عنوان الموضوع : 13 خطوه تخلي زوجك ؛؛ -لحياة سعيدة
مقدم من طرف منتديات نساء الجزائر

13 خطوه تخلي زوجك ؛؛






بسم الله الرحمن الرحيم ؛؛
عيدكم مبارك /كل عام وانتم بخير
في البدايه كم وحده منقهره من سهرات زوجها مع اصحابه
بالديوانيات ؟
كم وحده خسرت المخاسير على المفاجئات والرومنسيات؟
وفي النهايه لقت اهتمام ورومنسيه مؤقته ؟
مراح اقول لك فاجئيه بهدايا ولا ورد ولاكل هذا
اللي بقوله لكم راح يستمر اثره على المدى البعيد ان شاء الله
إذا داومتي عليه وماراح يكلفك شي

نبدأ ببسم الله ؛؛
1- اول خطوه احرصي اختي انك تكوني متواجده قدام عينه
قبل مايطلع الدوام ولما يرجع من الدوام
صدقيني ينقهر الرجال لما يروح الدوام ويرجع ويلقاك نايمه
كلها ربع ساعه إذا دخل دورة المياه
جهزي له الفوطه وثياب العمل وجهزي له شي خفيف ياكله
2- البووسه ؛
عودي زوجك على البوسه البريئه الحنونه لما يلبس ويجهز
قبل مايروح الدوام بوسيه بوسه حنونه
راح يتعود قبل مايروح لازم البوسه
وإذايوم كنتي مشغوله ولا زعلانه
بيجيك يبوسك بنفسه وحتى لو ماجاك
اكيد بيحس ان في شي ناقص

3- جيبي لك ورق الملاحظات الاصفر ولا اي ورق عادي
عوديه انك تكتبين له فيها ملاحظات
مره انا سويتها له كتبت له عبارات رومنسيه وحلوه
مثلاً : على باب الشقه من داخل كتبت انتبه لنفسك حبيبي
على مرايه الحمام وانتو بكرامه كتبت
وش هالحلاوه ياقمر وغيرها وغيرها .....
واللحين تعود ع الملاحظات الحلوه
صرت اشوف ملاحظات بكل مكان يكتب لي

4- سيطري على غضبك /سيطري على غضبك / سيطري على غضبك
اكبر مشكله تهدم البيوت هي لحظات الغضب
كم وحده منا سوت زوبعات ومشاكل يمكن تسبب الطلاق
بسبب لحظات غضب؟
وفي النهايه ندم ومعامله قاسيه وجافه وعناد من زوجها
انا كنت لما ازعل اعصب وابداً بالصراخ والبكاء
كان زوجي يتركني ويطلع من البيت
اللحين لما ازعل من داخل اكلم نفسي واقول لا تعصبي
خليك انتي سيدة الموقف
لانك لو عصبتي حتى لو كنتي على حق
وربي راح تنقلب عليك السالفه
وبتكوني انتي اللي ترفع صوتها عليه
وانتي اللي ماتحترمين وصوتك طلع عند الجيران
حاولي بعد ماتهدئي تتفاهمي معاه بكل هدوء
وتبينين له ان اللي سواه زعلك واكيد راح يعتذر

5-قللي من طلعاتك
انا في ايام الخطوبه كنت اتضايق لانه كل مايكلمني
يقول سهران مع اصحابه
ولا في المول يتمشى معهم ويتسوق
كنت خايفه بعد الزواج يسوي نفس الشي
نصحتني الوالده الله يحفظها نصيحه تسوى ذهب
قالت لي لاتخلي زوجك لحاله في البيت
وربي وربي ماكذب انه صار مايطلع الا بيت اهله
ولا حق الكوره وقت العصر غيرها مايطلع بدوني
لاني ماعودته اني اطلع اتمشى ولا اروح واجي بدونه
صدقيني لو رحتي تمشيتي مع صاحباتك ولا خواتك بيتملل
وماراح يلقى الا اصحابه يتسلى معهم
مااقول احبسي نفسك بالبيت لا بس حاولي ماتطولين الزيارات
ولا تخلينه ينام وانتي برا في بيت اهلك نايمه ولا سهرانه

6- النظافه والريحه الحلوه
عودي زوجك انك تكوني نظيفه وريحتك حلوه
سواء من ريحة جسمك ولابيتك
ولااقصد انك ترشين عطر من فوقك لتحتك عشان تصير ريحتك حلوه
لا ؛ انا اقصد ريحة النظافه
استخدمي الشاور جل بدل الصابون القطع
ريحتها تظل اكثر بالجسم
امسحي جسمك وهو رطب بزيت بيبي جونسون
فوق انه يخلي الجسم ناعم ريحته رووعه مثل البيبي
وتريح الزوج لما يشمها في زوجته
احرصي على الاستحمام بشكل يومي
وإذا كنتي تخافي على الاستشوار لفي شعرك بفوطه واغسلي جسمك
وريحة البخور عشان لما يرجع البيت تريحة الريحه ومايشم ريحة بصل

7-قبل ماينام ؛
لاتخليه يدخل الغرفه ينام بدونك
لاززم يتعود على وجودك جنبه في السرير
لا تنامي وهو يصحى والعكس
ولو ماكنتي نعسانه ولا عندك شغل في البيت ولا ولا
بعد مايدخل الغرفه ادخلي غطيه زين وبوسيه وتمني له احلام سعيده
راح يسوي لك نفس الشي لما يلقاك نايمه

8-اهله؛
حاولي قد ماتقدري تحسسيه انك تحبين اهله
مفتاح الرجال امه إذا عاملتيها زين واحترمتيها
صدقيني اي يوم يزعلك وتكتشف راح توقف بوجهه وتخليه يراضيك
يعني يوم اطبخي حلى قولي له ودي بيت اهلك
إذا كان عنده خوات خذيهم يوم مشيهم مع زوجك
صدقيني راح يفتخر فيك عندهم وراح يحبونك
وترتاحي من مشاكل اهل الزوج
9-دلعيه ؛
طبعاً مااقصد الدلع اللي يكره الرجال في عيشته
ماراح تخسرين شي إذا صرتي تسمين زوجك ياحبيبي ولا ياعمري
لما يطلب منك شي مو تقولين له اوكي
قولي ان شاء الله حبيي وشوفي التأثير
قبل ماتطبخي اسئليه وش مشتهي غداء ياعمري
بكذا بيحس انك تطبخي عشانه ومنها ماتتعبي في التفكير ولا كثرة الطبخ

10- وفي النهايه وهي الاهم حاولي تحافظي على الصلاه بوقتها
وتهتمي بالعبادات
صدقيني اهم من كل شي بالنسبه للرجال
إذا جاك ولقاك على السجاده بيحس براحه ان انتي زوجته اللي
تخاف الله واللي يقدر يأمنها على بيته وتربية عياله


وفي النهايه انا طبقت كل هالاشياء ؛؛
وزوجي يقول لي انا إذا دخلت البيت
ومالقيتك او شميت ريحتك
اقول مااظلمك يابيت
مع انه في البدايه كان مُتعب وماكنت اقدر اتعامل معه
وكنت دايم افكر ان مافي منه امل

إذا جربتو ادعو لي الله ان الله يرزقني بالذريه الصالحه

دمتم بود

>>>>> ردود الأعضـــــــــــــــــــاء على الموضوع <<<<<
==================================


غلطت وكتبت 13 خطوه وهم عشر خطوات


__________________________________________________ __________

يسلمو حبيبتي على النصائح الرائعة
انا بطبق معظم هذه الامور والحمد الله حياتي انا وزوجي
زي العسل وبتجنن
الله يديم المحبة


__________________________________________________ __________

تسلمي يا قمر على النصائح
الله يسعدك مع زوجك دائما
ويرزقك الذريه الصالحه


__________________________________________________ __________

الله يهنيك ويسعدكم ببعض
يسلموووووووووووو


__________________________________________________ __________

يعطيك ربي الللللللللللف عافيه