عنوان الموضوع : والله طفشت مدري ايش اسوي لحقوني حياة زوجية
مقدم من طرف منتديات نساء الجزائر

والله طفشت مدري ايش اسوي لحقوني






متزوجه لي سنتين و8 اشهر زوجي جدا حجري مرررره كم مره مد يده علي وصبرت وبعدين شيكت للوالد ماقصر قال خذ مهرك وجيبلي بنتي قال ابيها والله ماتتعوض بنتك ياعمي صبرت ومشيت بالحياه وكان من غبائي ارضى بسرعه
بعد فتره تعب ابوه حييييل واضطر انقل في ديرته ماقلت لا قلت عادي مدامه في سبيل عمي و زوجي الله بيعوضني في اولادي اذا رزقني الله وخذتلي بيت في ديرة ابوه والبيت مره جناااااااااان حيل واجاره 16000 الف بس شي خياااااااال اتاقلمت في البيت وباقي ماسكنته لين الحين جو اخوانه قالو ايش تبي بالشقه بعيده عن بيت ابونا وهي والله ماتبعد الا5 دقايق خذ بيت قدام ابونا رخيص حيل دور وجدا قديم ايجاره 6000 بس اللي قهرني انه ماخذ رااايئ ابد وقال تم بس الحمدلله صاحبه ماطلع يوم ركبت معه بالسيااره وانا رايحه لجده لبيتي اللي بنقل منه قلت انا والله ماانقل للبيت اللي قدام ابوك من حقي اختار بيتي وشكله لاني انا اللي بسكنه وبرتاااح فيه قالي اسكتي يازباااااله الله يخذ وجهك وهو دايم يدعي كذا وانا والله رفعت صوتي من قوة الظلم اللي انا فيه قعدت كذا يوووم واحنا مانكلم بعض وانا من طبعي لازعلت ماانكد على روحي افلها مع عمري واغني وارقص تدرون ليش لاان العمر واحد ماهمل نفسي عشانه مرررره فناداني ماسمعته كنت اسوي العشاء وحاطه سماعات الجوال بااذني فتح على المطبخ وقعد يصااارخ ليش تسمعين اغاني كم مره اقول ماتسمعين قلت انت اغلب وقتك على النت وطرباااان حتى لااخر وقت الساعه4 الفجر مالمتك ابد قام يرفسني برجله قلتله حدك ماتمد يدك تفهم وقعديكفخ فيني لين ماتورمت يدي وطلع خضاااار جامد واللع يعورني قلتله احجزلي لااهلي انا جايه من بيئه محترمه وبنت عز قااااال الفاظ دنيئه انقلعي لااهلك قلت والله لااتصل بااهلي ويمسكني عشان مااتصل قمت دقيت على الوالد وماخليت على قلبي قال الوالد يصير خيييير على ان الوالد قاله قبل والله لوتعيدها ماتجلس عندك لحظه
واللي قاهرني اخوانه حريمهم والله كانو عايشين بديرت ابوه بس يقولون مانبغاها احد يعيش فيها وانا بنت الرياض رحت وعشت بديرته ولا اكرمني ويبي البيت قريب عشان اطيح بوجهي من كثر الكررررف لااخوانه وازيدكم بعد ماتزوجت ب3 اشهر جلس عندي اخوه لين الحين يدرس بالكليه واخته حلست سنه ومشت وقدرت ولااحترم هدا كله وفي النهائيه ابي الطلاق واعيش عمري اللي باااقي عمري 28 سنه وماعندي بزوووووووره ابد ابي رايكم نخيتكم

>>>>> ردود الأعضـــــــــــــــــــاء على الموضوع <<<<<
==================================


الله يكون في عونك حبيبتي

حاولي تصبري ... او انك تتعايشين مع وضعك الجديد واذا ما تقدرين استخيري الله

وانصحك بالاستخارة قبل اي خطوة تخطيها


__________________________________________________ __________

االله يعينك يارب ويصبرك بصراحه انافي نظري اسوء رجل اللي يمديده على رفيقة دربه وقاضية حاجته مدري كيف له وجه يطلب حاجته اويعاشرك وهو لسى ضاربك ماعليش حبيبتي لاتزعلي مني بس هذي الحقيقه المره اللي نغطي عيونناعنها وهيه معاشرة اللي يضرب صعبه جدا لان الوحده تتزوج تبغى تسعدنفسها مو تتعسها وتعذبها عموما استخيري كثير وادعى كثيرفي الاسحار واقول لك على دعاء مجرب بفضله شفت الخير وهو اللهم اني اسالك رضاك الله يوفقك ياقلبي ويسخر لك زوجك ويهديه يارب


__________________________________________________ __________

الله يعينك
على كلامك زوجك صعب المعشر صراحه
ضرب واهانه وقلة احترام وتقدير من اهله
يعني ما اعرف انتي صابرة على ايه
كل اللي كتبتيه شي لا يطاق من البدايه
لازم تتخذي خطوة تحدد مسار حياتك

الله يعينك ويختار لك اللي فيه الخير


__________________________________________________ __________

الله يكون معك وسخرلك زوجك يا رب


__________________________________________________ __________

هذي حياتك انتي الي تقررين يعني لو وحده فينا قالت اطلبي الطلاق بتسمعين كلامها مايحس بنار الا واطيها فكري بمصلحتك وين ومعه ولا بدونه انتي تحبينه ولا لا عندك قدره تتحملين الاهانه وليه خاصه مافي عيال عشان ولله اقول صبري عشانهم فكري وشوفي نفسك