عنوان الموضوع : زوجي يسرق مكياجي مالعمل -مجابة
مقدم من طرف منتديات نساء الجزائر

زوجي يسرق مكياجي مالعمل






السلام عليكم ورحمة الله وبركاته


انا متزوجه من اربع سنوات وبعد فتره من زواجي


عند وضعي للميك اب الاحظ تغير اماكنها وفي كل مره الوم نفسي باني موسوسه وهذا من الشيطان وبعد ولادتي بعد مارحت لبيتي انصدمت بان اغراضي مستخدمه وشارفت على الانتهاء مافيه في البيت الا انا وزجي ومستحيل طبعا اشك بزوجي وبعدها رجعت المشكله تغير الاماكن وكنت اتعمد احط هذا هنا وهذا هنا ولما ارجع للبيت القاها متغيره ،،،،،،،،،،،،


بصراحه مره تعبت نفسيا من التفكير قلت اكيد البيت مسكون وقلت لزوجي ان البيت مسكون واخاف فلما سالني علمته عن السالفه قالي انتي تتوهمين وجلس يطمني بعدها فعلا ماتغير شي وكل شي بمكانه ،،،،،،،،،،،



بعد فتره كنت في السياره وزوجي نزل للسوبر ماركت وكان ناسي جواله في السياره جاء مسج على جواله طبعا انتوا عارفين الحريم ولقافتهم فتحت جواله وكانت الصاعقه ،،،،،،،،

المرسل محمد ال؟؟؟؟؟؟؟؟؟؟؟


نص المسج(مساء الخير يابعد عمري انشاء الله تكون اعجبتك هديتي / اشتقتلك اذا فضيت كلمني / احبك )

جلست افتش الجوال وحصلت بالوارد رسائل رومنسيه بحت من نفس المرسل طبعا انا قلت مين بنت الكلب هذي ومدري ايش جلست اسب والعن فيها شوي اقول حبيبته وشوي اقول لا يمكن زوجته بالسر كنت متاكده ميه بالميه انها بنت واضح من الرسايل


ولما فتحت الرسائل المرسله وجدت الصاعقه الاعظم


ان زوجي يرسل لنفس الشخص رسائل رومنسيه لدرجة رسائل انا كاتبتها له من تاليفي يعني واحيانا اختمها (اهداء خاص لك يا؟؟؟؟؟؟؟؟؟؟؟ اللي هو اسم زوجي )وتفاجات انه مغير الاسم اللي هو اسمه وحاطه (اهداء خاص لك يامحمد)








رحت لسجل المكالمات واثاريه اربع وعشرين ساعه يكلمها طبعا الى الان متاكده انها بنت بس قلت يمكن الاسم تمويه ............



بصراحه ماتحملت ودقيت على الرقم من جوال زوجي فرد الشخص بـ هلا والله وغلا على طول سكرتها بعدين رجع اتصل مارديت الامهم اني سيفت الرقم عندي بالجوال,,,,,,,,,,


بدات حملة التفتيش وجلست افتش بالسياره وللاسف طلع سارق الميك اب زوجي لاني شفتها في درج السياره المخفي شنطة ميك اب فيها مخفي عيوب وكريم اساس ومرطب لابيلو الاحمر الغامق اللي هو انا احط منه في البيت لانه يعطي لون ومرطب شفايف اللي يعطي ريحة ونكهة فراوله ماعرف وش اسمه
جدا جدا انصدمت رجعت كل شي مكانه وانفجرت بالبكي هذي حيلتنا يابنات حواء والا لو كان هو مكاني كان قامت القيامه بس حسبي الله على كل زوج خاين وظالم الله لايوفقه بدنيته ولا باخرته ،،،،،،،،،،،،،،،،،،



جاء زوجي استغرب ليش ابكي انا على طول انفجرت وقلت له كل شي ،،،،،،،،،،،


تصدقون الموضوع على طول اقلبه علي ليش افتش في خصوصياته وبرر لي انه خويه هذا اسمه كذا وكذا وانه هو اللي يطلب منه يرسل له رسايل رومنسيه يقول عشان يرسلها لزوجته ولما سالته عن الهديه قال انه غلطان مو له الرساله لزوجته وغلط بالرقم وكلمه قدامي والميك اب قال كل اشباب يستخدمونه عادي وانتي قرويه وماتعرفي شي وانكر انه هو اللي ياخذ من ميك ابي مع اني متاكده يعني مشاني بكلمتين اي كلام وقالي بتصدقي والا بالطقاق



وجلسنا فتره هو زعلان وانا زعلانه واللي قاهرني انه راح يقول لامه اني اتهمه اتهامات وسخه واني مريضه وموسوسه ودقت امه علي تخانق ولما خلصت قلت لها هذا اللي شاطره فيه المشاكل روحي الحقي على اولادك الباقين وربيهم وربيهم كويس لانهم بذمتك وسكرتها ،،،،،،،،،،،،،


وفي يوم كان جالس برا بالخيمه الساعه ثلاث في الليل استغربت انه طول طلعت له وسمعته يتكلم بهمس فلما دخلت عليه ارتبك مره وقلت له حط السبيكر فحطه وقاله اوكي يامحمد اكلمك بعدين ولما اخذت الجوال طلع نفس الشخص وشفت مدة المكالمه ساعه واربعين دقيقه


دخلت البيت ودخل معي على طول رحت انام وماجاني حتى هو ماجاه النوم يتقلب رحمته قلت يفكر فيني ووشلون يراضيني مادريت الا وهو يتسحب من الغرفه واخذ الجوال معه على باله رقدت ماطلعت وراه لاني عارفه انه هالمره بيكون حريص ومحتاط غاب يمكن ساعه ورجع وبعد مانام فتحت جواله ولقيته يوم يتسحب راح يكلم حبيب القلب لايزعل عليه واثاريه يفكر فيه مو فيني


ماتحملت ودقيت على الشخص وجلست ادعي عليه وسكرتها بعدها بيومين دقت علي حرمه قالت لي تعرفين صاحب هالجوال اللي هو محمد انا مره انصدمت وفرحت قلت يمكن بتبشرني انه توفى قلت لها ايه اعرفه الله لايوفقه قالت انا زوجته وصارت المسكينه نفس حالتي تتخبط تبي اي شي يريحها وطلعت ملاحظه اللي انا لاحظته على العلاقه اللي بين زوجي وزوجها وان زوجي دايم يجيبله هدايا رومنسيه والرسايل والمكالمات والمصيبه ان اسم زوجها طلع غير اللي قالي زوجي وغير الاسم اللي هو مسيفه عنده بالجوال ،،،،،،،،،،،،،،ولما قلت لزوجي عن الحرمه واني مو شكاكه والا موسوسه راح وكلم زوجها وقالي والله ان شفت رقمها انك مكلمتها انتي طالق،،،،،،،،،،،،،،،،،،،



تركت الموضوع لانه عنده انكار شديد وانا ماعندي دليل ومن بعدها وانا دائما بمشاكل مع امه اكيد ماراح تصدق بولدها



ومن وقتها وانا اتحسر احس اني متزوجه حرمه مو رجل لدرجة اذا جاء يطلع للدوام يجلس بالسياره ساعه يحط الميك اب ويتعطر بعطورات نسائيه خاصه جدا اشتريها لي بعدين هو اللي يستخدمها اذا جاء يطلع واذا استنكرت تصرفاته قالي انتي قرويه وماتعرفي شي الحين الشباب كلهم يسووا كذا




وجواله مليان راعي اللكزس وراعي الكامري ورعي الرانج ومدري ايش ومره هو عندي وسويت بحث بلوتوث واثاري بلوتوثه (رومنسيه جدا)



ومن بعدها وهو يقول خلاص انا بتزوج انتي طحتي من عيني بعد مافكرتي فيني كذا وحياتي كلها مشاكل ويتحرا الزله مني عشان ياذيني والمشكله امه بصفه مع انه مطلق وحده قبلي وملاحظه عليه نفس الشي وامه معاه علي وعليها والحين لما قالها بتزوج تقوله اصبر فتره لين تتحسن امورك وبعدين تزوج يعني عادي عندها ،،،،،،،،،،،،،،،،،،،





ارجـــــــــــــــــــــــــــــــــــــــــــــــ ــــــــــــوكم ساعدوني

مالعمل مع انه الى الان منكر بشده انه فيه شي غلط بينهم

__________________

>>>>> ردود الأعضـــــــــــــــــــاء على الموضوع <<<<<
==================================


حبيبتي في مليون طريقه وهي انك تنسين االي راح وتبداين بالجاي

الرجل كالعلبه بين ايدينك حاولي التركيز شوفي الحين روحي له وقوليه((((((((((انا اسفه يا بعد عمري لاني شكيت فيك)))))))))

وحاولي تقولينه كلامات تذوب وشيء من الغرام وليله رومنسيه كثري بالدلع كثري مرة بالدلع

وتمكيجي وتزيني واذا جاء ادعكي رجوله بالماء المهم حاولي تفهميني انو الحين مالك الى الجوء الرومنسي

لاتخلين احد ياخذه منك ................


__________________________________________________ __________

مشكلتك غريبة والله بس الاحظ ان زوجك علاقته برجل اخر؟وليست انثى ؟يعني المشكله هنا مثلية !!ولكن هل انتي متاكدة بان صاحب الرقم رجل؟اذا عرفتي وتاكدتي من الطرف الاخر رجل او أمراة عندها نبحث سويا عن علاج!الله يهدي شبابنا

على فكرة انتي متسرعة جدا لاتدخلي أمه في مشاكلكم لاني وبصراحة اشك من اللي ماعرف يربي الله يهديها
عزيزتي ماهي أحوال زوجك الجنسية معكي طبيعية ام يطلب منك الدبر؟؟
ايضالاتفاجئيه بكل ماوجدتي كوني صبورة وحكيمة>>الله يطولك ياروح!!
يعني صعب تقولي له حتى زوجة صاحبك لاحظت مثلي ؟حلف بالطلاق!كان من الممكن ان تكون رفيقة دربك في العلاج
عزيزتي عالمنا أصبح ملئ بالاباحيات الجنسية وكل يوم وهم يبحثون عن الاكثر اثارة مرة بالمثلية ومرة بالجماعي وماخفي كان أعظم
لاتستعيني ابدا بامه لانها ترى انها أحسنت التربية وانتي التي لاتعرف كيف تحافظ على زوجها
حسني علاقتك بزوجك قليلا لاتشعريه بانك لاتثقي به بل لاتختلقي المشاكل ابداي بخلق شخصية رومنسية أخرى فيكي ليحبك ويترك من أحب ولو قليلا
عزيزتي باذن الله سارسل لك موضوع على الخاص فيما يتعلق بمشكلتك انتظريني


__________________________________________________ __________

الصراحة ياختي مادري شقول لك

بس اللة يساعدك ويصبرك علية احس انه من الجنس الثالث .


__________________________________________________ __________

حبيبتي أفضل شي تجلسي معو جلسة مصراحة
بعد ما تعطيه الامان وتحسسية بالثقة
ولازم ينحل الموضوع بهدوء وبحكمة
لا تتسرعي بالحكم عليه

والله يكون بعونك


__________________________________________________ __________

الله يعينك ويصبرك اشك والله واعلم انا زوجك شغالين فيه الشباب بالحب والمهايطه الله يهدي شباب المسلمين.............واذازوجك طلبك من الدبر فااعرفي انه جنس ثالث ثانيآآآآ ماودي دخلتي امك بينكم لانك خربتيها............اذا اخوانك اقرب واحد في اخوانك خليه يراقبه من بعيد لبعيد من غير مايدري وصدقيني دعاء الليل والصلاه الليل وخاصة السجود الله معك