عنوان الموضوع : ابي اتغير تكفون ساعدوني -لحياة سعيدة
مقدم من طرف منتديات نساء الجزائر

غيرتي بتهدم بيتي






السلام عليكم

انا مشكلتي مشكله ومن 6 سنوات اعاني منها وزي ماانتم شايفين اسمي عساني اتغير طبعا للاحسن المشكله اني غيورة وشككاكة وزوجي مايحب اسلوبي وهددني كذا مرة اذا مابطلت هالاسلوب ياانه يتزوج علي او اننا ننفصل وصار انه كان بيتزوج وكشفته وبعدها قالي انه هون بس يجيني احساس بعض احيان انه يكذب علي مع انه يدوام ويرجع للبيت وجوالاته دايم شغاله وموجودة قدام عيني وماله طلعات كثير ولا يحب يسهر ولا له في الغزل والكلام الفاضي من البيت للدوام ومن الدوام للبيت واذا شكيت بشي وتاكدت منه بدون علمه اطلع غلطانه اقولبيني وبين نفسي اخر مرة ماعاد اعيدها بس ارجع اعيدها واتندم وربي تعبت من كثر المشاكل مو هو السبب انا طبعا بسبب غيرتي الي هو مايحبها وسبق وقالي ان كل شي فيك عاجبني بس غيرتك بتخرب بيتك تكفووون وش اسوي احس الا الغيرة مااقدر اخليها مو بكيفي غصب عني اقله هذا شي ربي خالقه فيني اشلون اغيره يقلي تصرفي انا اقول يمكن لانه مايتغزل فيني ولا يهتم من النواحي العاطفية يعني لو انه مشبعني عاطفيا كنت مابغار
المهم الي صار اليوم انه معزوم مع اخوياه على استراحة واخذ العيال معه اضطر انه يرجعهم للبيت لان مافي احد جايب اولاده ركب مع خويه وخويه جالس يكلم واحد بجواله وقتها دق علي زوجي علشان يتاكد العيال وصلو او لا المهم كان خويه يسب ويلعن الي يكلمه انا جا في بالي انه يبتز بنت ويتكلم عليها تهاوشت مع زوجي في نفس المكالمه وقفل الخط بعدها دقيت عليه كان لحاله لان خويه نزل للمطعم وحلف انه الي يكلمه واحد من اخوياهم مو بنت قعدت مع نفسي وتندمت اني استعجلت وقلت فعلا لو انها بنت كان زوجي مادق علي بوقتها
الحين الحل كل اسبوع وحنا بمشكله الحين اكيد بيرجع زعلان ومل مني كل اسبوع وانا اقول اسفة ونفس الموال ينعاد ابي افتك من هالغيره الي ذابحتني بحياتي ومكرهته فيني لدرجة انه يقول لو لحم الخنزير مو بحرام كان اكلتك ارتحت من غيرتك شورو علي تكفووووون
ادري طولت عليكم بس حبيت اطلع كل الي بقلبي

>>>>> ردود الأعضـــــــــــــــــــاء على الموضوع <<<<<
==================================


؟؟؟؟اااااااااااااب


__________________________________________________ __________

20 مشاهدة ولا وحدة عبرتي على الاقل بدعاء


__________________________________________________ __________

الصراحه مو عارفه شو احكي
يعني انتي عارفه انك انتي الغلطانه وما بتحاولي تعالجي حالك
هاد كلو من وسوسه الشيطان
عندي الك طريقه تحاولي انك تسيطري ع غيرتك
لما تشكي في زوجك او تتشاجري انت وزوجي فكري بعقلك انك لو زعلتي رح تخسري للابد
واستغفري ربك وقت المشكله صدقيني رح تهدى نفسيتك ويبعد عنك وسواس الشيطان
اتمنى اكون افدتك وما تزعلي مني
الله يصلح الاحوال بينكم ويصلح حالك


__________________________________________________ __________

يا حيااااااااااتي
الله يكون بعونك,,|,|,,,,بس ما يصير كذا
احس هذا شك قاتل ومدمر لحياتك
بس ان شا الله تتغيرين يارب


__________________________________________________ __________

انتبهي لاتهدين بيتك بسبب اوهام مالها اساس ولازم تعطين زوجك احساس انك واثقة فيه وفي اخلاقة وخاصة انه اغلب الاحيان تطلع شكوكك غلط حاولي تتغرين لان هذا الغيرة الشديدة بتخليك متوترة وتدورين الزلة