دلعي زوجك حياة زوجية
عنوان الموضوع : دلعي زوجك حياة زوجية
مقدم من طرف منتديات نساء الجزائر
دلعي زوجك
دلعي زوجك
السلام عليكم حبايبي
ومساء الورد والفل والياسمين والكادى والجوري والبخور واغلى انواع العطور
امممممممممممممممممممممممممم
عزيزتي الزوجه :
دلعي زوجك موتنكدين عليه ؟
الزوج ياعزيزتي كل اللى محتاجه انه يكون مرتاح في بيته
بعد مايجي من عمله تعبان ومرهق تكوني جهزتي له حمام عشان يتروش ويروق
وبعدها يكون غداه جاهز ومرتب وبعدها ينام له شوي
صدقيني راح يقوم واهو مفرفش واطلبي منه اللى تبين ساعتها
مو زي اغلب الحريم ياكافي
يجي زوجها واهي تشاخر فى سبعين نومه ملت بطنها من فضل ربي وحطت راسها
وتلاقين كرشة الوحده وش كبرها اكل وتسدح
ويقولون ليش رجالنا مايهتمون بنا
يقطع بليسك انتي واهي خففو هاالكروش الوحده كنها حامل باالتاسع من كبر بطنها
الحين فيه انديه للتخسيس يخلون جسمك كنه دله ويرسمونه لك رسم
امشى وتحركي اذا ماتبين تشتركين او ماعندتس فلوس
شوارعنا وش كثرهن وطولهن لو تمشين كل يوم كيلو نزل وزنك كيلو
بس الله يهديكن ذبحكن العجز مع ان اغلبكن عندهن شغالات وعندهن فراغ بس مااستغلنه بشي ينفعهن
قصي شعرك واصبغيه كل شهرين او ثلاثه
غيري بشكلك الرجال يحبون هاالحركات ترى
مهوب عذر شغل البيت ترى كله حبة رز ومعها ملوخيه ولا سلطه وخلي المواعين على الشغاله
وتفرغي لزوجك
روشيه ترى مهوب عيب وفخر والله له ولك بعد
اما انه يجي للبيت ويشوف عليك قميص لك اسبوع ماغيرتيه وشلون تبينه يهتم بك ؟
البسي له سترتش ولا بنطلون جنز والا من هالحركآت النص كم ( هبلي فيه ) وخلي ريحك دايم حلوه كنها ريحة طفل
غيري ترتيب البيت
الاثاث غيري مكانه مكانه حوض السمك والكنبات واشجار الزينه غيريه
ترى الحركات هذى تبسط الزوج ويكون اقرب فيها لزوجته
راعي مشاعره وظروفه الماديه مهوب اذا صار نص الشهر وطفر الرجال
قلتي ابي فلوس ولا ودنى للسوق
خلي عندك اتيكيت بطريقة وضع وترتيب سفرة الاكل
جمليها مهوب تحطين سماط والا جريدهـ وفوقه صحن ولبن كننا فى مطعم على طريق القصيم
غيري الاكل وكثرى السلطات ترى الرجال يحبونها ويحبون المفاجأت باالاكل والعصيرات وغيره
فى غرفة النوم قبل لاتنامون حاولي تقرين قصه انتى وياه وعيشو احداثها ويفضل القصص الرومانسيه
وانتي تكلمينه العبي بشعره ودلعيه
اليوم شكلك يجنن
ياحلو ريحتك حبيبي
يازين الرجال انت احبك
اليوم مشتاااقه لك مووووت
وهو فى عمله ارسلي له مسج قولي له احبك ياابو فلان ولا ياحبيبي
انتظرك حياتي على الغداء لاتتأخر علي مجهزه لك اكله تهبل
اشياء في نظر البعض بسيطه بس تعنى للرجل الرومانسي الكثير
عكس المهمل لنفسه ماراح يهتم لاشياء زي كذا ولكن انا ماحطيتها
الالجل تحافظين على رجلك وبيتك
ودااااااااااامت اياااااامكم دلع في دلع
>>>>> ردود الأعضـــــــــــــــــــاء على الموضوع <<<<<
==================================
رهييييييييييييبه أنتي مبدعة ننتظر جديدك جبيبتي
__________________________________________________ __________
يعـــــــــــطيك العـــــافيه ياليت الكل يطــــــبق هالكـــلام ...
__________________________________________________ __________
ان شاء الله .شكرا على الموضوع .
__________________________________________________ __________
__________________________________________________ __________
رد مع اقتباس
