عنوان الموضوع : طالبة مساعدتكم ما تتخلو عني من شان ولادي ساعدوني -مجابة
مقدم من طرف منتديات نساء الجزائر

طالبة مساعدتكم ما تتخلو عني من شان ولادي ساعدوني






السلام عليكم ورحمة الله وبركاته

اخواتي العزيزات انا كتير تعبانة وحاسه حالي رح انخنق اتعبت من المشاكل كل يوم مشكلة.

والقصة بدت من يوم ما كشفت انو زوجي بشوف صور اباحية وساقطات على النت وكمان مخزنها على جهازو. واجهتو واعترف وحكيتلو انها اخر فرصة بالذات انها مش اول مرة تخيلو موقفي لما الاقي الاواعي الداخلية الخاصة به مليانة بالسائل المنوي بعد ما تفرج على هاي الصور والساقطات. مع اني والله ما انا مقصرة من اي ناحية * ذهبي ومجوهراتي بعتهم عشان اطلعوا من مشكلة مع اهلو، راتبي كلو معاه وانا باخد منو مصروف، وكل ما نحتاج ماديا انا بحاول ادبر المستلزمات بس عشان ما يدايق،
ورضيت اسكن معاه في بيت أجرة ما بتسكنو الحيوانات بعيد عنكم بس لاني ما بدي من الدنيا غير الستر والزوج الصالح
هو قدام كل الناس ملتزم والكل بحسدني عليه وما بعرفو عن الافلام والصور الي بيشوفها . وفوق كل هاد بخبي علي كل اشي بيصير معاه وما بعرف الا من اهلو او من حد غيرو.
والله العظيم اني حلوة وملتزمة ودايما بلبس وبغير من نفسي وبجدد في كل اشي.

بس شو جازاني ****** الخيانة والكذب والعصبية الي ما بتنتهي
كل يوم مشاكل مشاكل مثلا امبارح عصب علي وخانقني لاني مسكت جواله وبعد ما اخدهمني وخباه في جيبو قعد يمسح في اشياء كانت موجودة عليه وبعدين سكره.

انا ما بدي اولادي يعيشو في هيك اجواء هلا هم اصغار بس بكرة بكبرو

وانا هلا ما بحكي معاه ومش عارفة شو اعمل دلوني شو اعمل بس ارجع على البيت اليوم



وكيف اتعامل معاه مستقبلا
ربي يسعدكم ويخليكم ما تخلوني لحالي ساعدوني انا ما بقدر احكي لحد بعرفو لانو الموضوع كتير حساس

>>>>> ردود الأعضـــــــــــــــــــاء على الموضوع <<<<<
==================================


راجيتكم لا تخيبوني والله محتاجتكم


__________________________________________________ __________

حبيبتي في نقاط لازم تقعدي انتي و جوزك و تحسميهم يعني اول شيء لازم تختاري الوقت اللي يكون فيه رايق و تتناقشي معه في الموضوع يعني مش ممكن تكملو حياتكم صراعات و خصامات
اساليه ايش رايه لو وجد هذه الصور الاباحية عند واحد من اولادو شو راح اكون موقفو
ذكريه بان الله بيشوف افعالنا و يمكن يعاقبنا بعقوق اولادنا لينا خوفيه من عواقب هذه الافعال
و الضاهر ايضا انك مدلعه جوزك كتير شو يعني انو راتبك كله عندو و انتي تاخذي المصروف
وانتي تتدبري كل مستلزماتو المادية سامحيني يا اختي بس هذا غلط
يعني وين مسؤولياتو هو اذا كان هو فقط رجال البيت بالكلمة فقط ما لازم هيك
لازم احس بالمسؤولية اتجاهكم و هو اللي يدبر مستلزمات البيت و الاولاد
تساعدي جوزك في المصروف صح بس مو يعني انك تتحملي كل شيء لوحدك
حبيبتي اكثري من الصلاة و الدعاء له بالهداية و حاولي تتقربي منه و تعرفي السبب اللي مخليه
يدمن على هيك صور حاولي ما تخليلو فراغ احكي معه اخرجو السوق ما تخليه
و ربنا يهديه اسفة اني طولت عليكي


__________________________________________________ __________

شكرا لك حبيبتي سابرينا بس انا حابة تساعديني وتدليني شو اعمل معاه اليوم بالذات لاني ما بحكي معاه ومتخاصمينوكيف ابد بالحكي الي حكيتيه


__________________________________________________ __________

لما ترجعي للبيت اذا كان هو لساته برا غيري اواعيكي و تزيني باحلى زينة و تعطري
و حضري سينية الشاي او اللي يحب ياخدو بعد الدوام و لما يدخل رحبي بيه متل
اجيت حبيبي هلا كنت في بالي و سويتلك احلى شاي مع ابتسامة حلوة منك صدقيني
هو راح اجاوبك و بعدين احكي معاه عادي و لا تجيبي سيرة الموضوع الحين حتى
تهدا الامور بيناتكم.
اما اذا دخل هو قبلك انتي ادخلي البيت و سلمي عليه مساء الخير حبيبي كيفك انشاء الله
بخير بعدين غيري ثيابك و زي ما قلتلك او اطبخيله اكله بيحبها و قوليلو
و الله كنت في بالي و حبيت اعملك اكلة حلوة من ايداي انا متاكدة انو راح يتجاوب معك
و يارب تفرج بيناتكم . بس طمنيني عنك بعدين و انا راح استنى ردك و بالتوفيق حبيبتي


__________________________________________________ __________

كيفك حبيبتي
وكلي امرك لا ربك
وانا بنصحك تكوني جريييييييييييييييييئة كتيررررررررررررررررررر
لانو ما تفرج علمقاطع الا وعاجبيتو الجراة الى درجة الوقاحة
اسف يا عمري بس هادا الواقع

وبالنسبة لا راتبك يا عمري غلط تسلمي اياه وتاخدي مصروف
خلي الك استقلالية بشخصيتك لي طمستيها بلمرة

كل وحدة بتحب زوجها انا يا عمري باول حياتي جربت اكون تابعة الو صدقيني انو مل مني وحكالي بدي الك راي ديما

لا هيك مو كل لرجال بتحب الزوجه الي كتييييييييير مطيعه لا بدك تبيني شخصيتك اشوي يعني ما تعاندي بس حلو يكون الك شخصية يا حبيبتي

واذا بدك الجد بليوم استغفري الف مرة او قد ما بتقدري

وتصدقي لا فقيرة بنية انو يسخرلك زوجك

وكل ما تشوفي بينك وبين نفسك ضلك احكي يا ودود يا ودود

وكثري من دعاء
يا مقلب القلوب ثبت قلب زوجي على محبتي واجنبنا المعاصي دائما واستغفر الله العظيم من كل ذنب عظيم

بعد ركعتين حاجة يا عمري

واذا ما صار متل ما بدك باقل من اسبوع واجهيني

بس طبقي كل شي بحذافيره


حياة سعيدة الك يا رب ويفرج همك ويطلعك من كل ضيق يا اختي