عنوان الموضوع : مخطوبه ودي افضفض حياة اسرية
مقدم من طرف منتديات نساء الجزائر

مخطوبه ودي افضفض






قوه بنات شخباركم فراشات عساكم بخير
بدون اي مقدمات بقول لكم سالفتي
بالبدايه انا مخطوبه
ياني واحد وخطبني وابويه اعجبه خطيبي ومات فيه يقول ماعمري شفت ريال مثله بصراحه حتى انا ماشفت مثل رجولته برغم من صغر سنه منظق ومؤدب والابتسامه ماتفارقه انا طولت فتره الخطوبه علشان اتعرف عليه اكثر
يوم من الايام كنا طالعين انا واهو وبنت خالته واخته
بنت خالته هذي مثل اخته على قولته وعلى قوله خواته متربي معاها
تخيلو بنت خالته بسياره قاعده ورا وتضحك وتسولف معاه وعادي انا حسيت بغيره اطالع فيه اهو حس وسكت نزلنا انا معاه وبنت خالته واخته رحنا البحر قعدنا كلنا نسولف ونشوي ونلعب ورقه بس بنت خالته تسولف معاه وايد لمن رجعنا اتصلت عليه قلت له مره وحده روح تزوجها قام يضحك وبقوه قال تغارين من اختي ؟ انا هني عصبت قلت مو اختك بنت خالتك قال متربي معاها من كنا صغار قلت ماتبي تبعد عنها قال خلاص ببعد ببعد هدي اعصابج سكت اخذني بيتهم عند اهله وقراده حظي كانت بنت خالته موجوده المهم انا رحت المطبخ فجأه حصلت بنت خالته بصراحه مابي اظلمها حبووبه وتسولف معاي عادي كانت شايله معاها اكل قلت لمنو قالت لخالد خطيبج قلت لها انا اوديه لها ليش اهو مااكل قالت خطيبج ماياكل بيتزا وفطاير واذا كان العشى بيتزا او فطاير يقول لي او يقول لاخته نطبخ له اي شي قلت اوك راحت وانا رحت معاها عطته الاكل وقامت تسولف معاه وتنكت انا هني شوي وانفجر مادري شسالفتها طلعت ورحت البيت وخليتهم وارسلت له رساله وكتبت له اذا نفذت الي وعدتني فيه ارد لك كتب لي رساله قال لي انا ريال اولا ثانيا مااشوف البنت سوت شي انا متربي معاها وثالثا البنت مالمستني رابعا انا احبج انتي خامسا واخرا الي تبين تسوينه سويه بس الي يدفع الثمن انتي وصار لي 3 ايام ماجه منه مسج او رساله
ابي اتنصحوني وابي اعرف انا سويته صح وشسوي مع بنت خالته

>>>>> ردود الأعضـــــــــــــــــــاء على الموضوع <<<<<
==================================


الصراحه انتي غلطانه الوضع عادي لو في اشي بينهم كان خطبها من الاول مهي قدامه 24 ساعه وانتي اصلا بتصرفاتك بتنبهيه عليها ويمكن بجكار فيكي تتركيه ويخطبها انتي دايم سمعيه انها متل اخته واكدي مشاعره عكدا وطنشيها بكره تتزوجوا وببطل يشوفها زي اول ولازم تكوني ذكيه وتعرفي تتصرفي ولا بتخسري حبه وبمل منك وموفقة


__________________________________________________ __________

والله ياعمرى انا عندى حكمة الباب الى يجيك منه الريح هده واستريح

وهذا مع الاسف ماهو ناوى يغير معاملته لها

على الاقل يقول لها خلاص مرتى هنا او خطيبتى

علشان تحترم نفسها

فى حريم من عيال زوجهم يغارون وهم عياله

الله يكون بعونك

وادعى الله ان يبعدها عنه

واستخيرى


__________________________________________________ __________

الله يعينج بس انا ابي اعرف انتي مخطوبه له ولا مملكه


__________________________________________________ __________

حبيبتي اذا تبين الريال ومتمسكه فيه تحملي حركاته وهو قالك من البداية
يعتبرها زي اخته..............
وانتي حاولي تفرفشي معاه عشان ما يفضلها عليك بالضحك وخفة الدم
والسواليف


__________________________________________________ __________

المشاركة الأصلية كتبت بواسطة البيلسان البيضاء
الصراحه انتي غلطانه الوضع عادي لو في اشي بينهم كان خطبها من الاول مهي قدامه 24 ساعه وانتي اصلا بتصرفاتك بتنبهيه عليها ويمكن بجكار فيكي تتركيه ويخطبها انتي دايم سمعيه انها متل اخته واكدي مشاعره عكدا وطنشيها بكره تتزوجوا وببطل يشوفها زي اول ولازم تكوني ذكيه وتعرفي تتصرفي ولا بتخسري حبه وبمل منك وموفقة

مشكوووووره بس تعرفي الغيره وماتفعل