسال الله العظيم بان يهديه لك عاجلا ثم عاجل ويهدي لنا ازواجنا اجميعن ؟؟؟؟؟؟ اتمنا ان اكون افتك


__________________________________________________ __________

تسلمون الله يعطيكم العافيه ولا يحرمكم الاجر وياليت اذا بتفيديني بطارق الحبيب اكون للك من الشاكرين


__________________________________________________ __________

شوفي في برنامج يجي على قناة الرسالة لدكتور طارق اسمه(النفس والحياة)تقدري تدقي عليه وتقوليله مشكلتك واذا ماتبغي تكلميه على الشاشة في اخر الحلقة يحطون ارقام مركزه وايميله واذا تبغي شي انا موجودة وبالتوفيق


__________________________________________________ __________

ايو الله الله يسعد حياتك تكفين لن انا مو عندي قناه الرساله اذا عندك الايميل ياليت وتسلمين الله لايحرمك جنه عرضها السموات والارض